પાર્કિંગ વિસ્તારમાંથી હટાવાયું ગેરકાયદેસર દબાણ

પ્રાપ્ત માહિતી અનુસાર, એક્ટર ચંદ્રચૂડ સિંહના બંગલાની બહાર આવેલા પાર્કિંગ એરિયા (Parking Area) માં નિયમોની અવગણના કરીને કેટલુંક બાંધકામ કરવામાં આવ્યું હતું. ટાઉન એન્ડ કન્ટ્રી પ્લાનિંગ ડિપાર્ટમેન્ટ (Town and Country Planning Department) ની તપાસમાં આ બાંધકામને સંપૂર્ણપણે ગેરકાયદેસર અને નિયમોનું ઉલ્લંઘન કરતું માનવામાં આવ્યું. શુક્રવારે જ્યારે ટાસ્ક ફોર્સ (Task Force) પૂરી તૈયારી અને મોટા પોલીસ કાફલા (Police Force) સાથે ઘટનાસ્થળે પહોંચી, ત્યારે કોઈપણ પ્રકારની ઢીલ રાખ્યા વિના આ ગેરકાયદેસર હિસ્સાને તોડી પાડવાની કામગીરી શરૂ કરી દેવામાં આવી હતી.

અગાઉથી જ અપાઈ હતી કાનૂની નોટિસ

અહેવાલોનું માનીએ તો, પ્રશાસન દ્વારા આ કાર્યવાહી અચાનક કે કોઈપણ પ્રકારની પૂર્વ સૂચના વિના કરવામાં આવી ન હતી. ગુરુગ્રામ પ્રશાસન (Administration) દ્વારા આ ગેરકાયદેસર બાંધકામ અંગે અગાઉથી જ કાયદેસરની નોટિસ ફટકારવામાં આવી હતી. જોકે, નક્કી કરેલી સમયમર્યાદા (Deadline) ની અંદર અભિનેતા કે તેમની ટીમ તરફથી આ નોટિસનો કોઈ જ સંતોષકારક જવાબ આપવામાં આવ્યો ન હતો. આ જ કારણોસર અંતે વહીવટીતંત્ર દ્વારા બુલડોઝર ફેરવવાની કડક કાર્યવાહી કરવામાં આવી.

અધિકારીઓ સાથે સહજતાથી વાત કરતા જોવા મળ્યા અભિનેતા

આ સમગ્ર કાર્યવાહીનો એક વીડિયો (Video) સોશિયલ મીડિયા (Social Media) પ્લેટફોર્મ 'X' પર 'ગ્રેટર નોઈડા વેસ્ટ' (Greater Noida West) ના સત્તાવાર એકાઉન્ટ પરથી શેર કરવામાં આવ્યો છે, જે હવે ખૂબ વાયરલ (Viral) થઈ રહ્યો છે. વીડિયોમાં સ્પષ્ટ જોઈ શકાય છે કે કાર્યવાહી દરમિયાન ચંદ્રચૂડ સિંહ પોતે ઘરની બહાર રસ્તા પર ઉભા છે. સફેદ ટી-શર્ટ અને શોર્ટ્સ પહેરેલા અભિનેતા ખૂબ જ શાંતિથી ત્યાં હાજર ડીટીપી અધિકારીઓ અને પોલીસકર્મીઓ સાથે વાતચીત કરતા નજરે પડે છે.

Gurugram: DLF Phase 3 में अभिनेता Chandrachur Singh के घर के बाहर चला DTP का बुलडोजर।
सड़क की जमीन पर बनी दीवार और पेड़-पौधे हटाए गए।
DTP Amit Madholia ने कार्रवाई की जानकारी फिल्म अभिनेता को दी। pic.twitter.com/crlubZDldu

— Greater Noida West (@GreaterNoidaW) July 3, 2026

વાયરલ વીડિયોમાં જોઈ શકાય છે કે અભિનેતા ચંદ્રચૂડ સિંહ ત્યાં હાજર વહીવટી અધિકારીઓ પાસે જાય છે અને તેમની સાથે હાથ મિલાવે છે. તેઓ અંગ્રેજીમાં અધિકારીઓને કહે છે કે, "House is safe, that's what is important. તેના જવાબમાં સામે ઉભેલા અધિકારી પણ તેમને સાંત્વના આપતા કહે છે કે, "House is safe... very safe. આ દર્શાવે છે કે કાર્યવાહી દરમિયાન કોઈ ઘર્ષણ સર્જાયું ન હતું.

આ પણ વાંચો : Hrithik Roshan Cameo : આલ્ફામાં આલિયાના દમદાર એક્શન વચ્ચે ઋતિક રોશનના 'નકલી વાળ' પર ચર્ચાઓ શરૂ