Samay Raina Controversy: વાયરલ વિડીયો ક્લિપ અને વિવાદનું મુખ્ય કારણ
સમય રૈનાના શોની વર્ષ 2024 ની એક જૂની વીડિયો ક્લિપ ઇન્ટરનેટ પર ફરીથી વાયરલ થઈ રહી છે. જેમાં ઓડિયન્સમાં બેઠેલી એક યુવતી અચાનક શોની અધવચ્ચે ઉભી થઈને જવા લાગે છે. સમય રૈના આનું કારણ પૂછે છે, ત્યારે યુવતીનો બોયફ્રેન્ડ હસતા હસતા કહે છે કે, તેની ગર્લફ્રેન્ડના પિતાને માઇલ્ડ હાર્ટ એટેક આવ્યો છે, તેથી તેને જવું પડી રહ્યું છે. યુવકની આ બેદરકારી પર આશ્ચર્ય વ્યક્ત કર્યા બાદ સમય રૈના સ્ટેજ પરથી મહિલાઓ પ્રત્યે અત્યંત અભદ્ર અને દ્વિઅર્થી ટિપ્પણી કરે છે. આ વાંધાજનક નિવેદન પર ત્યાં હાજર તમામ લોકો જોરજોરથી હસવા લાગે છે, જે હવે સોશિયલ મીડિયા પર વિવાદનું કારણ બન્યું છે.
Samay Raina Controversy: સોશિયલ મીડિયા પર યુઝર્સનો ભારે ગુસ્સો
સમય રૈનાની આ ટીકાપાત્ર કમેન્ટને લઈને સોશિયલ મીડિયા પ્લેટફોર્મ એક્સ (X) પર લોકો પોતાની નારાજગી વ્યક્ત કરી રહ્યા છે. નેટીઝન્સના મતે કોઈ યુવતીના પિતાની આવી ગંભીર તબીબી સ્થિતિ પર અભદ્ર ભાષાનો ઉપયોગ કરવો અત્યંત શરમજનક બાબત છે. ઘણા યુઝર્સે દુઃખ વ્યક્ત કરતા લખ્યું છે કે, આજકાલ કોમેડીના નામે મહિલાઓ પ્રત્યેની નફરત અને વિકૃત માનસિકતા પીરસવામાં આવી રહી છે. સમય રૈનાના કેટલાક જૂના ચાહકો પણ આ પ્રકારના અસંવેદનશીલ વર્તનનો વિરોધ કરી રહ્યા છે. અને ભૂતકાળમાં આવી કોમેડીનું સમર્થન કરવા બદલ અફસોસ જતાવી રહ્યા છે.
Samay Raina Controversy: બિરયાની વિવાદ શું હતો?
આ નવો વિવાદ તાજેતરમાં બનેલી રૂપિયા 370 ની બિરયાની વાળી ઘટના સાથે જોડાઈ રહ્યો છે. થોડા સમય પહેલા સ્ટેન્ડઅપ કોમેડિયન પ્રણિત મોરેના શોનો એક વીડિયો વાયરલ થયો હતો. જેમાં હિમાંશુ જાંગડા નામના 23 વર્ષના યુવકે જણાવ્યું હતું કે, તે એક યુવતી સાથે ડેટ પર ગયો હતો. તેને રૂપિયા 370 ની ચિકન બિરયાની ખવડાવી હતી. યુવકે દલીલ કરી હતી કે, તેણે ડેટ પર પૈસા ખર્ચ્યા હોવાથી તેને તેના ઇન્વેસ્ટમેન્ટ પર વળતર મળવું જોઈએ. આ સ્ત્રીવિરોધી નિવેદન પર ભારે વિરોધ થતાં યુવકે માફી માગીને પોતાના સોશિયલ મીડિયા એકાઉન્ટ્સ ડીલીટ કર્યા હતા. હવે સમય રૈનાનો આ જૂનો વીડિયો પણ સ્ત્રીઓને માત્ર એક વસ્તુ સમજવાની સડી ગયેલી માનસિકતાને પ્રોત્સાહન આપતો હોવાના આક્ષેપ સાથે ફરી ચર્ચામાં આવ્યો છે.
આ પણ વાંચો---- Anirudh Ravichander Kavya Maran Wedding : SRH ની માલકિન કાવ્યા મારન અને અનિરુદ્ધના લગ્ન નક્કી,કાકાએ કરી પુષ્ટી
