1300 કરોડના બજેટમાં બની રહી છે 'વારાણસી', રાજામૌલીએ પ્રિયંકાને કેટલી ફી આપી?
- રાજામૌલીની ફિલ્મ 'વારાણસી'થી પ્રિયંકા ચોપરાનું બોલિવૂડમાં કમબેક (Priyanka Chopra Varanasi Movie)
- ફિલ્મના ₹1300 કરોડના તોતિંગ બજેટની કપિલ શર્મા શોમાં થઈ ચર્ચા
- કપિલનો સવાલ- "શું બજેટનો અડધો ભાગ પ્રિયંકાના બેંક ખાતામાં ગયો?"
- ફિલ્મમાં સાઉથ સુપરસ્ટાર મહેશ બાબુ અને પ્રિયંકા ચોપરાની જોડી જામશે
- વર્ષો પછી ભારતીય સિનેમાના મોટા પડદે જોવા મળશે 'દેશી ગર્લ'
Priyanka Chopra Varanasi Movie : બોલિવૂડની 'દેશી ગર્લ' પ્રિયંકા ચોપરા ફરી એકવાર ભારતીય સિનેમાના પડદા પર ધમાકેદાર વાપસી કરવા જઈ રહી છે. લગ્ન પછી અમેરિકા સ્થાયી થયેલી પ્રિયંકા લાંબા સમયથી હોલિવૂડ પ્રોજેક્ટ્સમાં વ્યસ્ત હતી, પરંતુ હવે તે દિગ્ગજ ડાયરેક્ટર એસએસ રાજામૌલીની આગામી ફિલ્મ 'વારાણસી' (Varanasi) માં જોવા મળશે. આ ફિલ્મમાં સાઉથ સુપરસ્ટાર મહેશ બાબુ લીડ રોલમાં છે અને પ્રિયંકા તેમની સાથે મહત્વની ભૂમિકા ભજવશે.
કપિલ શર્મા શોમાં ફિલ્મના બજેટ પર થઈ ચર્ચા
તાજેતરમાં નેટફ્લિક્સ પર 'ધ ગ્રેટ ઇન્ડિયન કપિલ શો'ની ચોથી સીઝન શરૂ થઈ છે, જેમાં પ્રથમ મહેમાન તરીકે પ્રિયંકા ચોપરા પહોંચી હતી. શો દરમિયાન કોમેડી કિંગ કપિલ શર્માએ પ્રિયંકાને તેની આગામી ફિલ્મ 'વારાણસી' ના બજેટ વિશે પૂછ્યું હતું. કપિલે મજાકિયા અંદાજમાં કહ્યું કે, "અમે સાંભળ્યું છે કે આ ફિલ્મનું બજેટ ₹1300 કરોડ છે. પ્રિયંકા જે પણ કરે છે તે નાનું નથી હોતું, હંમેશા ગ્રાન્ડ હોય છે."
Priyanka Chopra Varanasi Movie : શું બજેટનો અડધો હિસ્સો પ્રિયંકાની ફી છે?
કપિલ શર્માએ પ્રિયંકાની મજાક ઉડાવતા આગળ પૂછ્યું કે, "શું તમે આટલા મોટા બજેટમાં ફિલ્મ બનાવવા જઈ રહ્યા છો કે વારાણસીમાં આખું શહેર કામ પર રાખવાના છો? પહેલા ચર્ચા હતી કે બજેટ ઓછું હતું, પણ તમારા જોડાવાથી તે ₹1300 કરોડ થઈ ગયું, શું આ સાચું છે?" પ્રિયંકાએ હસતા હસતા જવાબ આપ્યો, "શું તમે એવું કહેવા માંગો છો કે બજેટનો અડધો હિસ્સો મારા બેંક ખાતામાં જતો રહ્યો છે?" આ સાંભળીને શોમાં હાજર તમામ લોકો ખડખડાટ હસી પડ્યા હતા.
મહેશ બાબુ અને પ્રિયંકાની જોડી મચાવશે ધૂમ
એસએસ રાજામૌલી ફરી એકવાર કંઈક એવું બનાવવા જઈ રહ્યા છે જે ભારતીય સિનેમાના ઈતિહાસમાં યાદગાર રહેશે. 'વારાણસી' ફિલ્મમાં મહેશ બાબુનો લુક અને પ્રિયંકાની એક્ટિંગ જોવી ચાહકો માટે એક ટ્રીટ સમાન હશે. હાલમાં આ ફિલ્મના પ્રી-પ્રોડક્શન અને બજેટની વાતોએ સોશિયલ મીડિયા પર ભારે ઉત્તેજના જગાવી છે.
આ પણ વાંચો : Samantha Ruth Prabhu Incident: અભિનેત્રી નિધિ અગ્રવાલ બાદ હવે સામંથા સાથે ભીડની ગેરવર્તણૂક, જુઓ વાયરલ વીડિયો