રણબીર-આલિયાની 'Love And War' ની પહેલી ઝલક આ દિવસે આવશે, ચાહકોમાં ભારે ક્રેઝ
- Love And War નું કાઉન્ટડાઉન શરૂ: જાન્યુઆરીમાં રિલીઝ થશે પહેલી ઝલક
- જાન્યુઆરી 2026માં 'Love And War'નો ઓફિશિયલ ફર્સ્ટ લૂક આવશે સામે
- રણબીર, આલિયા અને વિક્કી કૌશલ પહેલીવાર એક જ ફિલ્મમાં દેખાશે
- સંજય લીલા ભણસાલીના ભવ્ય નિર્દેશનમાં ફિલ્મનું શૂટિંગ વેગમાં
- માર્ચ 2026માં ફિલ્મ સિનેમાઘરોમાં રિલીઝ થવાની શક્યતા
- ફિલ્મમાં ત્રણેય કલાકારોના લુક્સ અને પોસ્ટર પરથી જલ્દી ઉઠશે પડદો
Love And War : બોલિવૂડના દિગ્ગજ દિગ્દર્શક સંજય લીલા ભણસાલી પોતાની ભવ્ય ફિલ્મો માટે જાણીતા છે. હાલમાં તેમની આગામી ફિલ્મ 'લવ એન્ડ વોર' (Love And War) ભારે ચર્ચામાં છે. આ ફિલ્મમાં રણબીર કપૂર, આલિયા ભટ્ટ અને વિક્કી કૌશલ જેવા દિગ્ગજ કલાકારો પ્રથમ વખત એકસાથે મોટા પડદા પર દેખાવાના છે, જેના કારણે ચાહકોમાં જબરદસ્ત ઉત્સાહ જોવા મળી રહ્યો છે.
ક્યારે રિલીઝ થશે પહેલી ઝલક?
તાજેતરના અહેવાલો મુજબ, મેકર્સ વર્ષ 2026 ની શરૂઆતમાં એટલે કે જાન્યુઆરી મહિનામાં ફિલ્મની સત્તાવાર 'ફર્સ્ટ લૂક' જાહેર કરવાની યોજના બનાવી રહ્યા છે. આ ઝલક પોસ્ટરના રૂપમાં હોઈ શકે છે અથવા ત્રણેય કલાકારોના અલગ-અલગ લુક્સ પણ રજૂ કરવામાં આવી શકે છે. જોકે સેટ પરથી કેટલીક તસવીરો લીક થઈ હતી, પરંતુ મેકર્સ દ્વારા રિલીઝ થનારો ઓફિશિયલ લૂક ખૂબ જ પ્રભાવશાળી હોવાનું મનાય છે..
Sanjay Leela Bhansali's #LoveAndWar is almost ready to sweep you off your feet! 🎬 The first glimpse of this epic romantic saga is dropping in January 2026, and it's going to be huge! 🌟 It might be an official poster or some breathtaking images from the set, which Bhansali has… pic.twitter.com/qqoy4m13of
— CINEINFINITY (@cine_infinity) December 24, 2025
Love And War માં રણબીર-આલિયા અને વિક્કીની નવી ત્રિપુટી
વિક્કી કૌશલ અગાઉ રણબીર સાથે 'સંજુ' અને આલિયા ભટ્ટ સાથે 'રાઝી' માં કામ કરી ચૂક્યો છે, પરંતુ આ ત્રણેય કલાકારો એક જ ફ્રેમમાં હોય તેવું પહેલીવાર ભણસાલીની ફિલ્મમાં જોવા મળશે. રણબીર અને આલિયાની જોડીને ચાહકોએ 'બ્રહ્માસ્ત્ર' માં ખૂબ પસંદ કરી હતી, હવે ભણસાલીના ભવ્ય નિર્દેશનમાં આ ત્રિપુટી શું નવું લાવે છે તે જોવું રસપ્રદ રહેશે.
ફિલ્મની વાર્તા અને રિલીઝ પ્લાન
ચર્ચાઓ એવી પણ છે કે આ ફિલ્મ માર્ચ 2026 માં સિનેમાઘરોમાં રિલીઝ થઈ શકે છે. જોકે, હજુ સુધી મેકર્સ તરફથી તારીખની કોઈ સત્તાવાર જાહેરાત કરવામાં આવી નથી. જાન્યુઆરીમાં રિલીઝ થનારી પહેલી ઝલક ફિલ્મની વાર્તા અને પાત્રો પરથી પડદો ઉઠાવી શકે છે.
આ પણ વાંચો : Akshaye Khanna: ધુરંધર પછી અક્ષય ખન્નાના બદલાયા તેવર, ડિમાન્ડ પૂર્ણ ન થતા છોડી દ્રશ્યમ-3?