બંગાળમાં સનસનાટી: સિંગર સચેત-પરંપરાની કાર પર હિંસક હુમલો, જુઓ ડરામણો Video
- પશ્ચિમ બંગાળમાં સિંગર સચેત-પરંપરા પર હુમલો, ભીડે કારના કાચ તોડ્યા (Sachet Parampara Attack Video)
- ન્યૂ યર કોન્સર્ટ બાદ પરત ફરી રહેલા સચેત-પરંપરાની કાર પર ભીડનો હુમલો
- બેકાબૂ થયેલા ચાહકોએ કારને ચારે બાજુથી ઘેરી, પાછળનો કાચ તોડી નાખ્યો
- ડરના મારે કારમાં જ ધ્રૂજી ઉઠ્યા સિંગર્સ, પરંપરાએ કેમેરામાં કેદ કર્યો ખૌફ
- પશ્ચિમ બંગાળના વેન્યુ પર સુરક્ષા વ્યવસ્થાના ધજાગરા, માંડ-માંડ બચ્યા જીવ
Sachet Parampara Attack Video : નવા વર્ષ 2026ના સ્વાગત માટે સચેત અને પરંપરાએ પશ્ચિમ બંગાળમાં એક સ્પેશિયલ મ્યુઝિકલ શો કર્યો હતો. કાર્યક્રમ પૂર્ણ થયા બાદ જ્યારે તેઓ પોતાની કારમાં વેન્યુની બહાર નીકળી રહ્યા હતા, ત્યારે ચાહકોનો ઉન્માદ હિંસક સ્વરૂપમાં ફેરવાઈ ગયો હતો. સેંકડો લોકોએ તેમની કારને ચારે બાજુથી ઘેરી લીધી હતી.
કાચ તૂટ્યા અને ચીસો સંભળાઈ
સોશિયલ મીડિયા પર વાયરલ થયેલા વીડિયોમાં જોઈ શકાય છે કે બેકાબૂ ભીડે કાર પર હુમલો કર્યો હતો, જેના કારણે કારનો પાછળનો કાચ સંપૂર્ણપણે તૂટી ગયો હતો. પરંપરા ઠાકુર શરૂઆતમાં ચાહકોને શાંત રહેવા અને નવા વર્ષની શુભેચ્છાઓ પાઠવતી જોવા મળે છે, પરંતુ ભીડના હુમલા બાદ બંને કલાકારો ગભરાઈ ગયેલા દેખાય છે. આ વીડિયો સ્વયં પરંપરાએ પોતાની સુરક્ષા માટે રેકોર્ડ કર્યો હોવાનું મનાય છે.
View this post on Instagram
Sachet Parampara Attack Video : સેલેબ્સની સુરક્ષા પર ઉઠ્યા ગંભીર સવાલો
જોકે આ ઘટનામાં સચેત કે પરંપરાને કોઈ શારીરિક ઈજા પહોંચી નથી, પરંતુ માનસિક રીતે તેઓ ખૂબ જ આઘાતમાં છે. આ પહેલીવાર નથી જ્યારે કોઈ સેલેબ્રિટી ભીડનો શિકાર બની હોય. તાજેતરમાં નિધિ અગ્રવાલ, સામંથા રુથ પ્રભુ અને શ્રીલીલા જેવી અભિનેત્રીઓ પણ સાર્વજનિક કાર્યક્રમોમાં બેકાબૂ ભીડને કારણે મુશ્કેલીમાં મુકાઈ હતી.
ફેન ક્રેઝ કે અરાજકતા?
ઘટના સ્થળે હાજર પોલીસે પરિસ્થિતિને કાબૂમાં લેવાનો પ્રયાસ કર્યો હતો, પરંતુ ભીડની સંખ્યા એટલી વધારે હતી કે વ્યવસ્થા ખોરવાઈ ગઈ હતી. આ ઘટના બાદ સોશિયલ મીડિયા પર ચર્ચા જાગી છે કે શું કલાકારો માટે સુરક્ષાના પૂરતા બંદોબસ્ત કરવામાં આવે છે? ફેન્સનો પ્રેમ હવે કલાકારો માટે જોખમ બની રહ્યો હોય તેમ લાગી રહ્યું છે.
આ પણ વાંચો : Border-2 ફિલ્મના સોંગને લઇને વિવાદ થતા સિંગર Anu Malik ની સ્પષ્ટતા