Rashmika Mandanna : મેગા ફિલ્મ 'છાવા' માં મહારાણી યેસુબાઈના રોલમાં

Rashmika Mandanna:  સતત બે હિટ ફિલ્મો આપ્યા બાદ રશ્મિકા મંદન્ના તેના શ્રેષ્ઠ ફોર્મમાં છે. પહેલા એનિમલ અને પછી પુષ્પા 2 માં ગૃહિણી તરીકે જોવા મળી હતી. હવે રશ્મિકા છાવા ફિલ્મમાં મહારાણી યેસુબાઈના રોલમાં જોવા મળશે. છાવા ઈવેન્ટ દરમિયાન રશ્મિકા પોતાના પાત્ર વિશે બોલતા ખૂબ જ ભાવુક થઈ ગઈ હતી.

પુષ્પા 2-ધ રૂલ પછી, રશ્મિકા મંદન્ના હવે તેની આગામી ફિલ્મ ‘છાવા’માં વિકી કૌશલ સાથે મુખ્ય ભૂમિકામાં જોવા મળશે. આ ફિલ્મ 14 ફેબ્રુઆરી, 2025ના રોજ વેલેન્ટાઈન ડે પર રિલીઝ થશે. સ્ક્રીન પર આવતા પહેલા, ફિલ્મનું ટ્રેલર મુંબઈમાં લોન્ચ કરવામાં આવ્યું હતું, જે સોશિયલ મીડિયા પર વાયરલ થઈ રહ્યું છે. ઈવેન્ટ દરમિયાન રશ્મિકા મંદન્નાએ ફિલ્મ છાવામાં ભજવેલા મહારાણી યેસુબાઈના પાત્ર વિશે વાત કરી અને કહેતી વખતે તેણે કેટલીક વાતો એવી રીતે કહી કે તે ઈમોશનલ થઈ ગઈ.

રશ્મિકા મંદન્ના ખૂબ જ ભાવુક

'છાવા' ટ્રેલર લૉન્ચ વખતે રશ્મિકા મંદન્ના ખૂબ જ ભાવુક થઈ ગઈ હતી અને તેણે ફિલ્મમાં મહારાણી યેસુબાઈની ભૂમિકા ભજવવા વિશે કહ્યું હતું કે, "દક્ષિણની એક છોકરી માટે, એક સામાન્ય મહારાષ્ટ્રીયન મહિલા મહારાણી યેસુબાઈની ભૂમિકા ભજવવી એ મારા માટે એક સ્વપ્ન સાકાર થવા જેવું છે અને હું આ માટે ડિરેક્ટર લક્ષ્મણ સરનો આભાર માનું છું."

ફિલ્મમાં રશ્મિકાએ મહારાષ્ટ્રીયન મહિલા

‘છાવા’ ફિલ્મમાં, રશ્મિકા મહારાણી યેસુબાઈ જેવી શાહી દેખાતી હતી અને તેના મરાઠા દેખાવથી લઈને બોડી લેંગ્વેજ સુધી, તેણે દરેક વસ્તુ પર બારીકાઈથી  કામ કર્યું છે. રાણી યેસુબાઈ મરાઠા છત્રપતિ સંભાજી મહારાજની પત્ની હતી. તે પિલાજીરાવ શિર્કેની પુત્રી હતી, એક મરાઠા સરદાર (સરદાર) જે છત્રપતિ શિવાજી મહારાજની સેવામાં હતા.

પીરિયડ ડ્રામા ફિલ્મ- છાવા

સ્ત્રી 2 ની સફળતા પછી, નિર્માતા બેલડી દિનેશ વિજન અને અમર કૌશિક છાવા ફિલ્મ લઈને આવી રહ્યા છે. પીરિયડ ડ્રામા ફિલ્મનું ટ્રેલર ગઈ કાલે રિલીઝ કરવામાં આવ્યું હતું, જે ચાહકોને ખૂબ જ પસંદ આવ્યું હતું. ફિલ્મમાં અભિનેતા વિકી કૌશલ છત્રપતિ સંભાજી મહારાજના રોલમાં સિંહની જેમ ગર્જના કરતો જોવા મળ્યો હતો.

'છાવા'ના ટ્રેલરમાં વિકી કૌશલ બહાદુર છત્રપતિ સંભાજી મહારાજની ભૂમિકા ભજવતો જોવા મળ્યો હતો, રશ્મિકા મંદન્ના તેની પત્ની મહારાણી યેસુબાઈની ભૂમિકામાં અને અભિનેતા અક્ષય ખન્ના છાવામાં ખલનાયકની ભૂમિકામાં છે.

આ પણ વાંચો: આ અભિનેત્રી છે ગુજરાતના સૌથી ધનાઢ્ય બેંકરની વહુ,જેની પાસે છે આટલા કરોડની સંપત્તિ