Rajpal Yadav Cheque Bounce Case: બોલિવૂડ એક્ટર રાજપાલ યાદવની મુશ્કેલીઓ વધી, નવો ચેક બાઉન્સ કેસ દાખલ

Rajpal Yadav Cheque Bounce Case:  સેલિબ્રિટી મેનેજરે કર્યો છેતરપિંડીના આરોપ

મનોરંજન જગતના જાણીતા સેલિબ્રિટી મેનેજર પ્રકાશ જાજુએ અભિનેતા સામે નાણાકીય છેતરપિંડીનો ગંભીર આક્ષેપ કર્યો છે. પ્રકાશ જાજુના જણાવ્યા અનુસાર આ સમગ્ર વિવાદ 25 લાખ રૂપિયાની બાકી રકમનો છે. અભિનેતાએ ચૂકવેલો 5 લાખ રૂપિયાનો ચેક બેંકમાંથી બાઉન્સ થતાં આ મામલો કોર્ટ સુધી પહોંચ્યો છે. પ્રકાશ જાજુએ આર્થિક મદદના ભાગરૂપે માર્કેટ રેટ કરતાં ખૂબ જ ઓછા એટલે કે દર મહિને માત્ર 2 ટકા વ્યાજ દરે લોન આપી હતી. આટલી રાહત આપવા છતાં રાજપાલ યાદવે લાંબા સમય સુધી અસલ રકમ કે વ્યાજ ચૂકવ્યું નથી.

Rajpal Yadav Cheque Bounce Case: રકમ મેળવવા માટે કાનૂની રસ્તો

પ્રકાશ જાજુએ એવો પણ દાવો કર્યો છે કે, અભિનેતાની સગવડ માટે વ્યાજની રકમ માફ કરી દીધી હતી. અને માત્ર પોતાની અસલ રકમ જ પાછી માંગી હતી. આ વાતને 4 વર્ષ જેટલો લાંબો સમય વીતી ગયો હોવા છતાં કોઈ નાણાકીય ચૂકવણી કરવામાં આવી નથી. જ્યારે પણ પૈસા પરત માંગવામાં આવતા ત્યારે અભિનેતા તરફથી માત્ર બહાના અને તીખા જવાબો જ મળતા હતા. આખરે કંટાળીને તેમણે ઈન્દોર પાસે આવેલા મહો (Mhow) ખાતે કાનૂની કેસ દાખલ કરવાનો નિર્ણય કર્યો હતો.

અગાઉ પણ નોંધાયો હતો કેસ

અભિનેતા રાજપાલ યાદવ માટે વર્ષ 2026 આર્થિક રીતે ખૂબ જ ખરાબ સાબિત થઈ રહ્યું છે. આ જ વર્ષે તેઓ અગાઉ 9 કરોડ રૂપિયાના એક મોટા ચેક બાઉન્સ કેસમાં જેલની સજા ભોગવી ચૂક્યા છે. વર્ષ 2010 માં તેમણે 'અતા પતા લાપતા' ફિલ્મ બનાવવા માટે 5 કરોડ રૂપિયાની લોન લીધી હતી. આ ફિલ્મ બોક્સ ઓફિસ પર ફ્લોપ થતાં તેઓ લોન ચૂકવી શક્યા ન હતા અને વ્યાજ સાથે આ રકમ 9 કરોડ રૂપિયા થઈ ગઈ હતી. આ મામલામાં ફેબ્રુઆરી 2026 માં તેમણે 12 દિવસ સુધી તિહાર જેલમાં રહેવું પડ્યું હતું.

આ પણ વાંચો--- Mahesh Babu Lord Ram look: શ્રી રામના અવતારમાં મહેશ બાબુ! રાજામૌલીની ફિલ્મ વારાણસીની તસવીર વાયરલ