"બધું જ છે છતાં હું ખુશ કેમ નથી?", તાન્યાનો સવાલનો મહારાજે આપ્યો અદભૂત જવાબ

• ટેલિવિઝન એક્ટ્રેસ તાન્યા મિત્તલ મહારાજ પાસેથી આશીર્વાદ અને જ્ઞાન લેતી જોવા મળી.
• ટ્રેડિશનલ સાડી અને જ્વેલરીમાં સજ્જ તાન્યાનો આધ્યાત્મિક વીડિયો વાયરલ.
• સોશિયલ મીડિયા પર ભક્તિના નામે 'દેખાડો' કરવા બદલ યુઝર્સે કરી ટ્રોલ.
• અગાઉ તાન્યાએ મહારાજને જીવનમાં સાચા સુખ અંગે પૂછ્યો હતો ગહન સવાલ.
• મહારાજે ઉપદેશ આપતા કહ્યું હતું કે- "પરમ સુખ માત્ર ભગવાનના ચરણોમાં જ છે."

Tanya Mittal Premanand Ji Maharaj : ટેલિવિઝન અભિનેત્રી તાન્યા મિત્તલ ફરી એકવાર વૃંદાવનમાં સંત પ્રેમાનંદ જી મહારાજના શરણમાં પહોંચી છે. સોશિયલ મીડિયા પર તેનો એક વીડિયો વાયરલ થયો છે, જેમાં તે મહારાજને નમન કરતી અને તેમની પાસેથી આધ્યાત્મિક જ્ઞાન મેળવતી જોવા મળી રહી છે. આ દરમિયાન તાન્યા સુંદર સાડી અને ડાયમંડ જ્વેલરીમાં સજ્જ જોવા મળી હતી, જેના કારણે તેનો લુક ચર્ચાનું કેન્દ્ર બન્યો છે.

તાન્યા મિત્તલ ફરી પહોંચી પ્રેમાનંદ મહારાજના શરણમાં

સોશિયલ મીડિયા પર તાન્યાના આ વીડિયોને લઈને મિશ્ર પ્રતિસાદ મળી રહ્યો છે. કેટલાક ચાહકો તેની ભક્તિની પ્રશંસા કરી રહ્યા છે, તો બીજી તરફ કેટલાક યુઝર્સ તેને ટ્રોલ પણ કરી રહ્યા છે. નેટીઝન્સનું કહેવું છે કે આ માત્ર 'ભક્તિનો ઢોંગ' અને સોશિયલ મીડિયા માટેનું પ્રદર્શન છે. કેટલાકે તો એમ પણ કહ્યું કે તે પોતાના પાપ ધોવા માટે મહારાજ પાસે આવી છે.

 

View this post on Instagram

 

A post shared by सीमा लोहानी (@bhaktiprabah)

ભક્તિ કે દેખાડો? અભિનેત્રી સોશિયલ મીડિયા પર ટ્રોલ

આ પહેલીવાર નથી જ્યારે તાન્યા મહારાજને મળવા આવી હોય. અગાઉની મુલાકાતમાં તેણે એક ઊંડો પ્રશ્ન પૂછ્યો હતો કે, "મહારાજજી, આજે મારી પાસે નામ, ધન અને બધા જ સુખ છે, પરંતુ હું અંદરથી ખુશ કેમ નથી?" ત્યારે પ્રેમાનંદ જી મહારાજે ખૂબ જ સુંદર જવાબ આપ્યો હતો કે સાચું સુખ જગતની વસ્તુઓ કે ભોગવિલાસમાં નથી, પરંતુ પરમ સુખ માત્ર ભગવાનના ચરણોમાં જ છે.

સોશિયલ મીડિયા પર વાદ-વિવાદ અને આધ્યાત્મિક આકર્ષણ

તાન્યા મિત્તલના આ વાયરલ વીડિયોએ સોશિયલ મીડિયા પર બે ભાગલા પાડી દીધા છે. એક તરફ એવા લોકો છે જેઓ માને છે કે ગ્લેમર વર્લ્ડ સાથે જોડાયેલા કલાકારો જ્યારે સંતોના શરણે જાય છે ત્યારે તે નવી પેઢી માટે પ્રેરણારૂપ બને છે. બીજી તરફ, ટ્રોલર્સનો મોટો વર્ગ તેને 'કેમેરા સામેની ભક્તિ' ગણાવી રહ્યો છે. જોકે, આ વિવાદો વચ્ચે પણ પ્રેમાનંદ જી મહારાજના વીડિયો અને તેમની સાદી વાણીમાં અપાતા ગૂઢ જ્ઞાનને કારણે બોલિવૂડ અને ટેલિવિઝન જગતના અનેક સેલેબ્રિટીઝ સતત વૃંદાવન તરફ ખેંચાઈ રહ્યા છે, જે દર્શાવે છે કે માનસિક શાંતિની શોધમાં આજે આધુનિકતા અને આધ્યાત્મિકતાનો સંગમ થઈ રહ્યો છે.

આ પણ વાંચો : Bharti Singh Second Baby: ગોલાને મળ્યો નાનો ભાઈ! ભારતી અને હર્ષ ફરી એકવાર માતા-પિતા બન્યા