Nushrratt Bharuccha Accident : નુસરત ભરુચાને સ્વાસ્થ્યને લઈને ચિંતાજનક સમાચાર, એર એમ્બ્યુલન્સથી મુંબઈ લવાશે

કરોડરજ્જુમાં ગંભીર ઈજા

અકસ્મત બાદ નુસરતને તાત્કાલિક સારવાર માટે હોસ્પિટલ લઈ જવામાં આવી હતી. તબીબોએ જરૂરી તપાસ કર્યા બાદ કરોડરજ્જુની ઈજાને ધ્યાનમાં રાખીને સર્જરીની જરૂરિયાત જણાવી છે. હાલમાં અભિનેત્રીની સ્થિતિ અંગે તેમની ટીમ અને પરિવાર દ્વારા જ માહિતી આપવામાં આવી રહી છે.

એર એમ્બ્યુલન્સથી મુંબઈ લવાશે

પ્રારંભિક સારવાર બાદ નુસરતને એર એમ્બ્યુલન્સ (Air Ambulance) મારફતે બાલીથી મુંબઈ લાવવાની તૈયારીઓ કરવામાં આવી રહી છે. મુંબઈ પહોંચ્યા બાદ નિષ્ણાત તબીબોની દેખરેખ હેઠળ તેમની કરોડરજ્જુની સર્જરી કરવામાં આવશે. ઈજાની ગંભીરતા અને સર્જરીને કારણે તેમને સ્વસ્થ થવા માટે લાંબો આરામ લેવો પડી શકે છે.

પ્રોફેશનલ કમિટમેન્ટ્સ પર અસર

નુસરતની ટીમે જણાવ્યું છે કે આ મેડિકલ ઇમરજન્સી (Medical Emergency)ને કારણે આગામી કેટલાક અઠવાડિયા માટે તેમના કામ અને પ્રોફેશનલ કમિટમેન્ટ્સ પર અસર પડી શકે છે. ટીમે ચાહકો અને શુભેચ્છકોને અભિનેત્રીની પ્રાઈવસીનું સન્માન કરવાની અપીલ કરી છે. નુસરત ભરુચાને છેલ્લે 2025માં આવેલી કોમેડી-થ્રિલર ફિલ્મ ‘ઉફ્ફ યે સિયાપા’ માં સોહમ શાહ સાથે જોવા મળ્યાં હતાં. તેમની અન્ય ફિલ્મોમાં ‘છોરી 2’ અને ‘બન ટિક્કી’નો પણ સમાવેશ થાય છે.

આ પણ વાંચો: Parveen Hooda Gold Medal : પરવીન હુડ્ડાએ રચ્યો ઈતિહાસ, Asian Games માં બોક્સિંગ ગોલ્ડ જીત્યો