વિજય અને સંગીતાના સંબંધોને લઈને ફરી ગરમાઈ ચર્ચા
તમિલ સિનેમાના જાણીતા અભિનેતા થલપતિ વિજય છેલ્લા કેટલાક સમયથી ફિલ્મો ઉપરાંત પોતાની અંગત જિંદગીને લઈને પણ ચર્ચામાં રહ્યા છે. પત્ની સંગીતા સોરનાલિંગમ સાથેના સંબંધોમાં તણાવ અને છૂટાછેડાની અટકળોએ ફેન્સનું ધ્યાન ખેંચ્યું હતું. હવે કેટલીક મીડિયા રિપોર્ટ્સમાં દાવો કરવામાં આવી રહ્યો છે કે બંને વચ્ચે વાતચીતનો માર્ગ ફરી ખુલ્યો છે. આ ચર્ચાઓ બાદ વિજયના ચાહકોમાં સંબંધ બચવાની આશા જોવા મળી રહી છે.
પરિવારની મધ્યસ્થતાની પણ ચર્ચા
રિપોર્ટ્સ અનુસાર, બંને પક્ષો વચ્ચે મતભેદ દૂર કરવા માટે પરિવારના સભ્યો પ્રયાસ કરી રહ્યા હોવાની ચર્ચા છે. ખાસ કરીને વિજયની માતા શોભા ચંદ્રશેખરની ભૂમિકા અંગે પણ વિવિધ અહેવાલોમાં ઉલ્લેખ કરવામાં આવ્યો છે. જોકે આ તમામ બાબતોની સત્તાવાર પુષ્ટિ હજુ સુધી થઈ નથી. વિજય અને સંગીતાએ આ મુદ્દે જાહેરમાં કોઈ ટિપ્પણી કરી નથી.
જાહેર કાર્યક્રમોમાં સંગીતાની ગેરહાજરીથી શરૂ થઈ હતી ચર્ચા
થલપતિ વિજય અને સંગીતા સોરનાલિંગમની જોડી લાંબા સમયથી ચાહકોમાં લોકપ્રિય રહી છે. બંનેના લગ્ન વર્ષ 1999માં થયા હતા. લગ્ન બાદ સંગીતાએ હંમેશા ખાનગી જીવનને પ્રાથમિકતા આપી હતી. છેલ્લા કેટલાક સમયથી અનેક જાહેર કાર્યક્રમોમાં સંગીતાની ગેરહાજરી જોવા મળી હતી. વિજયના રાજકીય કાર્યક્રમો દરમિયાન પણ તેમની હાજરી ન હોવાને કારણે સંબંધોમાં અંતરની ચર્ચાઓ શરૂ થઈ હતી.
વિજય અને સંગીતાનો પરિવાર
થલપતિ વિજય અને સંગીતા સોરનાલિંગમના બે સંતાનો છે. પુત્ર જૈસન સંજય અને પુત્રી દિવ્યા સાશા છે. વર્ષો સુધી બંનેએ પરિવારને મીડિયા લાઈમલાઈટથી દૂર રાખ્યો છે. વિજયના ફિલ્મી કરિયરથી લઈને અંગત જીવન સુધી સંગીતાએ હંમેશા તેમનો સાથ આપ્યો છે. તેથી છૂટાછેડાની અટકળોએ તેમના ચાહકોમાં પણ ચિંતા ફેલાવી હતી.
હવે તમામની નજર આગામી નિર્ણય પર
હાલમાં વિજય અને સંગીતાના સંબંધોને લઈને ચાલી રહેલી ચર્ચાઓ માત્ર મીડિયા રિપોર્ટ્સ અને અટકળો પર આધારિત છે. કોઈ સત્તાવાર જાહેરાત ન થતાં સ્થિતિ સ્પષ્ટ નથી. ચાહકો હવે રાહ જોઈ રહ્યા છે કે આ સંબંધ નવી શરૂઆત તરફ આગળ વધે છે કે પછી કાયદાકીય પ્રક્રિયા તરફ જશે.
આ પણ વાંચો : Sushant Singh Death Anniversary : સુશાંત સિંહ રાજપૂતની છઠ્ઠી પુણ્યતિથિએ બહેન થઈ ભાવુક, લખી ઈમોશનલ પોસ્ટ
