Nupur Sanon Wedding: નૂપુર સેનન અને સ્ટેબિન બેનની સગાઈ, જાણો ક્યાં લેશે સાત ફેરા?

Nupur Sanon Stebin Ben Wedding : યૉટ પર રોમેન્ટિક પ્રપોઝલ

આજે એટલે કે 3 જાન્યુઆરી, 2026ના રોજ નૂપુરે ઈન્સ્ટાગ્રામ પર સ્ટેબિનના રોમેન્ટિક પ્રપોઝલની તસવીરો શેર કરી હતી. વેકેશન દરમિયાન એક લક્ઝરી યૉટ પર સ્ટેબિને ઘૂંટણિયે બેસીને નૂપુરને લગ્ન માટે પ્રપોઝ કર્યું હતું. બેકગ્રાઉન્ડમાં "Will You Marry Me?" લખેલા પ્લેકાર્ડ્સે આ ક્ષણને વધુ યાદગાર બનાવી દીધી હતી. નૂપુરે પોતાની ચમકતી ડાયમંડ રિંગ ફ્લોન્ટ કરતા તસવીરો શેર કરી છે, જેમાં કૃતિ સેનન પણ તેની બહેનની ખુશીમાં સામેલ જોવા મળી રહી છે.

 

View this post on Instagram

 

A post shared by Nupur Sanon (@nupursanon)

ઉદયપુરમાં લેશે સાત ફેરા

મીડિયા રિપોર્ટ્સ અનુસાર, નૂપુર અને સ્ટેબિનના લગ્ન રાજસ્થાનના ઉદયપુરમાં ખૂબ જ શાહી અંદાજમાં યોજાવાના છે. લગ્નની વિધિઓ 9 જાન્યુઆરીથી શરૂ થશે અને 11 જાન્યુઆરી, 2026ના રોજ આ કપલ લગ્નના બંધનમાં બંધાશે. અગાઉ લગ્નની તારીખોને લઈને ઘણી અફવાઓ હતી, પરંતુ હવે પરિવાર દ્વારા 11 જાન્યુઆરીની તારીખ ફાઈનલ કરવામાં આવી છે.

મુંબઈમાં ભવ્ય રિસેપ્શન

ઉદયપુરમાં લગ્ન ખાનગી રાખવામાં આવશે, જેમાં માત્ર નજીકના મિત્રો અને પરિવારના સભ્યો જ હાજર રહેશે. જોકે, બોલિવૂડના મિત્રો માટે 13 જાન્યુઆરી, 2026ના રોજ મુંબઈમાં એક ભવ્ય રિસેપ્શનનું આયોજન કરવામાં આવ્યું છે. નૂપુર સેનન, જે 'ફિલહાલ' મ્યુઝિક વિડિયોથી ફેમસ થઈ હતી અને સ્ટેબિન બેન, જે 'બારીશ બન જાના' જેવા હિટ ગીતો માટે જાણીતા છે, તેમના લગ્નને લઈને ચાહકોમાં ભારે ઉત્સાહ છે.

આ પણ વાંચો : Toxic ફિલ્મમાં Tara Sutaria દમદાર પાત્ર ભજવશે, First Look સામે આવ્યો