Mahaprabhu Jagannath Animated Movie : 10 હજાર ભક્તોની હાજરીમાં ભવ્ય ટ્રેલર લોન્ચ, રથયાત્રાના અવસરે ફિલ્મ આ તારીખે થશે રિલીઝ

તાજેતરમાં ફિલ્મનું ટ્રેલર 10,000થી વધુ દર્શકોની હાજરીમાં લોન્ચ કરવામાં આવ્યું હતું, જેને દર્શકો તરફથી જબરદસ્ત પ્રેમ અને ભાવુક પ્રતિસાદ મળ્યો હતો. આ પ્રતિસાદ ફિલ્મને વર્ષની સૌથી અપેક્ષિત એનિમેટેડ ફિલ્મોમાં સ્થાન અપાવે છે.

દુર્ગા પ્રસાદ દલાઈ દ્વારા  Ele Animations Pvt. Ltd.ના બેનર હેઠળ નિર્મિત આ ફિલ્મ સમગ્ર પરિવાર માટેનું મનોરંજન છે, જેમાં ઉચ્ચ ગુણવત્તાનું એનિમેશન ભારતીય સંસ્કૃતિ અને આધ્યાત્મિકતાને સુંદર રીતે રજૂ કરે છે. તેમની લોકપ્રિય એનિમેટેડ શ્રેણી ‘જય જગન્નાથ’ ને મળેલી સફળતા બાદ આ ફિલ્મને હવે મોટા પડદા પર રજૂ કરવામાં આવી રહી છે.

Cinepolis સાથેની ભાગીદારી હેઠળ ફિલ્મ 300થી વધુ સ્ક્રીન્સ પર હિન્દી, ઓડિયા અને તેલુગુ ભાષાઓમાં રિલીઝ થશે. ફિલ્મનું દિગ્દર્શન શ્રીપાદ વારખેડકરે કર્યું છે, જ્યારે પલ્લવી શર્માએ સ્ક્રીનપ્લે અને સંવાદો લખ્યા છે. સંગીત અવિરલ કુમારનું છે. ભુવનેશ્વર સ્થિત Ele Animations Pvt. Ltd. વર્ષ 2008થી વૈશ્વિક સ્તરે ગુણવત્તાસભર એનિમેશન કન્ટેન્ટ તૈયાર કરી રહી છે.

ભારત ઉપરાંત ફિલ્મ પસંદગીના આંતરરાષ્ટ્રીય બજારોમાં પણ રિલીઝ થશે.આ 17 જુલાઈએ શ્રદ્ધા, સંસ્કૃતિ અને ભવ્ય વાર્તાના અદ્ભુત અનુભવ માટે તૈયાર રહો.

આ પણ વાંચો : Diljit Dosanjh Satluj Removed : રિલીઝના બે જ દિવસમાં દિલજીત દોસાંજની ફિલ્મ 'સતલુજ' Zee5 પરથી હટાવાઈ