Chitrangada Singh Injury : "મને લાગ્યું સલમાને લાત મારી", સેટ પર ચિત્રાંગદા સાથે સર્જાઈ દુર્ઘટના
- સલમાન ખાનની ફિલ્મ ‘ધ બેટલ ઓફ ગલવાન’ ના સેટ પર દુર્ઘટના
- શૂટિંગ દરમિયાન અભિનેત્રી ચિત્રાંગદા સિંહને ઘૂંટણમાં થઈ ગંભીર ઈજા
- લિગામેન્ટ ફાટતા સલમાને તાત્કાલિક પોતાની વેનિટી વેન આરામ માટે આપી
- પોતે ટેન્ટમાં કપડાં બદલ્યા પણ ઈજાગ્રસ્ત અભિનેત્રીની પૂરી કાળજી લીધી
- 2020ના ભારત-ચીન સૈન્ય સંઘર્ષ પર આધારિત છે આ નવી ફિલ્મ
Chitrangada Singh Injury : બોલિવૂડના દબંગ ખાન એટલે કે સલમાન ખાન પોતાની આગામી ફિલ્મ ‘ધ બેટલ ઓફ ગલવાન’ને લઈને ભારે ચર્ચામાં છે. આ ફિલ્મમાં તેમની સાથે અભિનેત્રી ચિત્રાંગદા સિંહ જોવા મળશે. તાજેતરમાં ચિત્રાંગદાએ સેટ પરના તેના અનુભવો અને એક ગંભીર ઈજાના કિસ્સા વિશે ખુલાસો કર્યો છે, જેમાં સલમાન ખાનનો એક અલગ જ અંદાજ સામે આવ્યો છે.
Chitrangada Singh Injury : સલમાન ખાન સાથે કામ કરવાનો અનુભવ
ચિત્રાંગદા સિંહે જણાવ્યું કે તેણે ક્યારેય કલ્પના પણ નહોતી કરી કે તે સલમાન ખાન સાથે સ્ક્રીન શેર કરશે. તેની કામ કરવાની સ્ટાઈલ સલમાન કરતા એકદમ અલગ છે, છતાં સેટ પર બંને વચ્ચેનું ટ્યુનિંગ અદભૂત રહ્યું હતું. સુપરસ્ટાર હોવા છતાં સલમાન સાથે કામ કરવું ખૂબ જ સરળ અને આરામદાયક હોવાનું તેણે ઉમેર્યું હતું.
સૌજન્ય : Google
Chitrangada Singh Injury : સેટ પર ચિત્રાંગદાને થઈ ગંભીર ઈજા
શૂટિંગ દરમિયાન એક ગીતના રિહર્સલ વખતે ચિત્રાંગદાને ગંભીર ઈજા પહોંચી હતી. તેનો ACL (ઘૂંટણનો લિગામેન્ટ) ફાટી ગયો હતો. અભિનેત્રીએ જણાવ્યું કે અવાજ એટલો જોરદાર હતો કે તેને એક ક્ષણ માટે લાગ્યું કે સલમાન ખાને તેને લાત મારી છે. જોકે, જ્યારે તેણે પાછળ ફરીને જોયું ત્યારે સલમાન પોતે પણ ચોંકી ગયા હતા.
સલમાન ખાનની ઉદારતા અને કાળજી
ઈજા થયા બાદ સલમાન ખાને પોતાની વ્યાવસાયિકતા અને માનવતાનો પરિચય આપ્યો હતો. ચિત્રાંગદાની વેન દૂર હોવાથી સલમાને પોતાની પર્સનલ વેનિટી વેન અભિનેત્રીને આરામ કરવા માટે આપી દીધી હતી. પોતે સુપરસ્ટાર હોવા છતાં તે પોતાની વેનમાં જવાને બદલે બહાર ટેન્ટમાં કપડાં બદલીને રહ્યા હતા અને ખાતરી કરી હતી કે ચિત્રાંગદાને પૂરતી સવલત મળે.
ગલવાન ખીણની ઘટના પર આધારિત ફિલ્મ
અપૂર્વ લાખિયા દ્વારા નિર્દેશિત આ ફિલ્મ વર્ષ 2020માં ગલવાન ખીણમાં ભારત અને ચીની સૈનિકો વચ્ચે થયેલા સંઘર્ષની સત્ય ઘટના પર આધારિત છે. આ ફિલ્મ 17 એપ્રિલ, 2026ના રોજ સિનેમાઘરોમાં રિલીઝ થવાની છે. સલમાન ખાન આ ફિલ્મમાં એક શક્તિશાળી ભૂમિકામાં જોવા મળશે.
આ પણ વાંચો : Katrina Kaif અને Vicky Kaushal પુત્રની પહેલી ઝલક સામે આવી, જાણો શું નામ પાડ્યું