રશ્મિકા-વિજય દેવરકોંડાએ ગુપ્ત રીતે સગાઈ કરી? 2026માં લગ્નની ચર્ચા શરૂ

• રશ્મિકા-વિજય દેવરકોંડાએ ગુપ્ત રીતે કરી સગાઈ (Rashmika Deverakonda Engagement)
• ખાનગી સમારોહમાં સગાઈ કરી લીધી હોવાની ચર્ચા
• અહેવાલ સામે આવતા ચાહકોમાં ખુશીની લહેર
• ફેબ્રૂઆરી 2026માં લગ્નગ્રંથિથી જોડાવે તેવી ચર્ચા

Rashmika Deverakonda Engagement : સાઉથ સિનેમાના સૌથી લોકપ્રિય કપલ્સમાંથી એક, અભિનેત્રી રશ્મિકા મંદાના અને અભિનેતા વિજય દેવરકોંડાએ કથિત રીતે એક નાના ખાનગી સમારોહમાં સગાઈ કરી લીધી હોવાની જોરદાર ચર્ચા છે. આ અહેવાલ બહાર આવતા જ તેમના ચાહકોમાં ખુશીની લહેર ફેલાઈ ગઈ છે.

એર રિપોર્ટ મુજબ, આ જોડી ફેબ્રુઆરી 2026માં લગ્નગ્રંથિથી જોડાવા જઈ રહી છે – જોકે, આ માટે ચાહકોએ થોડો સમય રાહ જોવી પડશે. ચાલો આ રોમેન્ટિક ગોસિપની વિગતો, તેમની લવ જર્ની અને ભવિષ્યના પ્લાન્સ પર એક નજર કરીએ.

દુબઈમાં હીરાની ચમક અને 'સગાઈ'ની અફવા (Rashmika Deverakonda Engagement)

5 સપ્ટેમ્બર 2025ના રોજ દુબઈમાં આયોજિત SIIMA 2025 એવોર્ડ્સમાં રશ્મિકા મંદાનાએ સટિન સાડીમાં બધાનું ધ્યાન ખેંચ્યું હતું. 'પુષ્પા 2' માટે બેસ્ટ એક્ટ્રેસનો એવોર્ડ જીતનાર રશ્મિકાના ફોટા વાયરલ થયા, પરંતુ મુખ્ય હેડલાઇન બની તેમની રિંગ ફિંગર પર ચમકતી ડાયમંડ રિંગ. કેઝ્યુઅલ લુકમાં પણ આ વીંટીએ ચાહકોને એ વાત માનવા મજબૂર કરી દીધા કે તેઓ 'એન્ગેજ્ડ' છે.

સોશિયલ મીડિયા પર ટ્રેન્ડ શરૂ (Rashmika Deverakonda Engagement)

સોશિયલ મીડિયા પર #RashmikaEngaged ટ્રેન્ડ થવા લાગ્યું, અને ચાહકોએ તેમને 'ફ્યુચર મિસિસ લાઇગર' કહીને અભિનંદન આપવાનું શરૂ કર્યું.જોકે, 11 સપ્ટેમ્બરના રોજ મુંબઈમાં જોવા મળતાં રશ્મિકાએ આ અફવાઓને તુરંત જ ફગાવી દીધી. એક રિપોર્ટ અનુસાર, તેમણે કહ્યું હતું કે, "આ માત્ર એક એક્સેસરી છે, કોઈ મોટી વાત નથી."

'ગીતા ગોવિંદમ'થી શરૂ થયેલો રોમાંસ (Rashmika Deverakonda Engagement)

વિજય અને રશ્મિકાની ઓન-સ્ક્રીન કેમેસ્ટ્રી ફિલ્મ'ગીતા ગોવિંદમ' (2018)થી જ સુપરહિટ રહી છે. રશ્મિકાએ એક ઇન્ટરવ્યૂમાં જણાવ્યું હતું કે, "શૂટિંગ દરમિયાન પહેલી મુલાકાતમાં મને વિજયથી ડર લાગ્યો હતો, કારણ કે હું નવા લોકો સામે સંકોચ અનુભવું છું, પરંતુ તેમની 'ચિલ' વાઇબએ બધું સરળ બનાવી દીધું."

રશ્મિકાને આઠ વર્ષ પહેલા મળ્યો હતો વિજય

વિજયે પણ એકવાર સંકેત આપ્યો હતો કે, "રશ્મિકા તે જ છોકરી છે જેને હું 8 વર્ષ પહેલાં મળ્યો હતો." આ રહસ્યમય કમેન્ટથી ચાહકોને લાગ્યું કે તેમની પહેલી મુલાકાત કદાચ સ્ક્રીન પર આવતા પહેલાં થઈ હતી. 'ડિયર કોમરેડ' (2019)માં આ જોડી ફરી સાથે આવી, અને ત્યારથી તેમના ડેટિંગના સમાચાર સતત ચર્ચામાં રહ્યા છે.

મારો પાર્ટનર મને શાંતિ આપે છે : રશ્મિકા

રશ્મિકાએ હાલમાં જ કબૂલ્યું હતું કે, "મારો પાર્ટનર મને શાંતિ અને સંતોષ આપે છે. સંબંધમાં દયા, સન્માન અને ભાવનાત્મક જોડાણ જરૂરી છે." વિજયે પણ ઇશારો કર્યો હતો કે, "હું સિંગલ નથી, અને મેં મારી કો-સ્ટાર સાથે ડેટિંગ કર્યું છે." જોકે નામ ન આપ્યું હોવા છતાં, બધા સમજી ગયા હતા કે વાત કોની થઈ રહી છે.

ફિલ્મી જોડીની ભવિષ્યની યોજનાઓ

રશ્મિકા હવે 'પુષ્પા'થી 'નેશનલ ક્રશ' બની છે અને 'એનિમલ' જેવી ફિલ્મોમાં કામ કરી રહી છે, જ્યારે વિજય દેવરકોંડાની ગણના રોડી સ્ટાર તરીકે થાય છે. હવે આ જોડી એક ઐતિહાસિક વોર ડ્રામા ફિલ્મ 'VD14'માં ફરી સાથે જોવા મળશે. રાહુલ સંકૃત્યાયન દ્વારા નિર્દેશિત આ ફિલ્મનું શૂટિંગ ઓક્ટોબર 2025થી શરૂ થશે.

જો અફવા સાચી પડશે તો?

જો અફવાઓ સાચી પડશે તો, શું ફેબ્રુઆરી 2026માં વેલેન્ટાઈન વીકની આસપાસ 'રશ્મિકા દેવરકોંડા'ની પ્રથમ ફિલ્મ 'VD14' હશે? લગ્નની તારીખ અને ડેસ્ટિનેશન હજી સસ્પેન્સમાં છે, પરંતુ ચાહકો આ 'કપલ ગોલ્સ'ની રાહ જોઈ રહ્યા છે.

આ પણ વાંચો :   બોલિવૂડ અભિનેતા સંજય દત્તે RSSના વખાણ કરતા કોંગ્રેસના નેતા ભડક્યા, જાણો શું કહ્યું....!