TIGER 3 ફિલ્મને લઈને આવ્યા આ મોટા સમાચાર આવ્યા સામે, જાણો શું છે સમગ્ર બાબત

સલમાન ખાન અને કેટરિના કૈફની 'ટાઈગર' ફ્રેન્ચાઈઝીની આવનારી ફિલ્મ  'ટાઈગર 3' દિવાળીના અવસર પર થિયેટરોમાં આવવા માટે તૈયાર છે. ટાઈગરનો મેસેજ, ટ્રેલર અને ફિલ્મમાં બતાવેલ સ્ટાર કાસ્ટનો લુક ચાહકોનો ઉત્સાહ વધારી રહ્યો છે. આ શ્રેણીમાં, પ્રથમ દિવસે મોટા પડદા પર 'ટાઈગર 3' જોવાની રાહ જોઈ રહેલા ચાહકો માટે એક સારા સમાચાર છે. ફિલ્મની એડવાન્સ ટિકિટ બુકિંગની તારીખ જાહેર કરવામાં આવી છે.

આ દિવસે થશે એડવાન્સ બુકિંગ શૂરું 

માત્ર 9 દિવસમાં, બોલિવૂડ સુપરસ્ટાર સલમાન ખાનના ચાહકોને અભિનેતાની બહુપ્રતિક્ષિત ફિલ્મ 'ટાઈગર 3' જોવા માટે તેમની ટિકિટ બુક કરવાની તક મળશે. આ બૂકિંગ ફિલ્મ રિલીઝના એક સપ્તાહ અગાઉ 5 નવેમ્બર, 2023ના રોજથી શરૂ થશે.

ડંકી અને TIGER 3 ની થશે જુગલબંધી 

મીડિયા રિપોર્ટ્સ અનુસાર, શાહરૂખ ખાનની આગામી ફિલ્મ 'ડંકી'નું પહેલું ટીઝર ફિલ્મ સાથે  જ રિલીઝ થાય તેવી સંભાવનાઓ હાલ વર્તાઇ રહી છે . પરિણામે, 'ટાઈગર 3'ની સ્ક્રીનિંગ સાથે ટીઝર વિશ્વભરના સિનેમાઘરોમાં રિલીઝ થશે.  પ્રાપ્ત થયેલ રિપોર્ટના અનુસાર, 'આ માટે શાહરૂખે તેના બે મિત્રો આદિત્ય ચોપરા અને સલમાન ખાનને ફોન કરવો પડ્યો હતો.' આ આશ્ચર્યજનક નથી કારણ કે શાહરૂખ પણ આ ફિલ્મમાં એક મોટા કેમિયોમાં છે. તેની SPY ફિલ્મ 'પઠાણ' સાથે બોક્સ ઓફિસના રેકોર્ડ તોડનાર અભિનેતા આ ફિલ્મ માટે એક એક્શન સિક્વન્સમાં તેના પાત્ર તરીકે પરત ફરવા માટે તૈયાર છે.

દિવાળીમાં ધમાકો કરવા તૈયાર TIGER 3

બ્લોકબસ્ટર ફ્રેન્ચાઇઝી 'ટાઇગર 3' દિવાળીના અવસર પર બોક્સ ઓફિસના રેકોર્ડ તોડવા માટે તૈયાર છે. ફિલ્મનો થિયેટર રનટાઈમ આશરે 2 કલાક અને 35 મિનિટ (155 મિનિટ) હોવાનું નોંધાયું છે, જે SPY UNIVERSE ની ત્રીજી સૌથી લાંબી ફિલ્મ બની ગઈ છે. મનીષ શર્મા દ્વારા નિર્દેશિત, 'ટાઈગર 3'માં ઈમરાન હાશ્મી વિલનની ભૂમિકામાં છે.

આ પણ વાંચો --  રાષ્ટ્રીય ફિલ્મ પુરસ્કાર જીતનાર પુષ્પા ફેમ સંગીતકાર રોકસ્ટાર ડીએસપી એ તેમના જીતની ઉજવણી કરી, વાંચો અહેવાલ

ગુજરાત ફર્સ્ટ તમને સમાચારોથી હંમેશા અવગત રાખશે