'Saako 363 (2025)' : બિશ્નોઈ સમુદાયના પર્યાવરણ પ્રેમનું ચિત્રાંકન

'Saako 363 (2025) -રાજસ્થાનના બિશ્નોઈ સમુદાયની બહાદુર મહિલા અમૃતા બિશ્નોઈના સંઘર્ષ અને સર્વોચ્ચ બલિદાનની સાચી ઘટના પર આધારિત ફિલ્મનું ટીઝર રિલીઝ કરવામાં આવ્યું છે. રામરતન બિશ્નોઈ અને વિક્રમ બિશ્નોઈ દ્વારા નિર્દેશિત આ ફિલ્મમાં અમૃતા બિશ્નોઈનું મુખ્ય પાત્ર સુંદર અભિનેત્રી સ્નેહા ઉલ્લાલે ભજવ્યું છે. આ ફિલ્મ સાથે સ્નેહા ઉલ્લાલ પણ લાંબા સમય બાદ સિલ્વર સ્ક્રીન પર વાપસી કરી રહી છે.

પર્યાવરણ બચાવવા મોતને ભેટનાર નારીની કથા 

ફિલ્મ નિર્માતાઓએ રાજસ્થાનના નાગૌર જિલ્લામાં એક મોટા કાર્યક્રમમાં બિશ્નોઈ સમુદાયના લોકોને આ ટીઝર બતાવ્યું. આ ભાવનાત્મક ક્ષણમાં, બિશ્નોઈ સમુદાયના લોકોએ તેમના પૂર્વજોના સંઘર્ષ અને બલિદાનની ગાથા જોઈ અને યાદ કરી. 1 મિનિટ 30 સેકન્ડના ટીઝરની શરૂઆતમાં કહેવામાં આવ્યું છે કે આ ફિલ્મ સત્ય  ઘટનાઓ પર આધારિત છે.

પર્યાવરણ, વૃક્ષો અને પ્રાણીઓના સંરક્ષણને પોતાનો ધર્મ માનતા બિશ્નોઈ સમુદાયે વૃક્ષોને કાપવાથી બચાવવા માટે પોતાના જીવનનું બલિદાન આપ્યું હતું, જેનું નેતૃત્વ બિશ્નોઈ સમાજની બહાદુર મહિલા અમૃતા બિશ્નોઈએ કર્યું હતું. ટીઝરમાં અમૃતા બિશ્નોઈના પાત્રમાં સ્નેહા ઉલ્લાલ મજબૂત અને દમદાર દેખાઈ રહી છે.'Saako 363 (2025)  ટીઝરના અંતમાં મહિલાઓ અને બાળકોની ચીસો ખૂબ જ સ્પર્શી જાય તેવી અને અસહ્ય છે.

પર્યાવરણ પ્રત્યે બિશ્નોઈ સમાજના બલિદાનની ગાથા

આ પ્રસંગે રામરતન બિશ્નોઈ અને વિક્રમ વિશ્નોઈએ જણાવ્યું હતું કે પર્યાવરણ પ્રત્યે બિશ્નોઈ સમાજના બલિદાનની આ ગાથા ફિલ્મના માધ્યમથી વિશાળ દર્શકો સુધી પહોંચશે.

આ એક ખૂબ જ મહત્વપૂર્ણ ઘટના છે, જેના વિશે બહુ ઓછા લોકો જાણે છે. Saako 363 (2025) ફિલ્મ દ્વારા આખી દુનિયાને ખબર પડશે કે કેવી રીતે લગભગ 300 વર્ષ પહેલા આપણા સમાજની એક બહાદુર મહિલાએ વૃક્ષોના રક્ષણ માટે પોતાનું માથું કાપી નાખ્યું હતું.

બિશ્નોઈ સમુદાયના 363 પર્યાવરણ પ્રેમીઓ આ ફિલ્મના નિર્માતા

Saako 363 (2025)  ફિલ્મ દ્વારા નવી પેઢીને તેમના પૂર્વજો પર્યાવરણ પ્રેમીઓ, તેમના સર્વોચ્ચ બલિદાન અને તેમના ઇતિહાસ વિશે જાણશે. બિશ્નોઈ સમુદાયના 363 પર્યાવરણ પ્રેમીઓ આ ફિલ્મના નિર્માતા છે. મુકામ પીઠાધીશ્વર આચાર્ય સ્વામી રામાનંદજી મહારાજ, રામરતન બિશ્નોઈ, રામલાલ ભાદુ અને વિક્રમ બિશ્નોઈ મુખ્ય નિર્માતા છે.

શ્રી જંભેશ્વર એન્વાયર્નમેન્ટ એન્ડ વાઈલ્ડલાઈફ પ્રોટેક્શન સ્ટેટ ઓર્ગેનાઈઝેશનના બેનર હેઠળ બનેલી ફિલ્મ સાકો 363 (Saako 363 (2025)) ના નિર્માતા રામરતન બિશ્નોઈ અને વિક્રમ વિશ્નોઈ છે અને ક્રિએટિવ ડિરેક્ટર મનોજ સતી છે. ફિલ્મમાં ગેવી ચહલ, મિલિંદ ગુનાજી, ફિરોઝ ઈરાની, બ્રિજ ગોપાલ, રાજેશ સિંહ, શાજી ચૌધરી, સાહિલ કોહલી, નટવર પરાશર, બ્રિજગોપાલ ગરિમા અગ્રવાલ, વિમલ ઉનિયાલ સંજય ગડાઈ, તનુજ ભટ્ટ, અનામિકા શુક્લા, બી.કે. સાગર વ્યાસ, નટવર પરાશર જેવા કલાકારો છે. બ્યાવર, શ્યામસુંદર, કમલ અવસ્થી, અજય ગેહલોત, સૂર્યવીર સિંહ, સૂરજ બિશ્નોઈ લીડ રોલમાં જોવા મળશે. આ ફિલ્મ 28 ફેબ્રુઆરીએ દેશભરના સિનેમાઘરોમાં રિલીઝ થશે.

આ પણ વાંચો- Animal ના કારણે તૃપ્તિ ડિમરીને Aashiqui 3 માંથી હાંકી કાઢવામાં આવી