Nepal-China Border પર લેન્ડસ્લાઈડમાં ફસાઈ હતી ગુજરાતી એક્ટ્રેસ, દીકરીને ભેટીને ચોધાર આંસુએ રડી!

એરપોર્ટ પર પતિ પાર્થિવ ગોહિલ અને દીકરી નિર્વી સાથે ભાવુક મિલન

માનસી પારેખ (Manasi Parekh) મુંબઈ એરપોર્ટ (Mumbai Airport) પર ઉતરી ત્યારે તેનું સ્વાગત કરવા માટે પતિ પાર્થિવ ગોહિલ (Parthiv Gohil) અને દીકરી નિર્વી (Nirvi) હાજર હતા. માતાને સુરક્ષિત સામે જોઈને દીકરી દોડીને તેને વળગી પડી હતી. માનસી પણ પોતાની વ્હાલસોયી દીકરીને ગળે લગાવીને રડી પડી હતી. બંને વચ્ચેનું આ ભાવુક મિલન જોઈ ત્યાં હાજર લોકો પણ ગદગદિત થઈ ગયા હતા. પાર્થિવ ગોહિલે ફૂલોની માળા પહેરાવી માનસીનું સ્વાગત કર્યું હતું અને રાહતનો શ્વાસ લીધો હતો.

ભૂસ્ખલન અને કલાકોની કઠિન મુસાફરીની આપવીતી

ઘરવાપસી બાદ માનસી પારેખે ઇન્સ્ટાગ્રામ (Instagram) પર એક લાંબી પોસ્ટ શેર કરીને સમગ્ર આપવીતી જણાવી હતી. તેણે જણાવ્યું કે, છેલ્લા 3 થી 4 દિવસ તેના માટે અત્યંત મુશ્કેલ અને ભાવનાત્મક રહ્યા હતા. ચીનના ન્યાલમ (Nyalam) શહેરમાં ભારે લેન્ડસ્લાઈડ (Landslide) થતાં યાત્રાળુઓને લગભગ 4 કલાક સુધી બસમાં જ બેસી રહેવું પડ્યું હતું. ત્યારબાદ આશરે 40 માઈલ લાંબી મુસાફરી ખેડીને તેઓ નેપાળ સરહદ (Nepal Border) પહોંચ્યા હતા.

પગપાળા ચાલીને કાઠમંડુ થઈ મુંબઈ પહોંચી

નેપાળ સરહદે પણ રસ્તો બંધ હોવાથી યાત્રાળુઓએ પગપાળા ચાલીને બીજી તરફ ઊભેલી બસો સુધી પહોંચવું પડ્યું હતું. ત્યાંથી 4 કલાકની ભારે ખાડાટેકરા વાળી મુસાફરી કરી તેઓ કાઠમંડુ (Kathmandu) પહોંચ્યા હતા. માનસી પારેખ સદગુરુના ઈશા ફાઉન્ડેશન (Isha Foundation) સાથે કૈલાશ માનસરોવર યાત્રા પર ગઈ હતી. તેણે તમામ શુભેચ્છકો અને ચાહકોનો પ્રાર્થનાઓ બદલ આભાર માન્યો હતો.

આ પણ વાંચો: Toxic Movie Review : રોકી ભાઈ ઇઝ બેક! 'Toxic' માં યશનો ખતરનાક અવતાર જોઈને થિયેટરમાં વાગવા લાગી સીટીઓ