Salim Khan Hospitalized: સલીમ ખાન હોસ્પિટલમાં દાખલ, સલમાન ખાન સહિત સમગ્ર પરિવાર લીલાવતી પહોંચ્યો
બોલિવૂડના સિતારા સલમાન ખાનના પિતા અને દિગ્ગજ પટકથા લેખક સલીમ ખાનના સ્વાસ્થ્યને લઈને અત્યંત ચિંતાજનક અહેવાલો પ્રાપ્ત થઈ રહ્યા છે. અચાનક તબિયત લથડતા તેમને મુંબઈની લીલાવતી હોસ્પિટલમાં ખસેડાયા છે, જ્યાં સલમાન ખાન સહિત સમગ્ર પરિવાર તેમની પડખે છે. શું આ ઉંમર સંબંધી તકલીફ છે કે અન્ય કોઈ ગંભીર સમસ્યા? તે જાણવા ચાહકો અત્યારે આતુર છે.
Advertisement
- દિગ્ગજ લેખક સલીમ ખાનની તબિયત લથડતા મુંબઈની લીલાવતીમાં દાખલ
- 90 વર્ષીય સલીમ ખાનને ઘરે જ અચાનક સ્વાસ્થ્ય સંબંધી તકલીફ થઈ
- સલમાન, અરબાઝ, સોહેલ અને અતુલ અગ્નિહોત્રી તાત્કાલિક હોસ્પિટલ પહોંચ્યા
- હોસ્પિટલ કે પરિવાર તરફથી બીમારી અંગે હજુ કોઈ સત્તાવાર ખુલાસો નહીં
- સોશિયલ મીડિયા પર ફેન્સ અને ફિલ્મ ઈન્ડસ્ટ્રી સલીમ ખાન માટે કરી રહી છે પ્રાર્થના
Salim Khan Hospitalized: મુંબઈ (Mumbai): હિન્દી સિનેમાના ઇતિહાસમાં સુવર્ણ અક્ષરે નામ અંકિત કરનાર દિગ્ગજ પટકથા લેખક અને અભિનેતા સલીમ ખાનના (Salim Khan) સ્વાસ્થ્યને લઈને ચિંતાજનક સમાચાર સામે આવ્યા છે. 90 વર્ષીય સલીમ ખાનની તબિયત અચાનક બગડતા તેમને મુંબઈની જાણીતી લીલાવતી હોસ્પિટલમાં (Lilavati Hospital) સારવાર અર્થે દાખલ કરવામાં આવ્યા છે. આ સમાચાર વાયુવેગે ફેલાતા જ બોલિવૂડ જગત અને તેમના લાખો ચાહકોમાં ચિંતાનું મોજું ફરી વળ્યું છે.