• સૈફ-રાનીનો 'Hum Tum' કિસ્સો
• 'Hum Tum' નું ખરાબ ચુંબન
• 'Hum Tum' ની યાદગાર વાતો
• રાની સાથે સૈફનો અજીબ સીન

Saif Ali Khan-Rani Mukherjee Kissing Scene : 2000ના દાયકામાં સૈફ અલી ખાને પોતાના ચોકલેટ બોય લુક અને રોમેન્ટિક અભિનયથી બોલિવૂડમાં એક અલગ જ છાપ છોડી હતી. આ સમયગાળામાં તેમણે ઘણી યાદગાર ફિલ્મો આપી, જેમાંથી એક હતી 2004માં રિલીઝ થયેલી 'Hum Tum'. આ ફિલ્મમાં સૈફની સાથે રાની મુખર્જીએ મુખ્ય ભૂમિકા ભજવી હતી, અને આ જોડીએ દર્શકોના દિલ જીતી લીધા હતા. યશ રાજ ફિલ્મ્સના બેનર હેઠળ બનેલી આ ફિલ્મનું નિર્દેશન કુણાલ કોહલીએ કર્યું હતું. તાજેતરમાં, સૈફે આ ફિલ્મના શૂટિંગ દરમિયાનની એક રસપ્રદ અને રમુજી ઘટના યાદ કરી, જેણે ચાહકોનું ધ્યાન ખેંચ્યું.

રાની સાથેનો અજીબ કિસિંગ સીન

હાલમાં જ એક મીડિયા હાઉસને આપેલા ઇન્ટરવ્યુમાં સૈફ અલી ખાને 'Hum Tum'ના શૂટિંગનો એક રમુજી કિસ્સો શેર કર્યો. તેમણે જણાવ્યું કે, ફિલ્મના નિર્માતા આદિત્ય ચોપરા ઇચ્છતા હતા કે સૈફ અને રાની ફિલ્મમાં એક ચુંબન દ્રશ્ય કરે. આદિત્યએ આ સીન માટે પૂરી તૈયારી કરી હતી, પરંતુ રાનીને આ દ્રશ્ય કરવામાં ખચકાટ થઈ રહ્યો હતો. સૈફે હસતાં હસતાં કહ્યું કે રાની આ સીનથી એટલી ડરી ગઈ હતી કે તેની અસ્વસ્થતા સ્પષ્ટ દેખાતી હતી. જ્યારે આ દ્રશ્ય શૂટ થયું, તો તે બંને માટે એકદમ અજીબ અનુભવ બની ગયો. સૈફે મજાકમાં આ ચુંબનને 'હિન્દી સિનેમાના ઇતિહાસનું સૌથી ખરાબ ચુંબન' ગણાવ્યું અને કહ્યું કે તે એટલું અસ્વસ્થતાભર્યું હતું કે બંનેને તે કરવામાં કોઈ આનંદ નહોતો આવ્યો. આ કિસ્સાએ ફિલ્મના શૂટિંગની એક અલગ જ સ્ટોરી લોકો સમક્ષ બતાવી છે.

રાષ્ટ્રીય પુરસ્કાર અને સૈફનો ખચકાટ

'Hum Tum' ફિલ્મ સૈફ માટે ખાસ રહી, કારણ કે આ ફિલ્મે તેમને રાષ્ટ્રીય પુરસ્કાર અપાવ્યો હતો. જોકે, આ પુરસ્કાર સ્વીકારવા જવું કે નહીં, તે અંગે સૈફ ખચકાટ અનુભવતો હતો. ફિલ્મના નિર્દેશક કુણાલ કોહલીએ એક જૂના ઇન્ટરવ્યુમાં આ વિશે વાત કરી હતી. તેમણે જણાવ્યું કે, જ્યારે સૈફને રાષ્ટ્રીય પુરસ્કાર મળવાની જાહેરાત થઈ, ત્યારે તે લંડનમાં રજાઓ ગાળી રહ્યો હતો. કુણાલ અને સૈફ તે સમયે સ્પેનમાં એક જાહેરાત ફિલ્મનું શૂટિંગ કરી રહ્યા હતા, જેમાં સિદ્ધાર્થ પ્રોડક્શનનું કામ સંભાળી રહ્યો હતો. શૂટિંગ પછી રજાઓ ગાળવા માટે સૈફ લંડન જવાની તૈયારીમાં હતો, ત્યાં જ તેને પુરસ્કારના સમાચાર મળ્યા. સૈફે કુણાલને પૂછ્યું, 'શું મારે દિલ્હી જવું જોઈએ?' કુણાલે તેને હસતાં હસતાં કહ્યું, 'શું તું પાગલ છે? જવું જ પડશે!' પરંતુ સૈફે ચિંતા વ્યક્ત કરી કે તે લંડનમાં રજાઓ ગાળી રહ્યો છે અને તેને શંકા હતી કે શું આયોજકો લંડનથી દિલ્હીની ટિકિટ આપશે? કુણાલે મજાકમાં જવાબ આપ્યો કે તેઓ મુંબઈથી દિલ્હીની ટિકિટ જ આપશે, લંડનથી નહીં. આ દરમિયાન, સૈફની માતા અને પિતા (અમ્મી અને અબ્બુ)એ પણ તેને જવાની સલાહ આપી હતી, અને આખરે સૈફે દિલ્હી જઈને પુરસ્કાર સ્વીકાર્યો.

આ પણ વાંચો :   કંગના શર્મા બની Oops Moment નો શિકાર! હાઈ હીલ્સે આપ્યો દગો, જુઓ Video