સિંગર Sunidhi Chauhan અને Sanya Malhotra ની જોડીએ સ્ટેજ પર કામણ પાથર્યા
- સિંગર સુનિધિ ચૌહાણ તેના સોંગ અને ડાન્સના કારણે ચર્ચામાં રહે છે
- તાજેતરમાં દિલ્હીમાં સુનિધિ ચૌહાણને કોન્સર્ટ યોજાયો હતો
- સ્ટેજ પર સાન્યા મલ્હોત્રાની સાથે મળીને દમદાર પરફોર્મન્સ આપ્યું
Sunidhi Chauhan And Sanya Malhotra Share Stage : ગાયિકા સુનિધિ ચૌહાણના "આઈ એમ હોમ ઈન્ડિયા ટૂર" દરમિયાન દિલ્હીમાં અભિનેત્રી સાન્યા મલ્હોત્રાઅ અચાનક સ્ટેજ પર એન્ટ્રી લઇને રાતને યાદગાર બનાવી દીધી હતી. બંનેનું પરફોર્મન્સ તરત જ કોન્સર્ટની સૌથી ચર્ચિત ક્ષણોમાંનું એક બની ગયું હતું, અને તેના વીડિયો ઝડપથી સોશિયલ મીડિયા પર વાયરલ થયા હતા. તાજેતરમાં જવાહરલાલ નહેરુ સ્ટેડિયમમાં આયોજિત આ કોન્સર્ટમાં મોટી ભીડ જોવા મળી હતી, અને સુનિધિએ તેના ઘણા હિટ ગીતો રજૂ કર્યા હતા. જો કે, સ્ટેજ પર સાન્યાની એન્ટ્રીએ લોકોનું ધ્યાન તેના તરફ ખેંચી લીધું હતું.
View this post on Instagram
બોડીસુટ સતત ચર્ચામાં રહ્યો
શો દરમિયાન, સુનિધિએ સાન્યાને તેના હિટ ગીત "આંખ" રજૂ કરવા આમંત્રણ આપ્યું હતું. ઓનલાઈન વાયરલ થયેલા વીડિયોમાં, સાન્યા વાદળી ડ્રેસમાં જોવા મળે છે, જ્યારે સુનિધિએ આકર્ષક જાંબલી પોશાક પસંદ કર્યો છે. બંનેએ સ્ટેજ પર જુગલબંધી સાથે ડાન્સ કર્યો, અને તેને પ્રેક્ષકો તરફથી તાળીઓના ગડગડાટ સાથે વધાવી લેવામાં આવ્યો હતો. કામણ પાથરતા પરફોર્મન્સ બાદ બંનેએ ઝડપથી ઓનલાઈન લોકપ્રિયતા મેળવી છે, ચાહકોએ તેમની કેમિસ્ટ્રી, ઉર્જા અને સ્ટેજ હાજરીની પ્રશંસા કરી રહ્યા છે. ઘણા દર્શકોનું માનવું છે કે, સાન્યાના કપડા ટેલર સ્વિફ્ટ દ્વારા "ધ ઇરાસ ટૂર" દરમિયાન પહેરવામાં આવેલા વાદળી બોડીસુટ જેવા હતા, જેના કારણે રેડિટ જેવા પ્લેટફોર્મ પર તેની સરખામણી થઈ રહી છે.
સોશિયલ મીડિયા કોમેન્ટ્સથી છલકાઈ ગયું
રેડિટ અને અન્ય પ્લેટફોર્મ ચાહકોની ઉત્સાહી પ્રતિક્રિયાઓથી છલકાઈ રહ્યા છે. એક યુઝરે લખ્યું કે, "દિલ્હી માટે આ કેવો અદ્ભુત શો છે? મને ખૂબ જ ઈર્ષ્યા થાય છે," જ્યારે બીજાએ ટિપ્પણી કરી કે, "કોમેન્ટ્સમાં આટલી શાંતિ કેમ છે? તમે લોકો તેમને ગાતા, અને પછી તેઓ જે રીતે નાચતા જોઈને શાંત કેવી રીતે રહી શકો છો ? અને સાન્યા તેમની સાથે ? અદ્ભુત." ઘણા યુઝર્સે સાન્યાની સ્ટાઇલ અને પરફોર્મન્સની પ્રશંસા કરી છે. એક પોસ્ટમાં લખાયું કે, "તે રંગ સાન્યા પર ખૂબ સારો લાગે છે." બીજા એક ચાહકે કોન્સર્ટમાંથી પોતાનો અંગત અનુભવ શેર કરતા લખ્યું કે, "હું આજે આ કોન્સર્ટમાં ગયો હતો. તે એક શાનદાર કોન્સર્ટ હતો, શાનદાર ઉર્જા હતી, અદ્ભુત ગીતો હતા, અને હે ભગવાન, રાણી હજુ પણ રોકી શકાતી નથી. તેણીએ બે કલાક માટે પરફોર્મ કરવાનું હતું, પરંતુ તેણીએ ઓછામાં ઓછા 3.5 કલાક માટે પરફોર્મ કર્યું હતું, અને ઊર્જા એક પણ વાર ઓછી થઈ નહીં."
આ પણ વાંચો ------ Bollywood Controversies 2025 : બોલિવૂડના એ 4 વિવાદો જેણે સોશિયલ મીડિયા પર મચાવ્યો હતો હંગામો