Karisma Kapoor Birthday: કપૂર ખાનદાનમાં જન્મ અને બાળપણ
કરિશ્મા કપૂરનો જન્મ 25 જૂન 1974માં થયો હતો. તેના પિતા રણધીર કપૂર અને માતા બબીતા હતા. ઘરમાં સૌ તેને લાડથી લોલો કહેતા હતા. કરિશ્માની માતા બબીતા સિંધુ સમુદાયમાંથી આવતા હતા. પરિવારમાં કરિશ્માના જન્મના 6 વર્ષ બાદ તેની નાની બહેન કરીના કપૂરનો જન્મ થયો હતો. વર્ષ 1988માં રણધીર અને બબીતા અલગ રહેવા લાગ્યા હતા. માતા સાથે રહેતી વખતે કરિશ્માએ ઘરની જવાબદારી ઉપાડવા માટે અભ્યાસ અધૂરો છોડ્યો હતો.
Karisma Kapoor Birthday: ફિલ્મી સફરની શરૂઆત
તે સમયે કપૂર પરિવારમાં મહિલાઓના ફિલ્મોમાં કામ કરવાની મનાઈ હતી. તેમ છતાં કરિશ્માએ અભિનેત્રી બનવાનું સ્વપ્ન જોયું અને માતા બબીતાએ તેમને પૂર્ણ સાથ આપ્યો હતો. તેણે વર્ષ 1991માં 'પ્રેમ કેદી' ફિલ્મથી ડેબ્યૂ કર્યું હતું. શરૂઆતમાં તેમની ફિલ્મો ખાસ ચાલી ન હતી. જોકે ફિલ્મ 'જિગર' તેની કારકિર્દી માટે ટર્નિંગ પોઈન્ટ સાબિત થઈ હતી. આ પછી તેમણે 'રાજા બાબુ', 'કુલી નંબર 1' અને 'બીવી નંબર 1' જેવી અનેક સુપરહિટ ફિલ્મો આપીને પોતાની છાપ છોડી હતી.
વ્યક્તિગત જીવન અને સંઘર્ષ
કરિશ્મા કપૂરનું નામ 90ના દાયકામાં અજય દેવગન સાથે જોડાયું હતું. બાદમાં ઓક્ટોબર 2002માં અભિષેક બચ્ચન સાથે તેમની સગાઈ થઈ હતી. આ સગાઈ તૂટ્યા બાદ કરિશ્મા માટે સમય મુશ્કેલ હતો. સપ્ટેમ્બર 2003માં તેણે દિલ્હીના બિઝનેસમેન સંજય કપૂર સાથે લગ્ન કર્યા હતા. લગ્ન બાદ પણ તેના જીવનમાં શાંતિ રહી ન હતી. અને અંતે વર્ષ 2016માં કરિશ્માએ સંજય કપૂરથી છૂટાછેડા લીધા હતા. આ લગ્નજીવન દરમિયાન તેણે ઘણી માનસિક અને શારીરિક મુશ્કેલીઓનો સામનો કર્યો હતો.
નવી ઇનિંગ્સ અને વર્કફ્રન્ટ
લાંબા સમયના બ્રેક બાદ વર્ષ 2012માં કરિશ્માએ ફિલ્મ 'ડેન્જરસ ઇશ્ક'થી ફિલ્મી પડદે વાપસી કરી હતી. આ સમયગાળામાં તેણે પોતાની માતા તરીકેની જવાબદારીઓ પણ ખૂબ જ સારી રીતે નિભાવી હતી. હાલમાં તે ડિજિટલ પ્લેટફોર્મ પર પણ સક્રિય છે. તાજેતરમાં તે વેબ સિરીઝ 'બ્રાઉન'માં જોવા મળી હતી.. કરિશ્મા આજે પણ પોતાની અદાઓ અને અભિનયથી ચાહકોના દિલ પર રાજ કરે છે.
આ પણ વાંચો--- Alka Yagnik Padma Bhushan: શું છે એ અવાજને પડકારતી દુર્લભ બીમારી, જેનો સામનો કરી રહી છે પદ્મ ભૂષણ અલકા યાજ્ઞિક
