Obsession Horror Movie : મન મજબૂત હોય તો જ આ ફિલ્મ જોવા જજો !

Obsession Horror Movie : જો તમે હોરર ફિલ્મો જોવા માટે મજબૂત મનના અને શોખીન હોવ તો તમારે આ હોલીવુડ હોરર ફિલ્મ થિયેટરમાં જોવી જ જોઈએ.પૂર્વ યુટ્યુબર કરી બાર્કર દ્વારા દિગ્દર્શિત આ સ્વતંત્ર મનોવૈજ્ઞાનિક હોરર ફિલ્મ તમને હચમચાવી નાખશે. જો તમને હોલીવુડ ફિલ્મો જોવાનો શોખ છે, તો આ ફિલ્મ ફક્ત તમારા માટે જ બનાવવામાં આવી છે, જેને ભારતીય લોકો ખૂબ પસંદ કરી રહ્યા છે. A-રેટેડ ફિલ્મ હોવા છતાં, ઘણા બાળકો અને પુખ્ત વયના લોકો આ ફિલ્મ જોવા માટે થિયેટરોમાં જઈ રહ્યા છે.

Obsession Horror Movie, રેકોર્ડ બ્રેક કલેક્શન કર્યું

આ અદ્ભુત હોલીવુડ હોરર ફિલ્મ 'ઓબ્સેશન' છે, જેણે ખૂબ ઓછા બજેટ છતાં બોક્સ ઓફિસ પર ધૂમ મચાવી છે. પૂર્વ યુટ્યુબર કરી બાર્કર દ્વારા દિગ્દર્શિત, આ સ્વતંત્ર મનોવૈજ્ઞાનિક હોરર ફિલ્મે રિલીઝ થતાં જ વિશ્વભરના તેમજ ભારતીય સિનેમાઘરોમાં દર્શકોને સ્તબ્ધ કરી દીધા છે. આ ફિલ્મ માત્ર $750,000 થી $1 મિલિયન (આશરે ₹6 થી ₹8 કરોડ) ના બજેટમાં બનાવવામાં આવી હતી. પરંતુ માત્ર 2 અઠવાડિયામાં, તેણે વૈશ્વિક સ્તરે $100 મિલિયન (₹950 કરોડથી વધુ) ના કલેક્શનને પાર કરી દીધું છે.

Obsession Horror Movie, 2009 ની ઘટનાનું પુનરાવર્તન

આ ફિલ્મ બનાવવામાં બહુ પૈસા ખર્ચાયા નથી. પરંતુ ફિલ્મે તેના ખર્ચ કરતાં 100 ગણો વધુ નફો કમાયો છે. 17 વર્ષમાં આ પહેલી ફિલ્મ બની જેણે 10 લાખ ડોલરથી ઓછા બજેટ સાથે બોક્સ ઓફિસ પર કમાણી કરી છે. આ પહેલા આ રેકોર્ડ 2009 માં આવેલી ફિલ્મ પેરાનોર્મલ એક્ટિવિટીના નામે હતો.

ફિલ્મના રેટિંગની સ્થિતિ

આ ફિલ્મને દર્શકો દ્વારા સારો પ્રતિસાદ મળ્યો છે, જેમાં 8.2 IMDb રેટિંગ અને રોટન ટોમેટોઝ પર 95% વિવેચકો દ્વારા પ્રભાવશાળી સ્કોર મળ્યો છે. આ ફિલ્મ 29 મે 2026 ના રોજ ભારતીય સિનેમાઘરોમાં રિલીઝ થઈ હતી, અને તેને જોવા માટે ભીડ ઉમટી રહી છે. દિગ્દર્શક સંજય ગુપ્તાથી લઈને કાર્તિક આર્યન સુધી, બધાએ ફિલ્મ પર ટિપ્પણી કરી છે.

આ પણ વાંચો - Actress Begging On Street : ચકાચોંધથી દૂર અભિનેત્રી ભીખ માંગવા મજબૂર