Dharmendra ને મરણોત્તર પદ્મવિભૂષણથી નવાજ્યા, પત્ની-પુત્રી ભાવુક થયા

Dharmendra : 25 મેના રોજ, સુપ્રસિદ્ધ અભિનેતા ધર્મેન્દ્રને (Late Actor - Dharmendra) મરણોત્તર પદ્મ વિભૂષણથી (Padma Vibhushan Award) નવાજવામાં આવ્યા છે. તેમના પત્ની, હેમા માલિની (Hema Malini), ને 'હીમેન'નો એવોર્ડ મળ્યો છે. આ ક્ષણ તેના માટે ખૂબ જ ભાવનાત્મક હતી. હેમા તેમની પુત્રી આહાના (Daughter - Aahna) સાથે રાષ્ટ્રપતિ ભવન પહોંચી હતી. એવોર્ડ સ્વીકારતી વખતે તે ભાવુક દેખાઈ રહી હતી. આ દરમિયાન, પુત્રી આહના પોતાના આંસુઓ પર કાબુ રાખી શકી નહતી, અને તેના પિતા માટે તાળીઓ પાડતી રડવા લાગી હતી. આ ક્ષણે ધર્મેન્દ્રના ચાહકોને ભાવુક બનાવી દીધા છે.

Dharmendra, દિકરીની આંખમાં આંસું આવી ગયા

આહાનાના પતિ વૈભવ વોહરા (Vaibhav Vohra) પણ રાષ્ટ્રપતિ ભવનમાં તેમની પત્ની આહાનાની સંભાળ રાખતા જોવા મળ્યા હતા. એવોર્ડ સમારોહમાં હેમા માલિની ગુલાબી સાડીમાં જોવા મળી હતી. તેમના પતિ ધર્મેન્દ્ર માટે મરણોત્તર પદ્મ વિભૂષણ પ્રાપ્ત કરવા માટે રાષ્ટ્રપતિ પાસે જતાં તેઓ ભાવુક થઈ ગયા હતા. ધર્મેન્દ્રને ગુમાવવાનું દુઃખ તેમના ચહેરા પર સ્પષ્ટ દેખાતું હતું. પોતાના આંસુઓને કાબૂમાં રાખીને, હેમાએ રાષ્ટ્રપતિ દ્રૌપદી મુર્મુના હાથે આ એવોર્ડ સ્વીકાર્યો હતો. પિતાને મરણોત્તર પદ્મ વિભૂષણ પ્રાપ્ત થતા જોઈને આહાના રડવા લાગી હતી.

Dharmendra, સન્માનથી આખો પરિવાર ખુશ

એવોર્ડ સમારોહ પહેલા, હેમા માલિનીએ ઉલ્લેખ કર્યો હતો કે, તેમની પુત્રી, એશા, પણ રાષ્ટ્રપતિ ભવનમાં આવવા માંગતી હતી, પરંતુ તે આવી શકી નહીં. આ પરિવાર માટે ભાવનાત્મક ક્ષણ છે. હેમાએ ઉમેર્યું હતું કે, ધર્મેન્દ્રને મળી રહેલા સન્માનથી આખો પરિવાર ખુશ છે. સની અને બોબી પણ આ વાતથી વાકેફ છે. જો કે, ધર્મેન્દ્રની પહેલી પત્નીનો આખો પરિવાર એવોર્ડ સમારંભમાં ગેરહાજર હતો.

ચાહકોના દિલો પર રાજ કર્યું

આ દિગ્ગજ અભિનેતાના કાર્યક્ષેત્ર વિશે વાત કરીએ તો, ભારતીય સિનેમામાં તેમનું યોગદાન ક્યારેય ભૂલી શકાય નહીં. પોતાના શાનદાર અભિનય અને સરળ વ્યક્તિત્વથી, ધર્મેન્દ્રએ દાયકાઓ સુધી ચાહકોના દિલ પર રાજ કર્યું હતું. ભલે તે આજે આપણી વચ્ચે નથી, પણ તે હંમેશા પોતાના ચાહકોના હૃદયમાં અમર રહેશે.

#WATCH | Delhi | Padma Vibhushan awarded to legendary veteran actor late Dharmendra by President Droupadi Murmu

BJP MP Hema Malini received the honour awarded to her late husband and legendary actor for his contribution in the field of Arts

(Video source: President of… pic.twitter.com/HglPJJAXRl

— ANI (@ANI) May 25, 2026

6 દાયકામાં 300 ફિલ્મોમાં કામ કર્યું

ધર્મેન્દ્રએ તેમના 6 દાયકાના લાંબા કરિયરમાં 300 થી વધુ ફિલ્મોમાં કામ કર્યું હતું. તેમની હિટ ફિલ્મોમાં શોલે, ફૂલ ઔર પથ્થર, અનપધ, હકીકત, બંદિની, સીતા ઔર ગીતા, મેરા ગાંવ મેરા દેશ અને અસંખ્ય અન્યનો સમાવેશ થાય છે. અભિનેતાએ 1960માં 'દિલ ભી તેરા હમ ભી તેરે' ફિલ્મથી ડેબ્યુ કર્યું હતું. તેમની છેલ્લી ફિલ્મ ઇક્કિસ હતી, જે તેમના મૃત્યુ પછી રિલીઝ થઈ હતી. તેઓ અંત સુધી કામ કરતા રહ્યા. અભિનેતાએ પોતાનું જીવન જે જીવંતતા અને સાદગી સાથે જીવ્યું તે તેમના ચાહકોને પ્રેરણા આપતું હતું.

આ પણ વાંચો - સલમાન ખાનનો ઇન્સ્ટાગ્રામ એકાઉન્ટ અચાનક કેમ થયું બંધ, ચાહકો થયા નિરાશ