ગુજરાતી બ્લોકબસ્ટર ફિલ્મ 'લાલો' હવે હિન્દીમાં ધૂમ મચાવશે, રિલીઝ ડેટ જાહેર!
ગુજરાતી સિનેમાની સૌથી વધુ કમાણી કરનારી બ્લોકબસ્ટર ફિલ્મ 'લાલો - શ્રી કૃષ્ણ સદા સહાયતે' હવે 9 જાન્યુઆરી, 2026ના રોજ હિન્દીમાં રિલીઝ થશે. અંકિત સખિયાના નિર્દેશનમાં બનેલી આ ફિલ્મમાં કરણ જોશીએ મુખ્ય ભૂમિકા ભજવી છે. શ્રી કૃષ્ણની ભક્તિ પર આધારિત આ ફિલ્મે ગુજરાત અને અમેરિકામાં ઐતિહાસિક સફળતા મેળવી છે. હવે નિર્માતાઓ આ ફિલ્મને હિન્દીમાં ડબ કરીને રાષ્ટ્રીય સ્તરે કૃષ્ણ ભક્તિનો સંદેશ વ્યાપક પ્રેક્ષકો સુધી પહોંચાડશે.
Advertisement
- ગુજરાતી સિનેમાની સૌથી વધુ કમાણી કરનારી ફિલ્મ 'લાલો' હિન્દીમાં ડબ થશે (Lalo Movie Hindi Release)
- 9 જાન્યુઆરી, 2026ના રોજ દેશભરના સિનેમાઘરોમાં હિન્દીમાં થશે રિલીઝ
- કરણ જોશી સ્ટારર આ ફિલ્મે બોક્સ ઓફિસ પર સર્જ્યો છે ઐતિહાસિક રેકોર્ડ
- શ્રી કૃષ્ણની ભક્તિ પર આધારિત વાર્તા હવે રાષ્ટ્રીય સ્તરે ધૂમ મચાવશે
- ડિસેમ્બર 2025 અથવા જાન્યુઆરી 2026માં OTT પર આવવાની પણ શક્યતા
Lalo Movie Hindi Release : ગુજરાતી ફિલ્મ ઇન્ડસ્ટ્રી માટે ગૌરવના સમાચાર સામે આવ્યા છે. અત્યાર સુધીની સૌથી વધુ કમાણી કરનારી બ્લોકબસ્ટર ફિલ્મ 'લાલો - શ્રી કૃષ્ણ સદા સહાયતે' હવે રાષ્ટ્રીય સ્તરે ધૂમ મચાવવા તૈયાર છે. ફિલ્મના નિર્માતાઓએ સત્તાવાર જાહેરાત કરી છે કે આ ફિલ્મનું હિન્દી ડબ્ડ વર્ઝન 9 જાન્યુઆરી, 2026 ના રોજ દેશભરના સિનેમાઘરોમાં રિલીઝ કરવામાં આવશે. આ પગલું ગુજરાતી સિનેમાને વૈશ્વિક ઓળખ અપાવવામાં મહત્વનું સાબિત થશે.