'હું થાકી ગઈ છું, પૂરતો આરામ નથી મળ્યો...', પોલીસ પૂછપરછ દરમિયાન રાન્યા રાવે કર્યા આ ખુલાસા

• અભિનેત્રી રાન્યા રાવને જ્યુડિશિયલ કસ્ટડીમાં મોકલી દેવામાં આવી
• અભિનેત્રી પાસેથી 14.8 કિલો સોનું મળી આવ્યું હતું
• ડીજીપી રાવે પોતાની સાવકી દીકરીની ધરપકડ પર નિરાશા વ્યક્ત કરી

Ranya Rao reveals : કર્ણાટકની રાજધાની બેંગલુરુના કેમ્પેગૌડા ઈન્ટરનેશનલ એરપોર્ટ (KIA) ખાતે કન્નડ અભિનેત્રી રાન્યા રાવ પાસેથી 14 કિલો સોનું મળી આવ્યું હતું. તેણીને 18 માર્ચ સુધી ન્યાયિક કસ્ટડીમાં મોકલી દેવામાં આવી છે. પોલીસ પૂછપરછ દરમિયાન તેણે ઘણી બાબતોની કબૂલાત કરી છે. અભિનેત્રીએ પોલીસને કહ્યું કે તેને પૂરતો આરામ નથી મળી રહ્યો. રાવે કહ્યું કે તે થાકી ગઈ છે, અને ઉમેર્યું કે તેણી યુરોપ, અમેરિકા અને મધ્ય પૂર્વની યાત્રા કરી છે. આ ઉપરાંત તે દુબઈ અને સાઉદી અરેબિયા પણ ગઈ હતી. આ કારણે તે ખૂબ જ થાકી ગઈ છે અને તેને આરામ કરવાનો મોકો નથી મળ્યો.

રાન્યા પાસેથી 14.8 કિલો સોનું મળી આવ્યું

તેને ખાવાનું આપવામાં આવ્યું હતું, પરંતુ તેણે કંઈ ખાધું ન હતું. તેણે જે પણ કબૂલાત કરી છે, તે તેણે સ્વેચ્છાએ કરી છે, કોઈએ તેના પર દબાણ કર્યું નથી. તેનો કેસ સંપૂર્ણપણે ન્યાયી છે. 'માનિક્ય' અને 'પટકી' જેવી કન્નડ ફિલ્મોમાં પોતાની ભૂમિકાઓથી પ્રખ્યાત થયેલી રાન્યાને 3 માર્ચે બેંગલુરુ એરપોર્ટ પર ડિરેક્ટોરેટ ઓફ રેવન્યુ ઇન્ટેલિજન્સ (DRI) દ્વારા અટકાયતમાં લેવામાં આવી હતી. અધિકારીઓએ દાવો કર્યો હતો કે જ્યારે તે દુબઈથી પરત ફરી રહી હતી ત્યારે તેની પાસેથી 14.8 કિલો સોનું મળી આવ્યું હતું, જે તે દાણચોરી માટે લાવી હતી.

આ પણ વાંચો :  Barsana: અયોધ્યા, કાશી બાદ હવે મથુરાનો વારો.. બોલ્યા CM Yogi

4 મહિના પહેલા લગ્ન થયા હતા

રાન્યા રાવ કર્ણાટક સ્ટેટ પોલીસ હાઉસિંગ કોર્પોરેશનના પોલીસ મહાનિર્દેશક (DGP) રામચંદ્ર રાવની સાવકી પુત્રી છે. જો કે ડીજીપીને આ અંગે કોઈ માહિતી ન હતી. DGP રાવે મામલો સામે આવ્યા બાદ કહ્યું હતું કે રાન્યાએ 4 મહિના પહેલા જતિન હુક્કેરી સાથે લગ્ન કર્યા હતા. આ પછી તે ક્યારેય તેમના ઘરે આવી નથી.

DGP રાવે ધરપકડ પર આશ્ચર્ય વ્યક્ત કર્યું

ડીજીપી રાવે પોતાની સાવકી દીકરીની ધરપકડ પર આશ્ચર્ય અને નિરાશા વ્યક્ત કરી. તેમણે કહ્યું કે આ સંપૂર્ણપણે આઘાતજનક અને નિરાશાજનક હતું. કાયદો તેનું કામ કરશે, જો તે દોષિત હશે તો તેને ચોક્કસ સજા થશે. રાન્યાની ધરપકડ બાદ કર્ણાટકમાં પણ રાજકીય બયાનબાજી તેજ થઈ ગઈ છે. કોંગ્રેસના ધારાસભ્ય અને કર્ણાટકના મુખ્યમંત્રીના કાનૂની સલાહકાર એએસ પોન્નાએ કહ્યું કે આ મામલે કડક પગલાં લેવામાં આવશે. આરોપી ગમે તે હોય, તેને છોડવામાં આવશે નહીં.

આ પણ વાંચો :  મોહમ્મદ શમીના વિવાદમાં હવે કોંગ્રેસ નેતા શમા મોહમ્મદની એન્ટ્રી, જાણો શું કહ્યું