કાજલ અગ્રવાલનો અનુભવ

એક ઇન્ટરવ્યુ દરમિયાન કાજલ અગ્રવાલે કહ્યું કે આ ફિલ્મ પર કામ કરવાનો અનુભવ તેમના માટે સંપૂર્ણપણે અલગ અને ખાસ રહ્યો છે. તેમણે જણાવ્યું કે આ પ્રકારનું ટેક્નિકલ રીતે મજબૂત અને વિશાળ સ્તરનું પ્રોડક્શન ભારતમાં પહેલા ક્યારેય જોવા મળ્યું નથી. તેમના મુજબ આ ફિલ્મ માત્ર એક પ્રોજેક્ટ નથી, પરંતુ એક એવી ભારતીય વાર્તા છે જે લોકોના દિલની ખૂબ નજીક છે.

ફિલ્મનું સ્ટારકાસ્ટ

આ ફિલ્મમાં ઘણા મોટા કલાકારો જોડાયેલા છે. સની દેઓલ (Sunny Deol) હનુમાનની ભૂમિકામાં છે, લારા દત્તા (Lara Dutta) કૈકેયી તરીકે જોવા મળશે. સાઈ પલ્લવી (Sai Pallavi) સીતાનું પાત્ર ભજવે છે, જ્યારે રવિ દુબે (Ravi Dubey) લક્ષ્મણ તરીકે છે. અરુણ ગોવિલ (Arun Govil) દશરથનું પાત્ર ભજવે છે અને ઇન્દિરા કૃષ્ણન (Indira Krishnan) કૌશલ્યાની ભૂમિકામાં છે. આ ઉપરાંત અન્ય ઘણા કલાકારો પણ મહત્વના પાત્રોમાં જોવા મળશે.

ટીઝર પર મિશ્ર પ્રતિસાદ

એપ્રિલમાં રિલીઝ થયેલા ફિલ્મના ટીઝરને લઈને દર્શકોની પ્રતિક્રિયા મિશ્ર રહી છે. કેટલાક લોકોએ તેને વખાણ્યું, જ્યારે કેટલાકે ખાસ કરીને રણબીર કપૂરની ઉંમરને લઈને નકારાત્મક ટિપ્પણીઓ કરી હતી. બીજી તરફ યશના રાવણ લુકને જોવા માટે લોકોમાં ખાસ ઉત્સુકતા છે.

બોક્સ ઓફિસ અપેક્ષાઓ

‘રામાયણ’ બે ભાગમાં રિલીઝ થનારી મેગા બજેટ ફિલ્મ છે. નિર્માતા નમિત મલ્હોત્રા (Namit Malhotra) મુજબ ફિલ્મની કુલ બજેટ ₹4,000 કરોડ સુધી પહોંચી શકે છે. જોકે સોશિયલ મીડિયા પર આ દાવાને લઈને ચર્ચા ચાલી રહી છે. કેટલાક લોકોનું માનવું છે કે ફિલ્મને આટલો મોટો ટાર્ગેટ મેળવવો મુશ્કેલ થઈ શકે છે. ચર્ચાઓ મુજબ ફિલ્મને બ્લોકબસ્ટર બનાવવા માટે બંને ભાગ મળીને ₹10,000 કરોડ સુધીની કમાણી કરવાની જરૂર પડી શકે છે.

આ પણ વાંચો : Ramanand Sagar Ramayan : 39 વર્ષ પછી પણ કેમ અમર છે ‘રામાયણ’? પાકિસ્તાનમાં જોવા માટે લોકોએ ભેગું કર્યું હતું દાન