Entertainment: Indian Idol-12ના વિજેતા Singer Pawandeep Rajanનો કાર અકસ્માત

• ઇન્ડિયન આઇડલ-12ના વિજેતા પવનદીપ રાજનનો નડ્યો અકસ્માત
• પવનદીપને ડાબા પગ અને જમણા હાથમાં ઈજા
• ચાહકો તેમના સ્વાસ્થ્ય અને સલામતી માટે પ્રાર્થના કરી

Indian Idol: ઇન્ડિયન આઇડલ-12ના વિજેતા પવનદીપ રાજનનો (Singer Pawandeep Rajan car accident)કાર અકસ્માત થયો છે. જેમાં તેઓ ગંભીરરુપથી ઘાયલ થયા છે. પવનદીપ રાજન સોમવારે સવારે 3:40 વાગ્યે અમરોહામાં એક મોટા કાર અકસ્માતમાં ઘાયલ થયા હતા અને તેમને ગંભીર ઈજાઓ થઈ હતી. સોશિયલ મીડિયા પર આ સમાચાર વાયુ વેગે ફેલાયા છે. હાલ તેમની સારવાર ચાલી રહી છે. પવનદીપને ડાબા પગ અને જમણા હાથમાં ઈજા થઈ છે. આ સમાચાર પછી, ચાહકો તેમના સ્વાસ્થ્ય અને સલામતી માટે પ્રાર્થના કરી રહ્યા છે.

પવનદીપ રાજનની હાલત કેવી છે?

પવનદીપ રાજન સાથે થયેલા અકસ્માત વિશે વધુ માહિતીની હજુ રાહ જોવાઈ રહી છે, પરંતુ વીડિયોમાં જોવા મળે છે કે પવનદીપને ડાબા પગ અને જમણા હાથમાં ઈજા થઈ છે. આ સમાચાર પછી, ચાહકો તેમના સ્વાસ્થ્ય તથા સલામતી માટે પ્રાર્થના કરી રહ્યા છે. આ અકસ્માતમાં કાર સંપૂર્ણપણે નાશ પામી હતી. કારની તસવીર જોઈને તમે અંદાજ લગાવી શકો છો કે પવનદીપ રાજનનો અકસ્માત કેટલો ખતરનાક હતો. હાલમાં તેમની હોસ્પિટલમાં સારવાર ચાલી રહી છે.

આ પણ  વાંચો -Ajaz Khan માટે કમબેકને બદલે કમઠાણ સાબિત થયો House Arrest શો

કોણ છે પવનદીપ રાજન?

પવનદીપ રાજન ઉત્તરાખંડના ચંપાવત જિલ્લાનો રહેવાસી છે. તેમના પિતા સુરેશ રાજન, માતા સરોજ રાજન અને બહેન જ્યોતિદીપ રાજન કુમાઓના લોક કલાકારો છે. પવનદીપની સંગીત યાત્રા 2015માં ધ વોઇસ ઇન્ડિયા શોમાં જીત સાથે શરૂ થઈ હતી. પછી તેઓ ઇન્ડિયન આઇડલ-12માં વિજેતા પણ રહી ચુક્યા છે. પવનદીપે ઇન્ડિયન આઇડલ-12ની ટ્રોફીની સાથે એક કાર અને 25 લાખ રૂપિયાની ઇનામી ધનરાશિ પણ જીતી હતી. તેનો મુકાબલો પાંચ ફાઇનલિસ્ટ, અરુણિતા, મોહમ્મદ દાનિશ, સાયલી કાંબલે, નિહાલ તૌરો અને સન્મુખા પ્રિયા સામે હતો. બહુવિધ શૈલીઓ અને તેમના પ્રભાવશાળી વાદ્યો વચ્ચે આરામથી સ્વિચ કરવાની તેમની ક્ષમતા સાથે, પવનદીપે ભારતીય સંગીત ઉદ્યોગમાં પોતાના માટે એક વિશિષ્ટ સ્થાન બનાવ્યું છે. રિયાલિટી શોની પ્રસિદ્ધિ ઉપરાંત, પવનદીપ સક્રિયપણે એકલ સંગીત કારકિર્દી બનાવી રહ્યા છે. સ્વતંત્ર આલ્બમ બહાર પાડી રહ્યા છે. અન્ય કલાકારો સાથે સહયોગ કરી રહ્યા છે અને ફિલ્મ સંગીતમાં પણ પ્રવેશ કરી રહ્યા છે. તેમના દરેક ગાયનમાં તેમની કળા પ્રત્યેની સમર્પણતા પ્રતિબિંબિત થાય છે.