Nora Fatehi reaction : "હું અંદરથી હચમચી ગઈ છું", યુદ્ધના ભય વચ્ચે નોરાનો ભાવુક વીડિયો
- યુદ્ધના ભય વચ્ચે નોરા ફતેહીની ભાવુક અપીલ: "હું માનસિક રીતે થાકી ગઈ છું"
- ઈરાન-ઈઝરાયેલ તણાવ પર અભિનેત્રી નોરા ફતેહીની મોટી પ્રતિક્રિયા
- દુબઈથી પરત ફરી ઈન્સ્ટાગ્રામ પર વીડિયો શેર કરી વ્યક્ત કરી પીડા
- નિર્દોષોના મોતના સમાચારથી માનસિક રીતે પરેશાન હોવાનો કર્યો સ્વીકાર
- દુનિયાભરમાં શાંતિ સ્થપાય તે માટે અભિનેત્રીએ કરી ખાસ પ્રાર્થના
Nora Fatehi reaction : ઈરાન (Iran), અમેરિકા (USA) અને ઈઝરાયેલ (Israel) વચ્ચે વધતા જતા લશ્કરી તણાવને કારણે સમગ્ર વિશ્વમાં અત્યારે ચિંતાનું મોજું ફરી વળ્યું છે. સતત થઈ રહેલા હુમલાઓ અને સૈન્ય કાર્યવાહીના અહેવાલો વચ્ચે હવે બોલિવૂડ સેલેબ્સ પણ પોતાની પ્રતિક્રિયા આપી રહ્યા છે. આ ક્રમમાં પ્રખ્યાત અભિનેત્રી નોરા ફતેહીએ (Nora Fatehi) સોશિયલ મીડિયા પર એક વીડિયો શેર કરીને પોતાની સ્થિતિ અને દુનિયાના હાલના સંજોગો પર ગંભીર ચિંતા વ્યક્ત કરી છે.
દુબઈથી સુરક્ષિત પરત ફરી નોરા
નોરા ફતેહી અવારનવાર લાઈવ પર્ફોર્મન્સ માટે દુબઈ (Dubai) ની મુલાકાતે હોય છે. તેણે જણાવ્યું કે તે હાલમાં સુરક્ષિત છે અને ભારત પરત ફરી છે, પરંતુ મધ્ય પૂર્વના દેશોમાં ઉભી થયેલી અનિશ્ચિતતાએ તેને ઊંડી અસર કરી છે. ઈન્સ્ટાગ્રામ પર શેર કરેલા વીડિયોમાં નોરાએ કબૂલાત કરી હતી કે દુનિયાભરમાંથી જે પ્રકારના યુદ્ધના સમાચાર અને વીડિયો સામે આવી રહ્યા છે, તે જોઈને તે માનસિક અને ભાવનાત્મક રીતે અત્યંત પરેશાન છે.
View this post on Instagram
Nora Fatehi reaction : શાંતિ માટે કરી ભાવુક અપીલ
નોરાએ વીડિયોમાં શાંતિની અપીલ કરતા કહ્યું કે, "દુનિયામાં જે થઈ રહ્યું છે તેનાથી હું આધ્યાત્મિક અને માનસિક રીતે થાકી ગઈ છું. કોઈ પણ વ્યક્તિ નિર્દોષ લોકોના જીવ જાય તેવું ઈચ્છતી નથી. દરેક માનવીને સુરક્ષિત અને સન્માનજનક જીવન જીવવાનો અધિકાર છે." તેણે વધુમાં ઉમેર્યું કે યુદ્ધ અને હિંસાની આ સ્થિતિ માનવતા માટે અત્યંત ચિંતાજનક છે અને હવે દુનિયાને શાંતિની જરૂર છે.
કલાકારોએ દર્શાવી ચિંતા
નોરા ફતેહીના આ સંદેશાએ સોશિયલ મીડિયા પર ભારે ચર્ચા જગાવી છે. અગાઉ અભિનેત્રી સોનલ ચૌહાણે (Sonal Chauhan) પણ દુબઈમાં ફસાયેલા ભારતીયોની સુરક્ષિત વાપસી માટે વડાપ્રધાન નરેન્દ્ર મોદી પાસે મદદ માંગી હતી. કલાકારોની આ ચિંતા દર્શાવે છે કે યુદ્ધની અસર માત્ર સરહદો પૂરતી મર્યાદિત નથી, પરંતુ તે વૈશ્વિક સ્તરે લોકોની માનસિક શાંતિને પણ હચમચાવી રહી છે.
આ પણ વાંચો : જેલમાંથી બહાર આવતા જ મોટો ધડાકો: સોનુ સૂદની ઓફર પર રાજપાલ યાદવે કહી દીધી આ વાત!