Throwback: 14 મહિનાનો કઠોર સંઘર્ષ અને 18 કિલો વજન ઘટાડ્યું, Kartik Aaryan નું અવિશ્વસનીય ટ્રાન્સફોર્મેશન!
- Kartik Aaryan ના અભિનય કારકિર્દીની સૌથી મોટી અને પડકારજનક સફર
- મુરલીકાંત પેટકરની ભૂમિકા માટે પ્રથમ ફિલ્મફેર બેસ્ટ એક્ટર એવોર્ડ પણ મળ્યો
- 14 મહિનાના કઠોર સંઘર્ષ બાદ કાર્તિક આર્યને 18 કિલો વજન ઘટાડ્યું
Kartik Aaryan Chandu Champion : બોલિવૂડ અભિનેતા કાર્તિક આર્યન (Kartik Aaryan) માટે ફિલ્મ ‘ચંદૂ ચેમ્પિયન’ (Chandu Champion) માત્ર એક પ્રોજેક્ટ નહોતો, પરંતુ તે તેમના અભિનય કારકિર્દીની સૌથી મોટી અને પડકારજનક સફર હતી. દિગ્દર્શક કબીર ખાન (Kabir Khan) દ્વારા નિર્મિત આ ફિલ્મમાં કાર્તિકે ભારતના પ્રથમ પેરાલિમ્પિક ગોલ્ડ મેડલ વિજેતા મુરલીકાંત પેટકર (Murlikant Petkar) ના પાત્રને જે રીતે જીવંત કર્યું, તે દર્શકો અને વિવેચકો માટે એક મિસાલ બની ગયું છે. આ ભૂમિકા માટે તેમને તેમનો પ્રથમ ફિલ્મફેર બેસ્ટ એક્ટર (Filmfare Best Actor) એવોર્ડ પણ મળ્યો છે.
14 મહિનાનો કઠોર પરિશ્રમ
આ પાત્રની તૈયારી માટે કાર્તિકે અંદાજે 14 મહિના સુધી અથાક મહેનત કરી હતી. તેમણે પોતાના શરીરનું વજન 18 કિલો ઘટાડ્યું હતું. સૌથી આશ્ચર્યજનક બાબત એ છે કે, તેમણે કોઈ પણ કૃત્રિમ સહાય વગર સંપૂર્ણ કુદરતી રીતે શરીરના ફેટ (Body Fat) ને 39 ટકાથી ઘટાડીને માત્ર 7 ટકા સુધી પહોંચાડ્યું હતું. આ પ્રક્રિયામાં તેમનો મુખ્ય ઉદ્દેશ્ય માત્ર સારો દેખાવ કરવાનો નહોતો, પરંતુ એક વાસ્તવિક ખેલાડીની તાકાત અને શિસ્તને આત્મસાત કરવાનો હતો.
ટ્રેનરે કર્યો ખુલાસો? લાઇફ સ્ટાઇલમાં કેવો કર્યો ફેરફાર
કાર્તિકના ફિટનેસ ટ્રેનર ત્રિદેવ પાંડે (Tridev Pandey) એ જણાવ્યું હતું કે, અભિનેતાએ શૂટિંગ અને ટ્રેનિંગ વચ્ચે ઉત્તમ સંતુલન જાળવ્યું હતું. પછી તે પંચગની (Panchgani), કાશ્મીર (Kashmir) હોય કે મહાબળેશ્વર (Mahabaleshwar), કાર્તિક હંમેશા વહેલી સવારે દોડવા અને બોક્સિંગ ડ્રિલ્સ માટે તૈયાર રહેતા હતા. દિવસભરના વ્યસ્ત શૂટિંગ પછી પણ તેઓ દરરોજ 45 મિનિટ સ્ટ્રેન્થ ટ્રેનિંગ (Strength Training) કરવાનું ચૂકતા નહીં.
કાર્તિકે લાંબા સમય સુધી મીઠાઈ (Sugar) ને સંપૂર્ણ રીતે ત્યાગી દીધી હતી. તેમની ડાયેટમાં કેલરી-ડેફિસિટ (Calorie-deficit) અને હાઈ-પ્રોટીન ખોરાકનો સમાવેશ થતો હતો. તેમણે પ્રોસેસ્ડ ફૂડ (Processed food) ને અલવિદા કહીને કોલીફ્લાવર રાઈસ (Cauliflower rice) જેવા વિકલ્પો અપનાવ્યા હતા. યોગ્ય ઊંઘ અને શિસ્તબદ્ધ જીવનશૈલીએ તેમના ટ્રાન્સફોર્મેશનમાં પાયાની ભૂમિકા ભજવી હતી.
એક પ્રોફેશનલ એથલીટ જેવી તૈયારી
ફિલ્મમાં એક બોક્સર, સ્વિમર અને આર્મી ઓફિસરની ભૂમિકા ભજવવા માટે તેમણે કલાકો સુધી સ્વિમિંગ, એન્ડ્યોરન્સ કન્ડિશનિંગ (Endurance conditioning) અને ફંક્શનલ વર્કઆઉટ્સ (Functional workouts) કર્યા હતા. કાર્તિકની આ પ્રમાણિકતા જ ફિલ્મની સફળતાનું કારણ બની. આ ટ્રાન્સફોર્મેશન માત્ર ફિટનેસની સિદ્ધિ નથી, પરંતુ એક કલાકાર તરીકે તેમનો વિકાસ પણ દર્શાવે છે.