Tu Meri Main Tera Main Tera Tu Meri ફિલ્મનું ટ્રેલર રિલીઝ, કાર્તિક-અનન્યાની જોડી કમાલ કરવા તૈયાર
- કાર્તિક આર્યન અને અનન્યા પાંડેની જોડી દર્શકોનો મનોરંજન પીરસવા તૈયાર
- રોમેન્ટીક-કોમેડી ફિલ્મ 25 ડિસેમ્બરે થિએટરમાં આવશે
- બંને એકબીજાથી વિપરીત પાત્રોને પ્રેમમાં પડતા જોવાની દર્શકોનો મજા આવશે
Tu Meri Main Tera Main Tera Tu Meri Film Trailer Out : કાર્તિક આર્યન અને અનન્યા પાંડેની બહુપ્રતિક્ષિત ફિલ્મ "તુ મેરી મેં તેરા મેં તેરા તુ મેરી" નું ટ્રેલર રિલીઝ થઈ ગયું છે. ફિલ્મ રિલીઝ થવાના સાત દિવસ પહેલા જ રિલીઝ થયેલી આ ફિલ્મની આખી વાર્તા કાર્તિક આર્યનના પાત્ર રેહાન અને અનન્યા પાંડેના પાત્ર રૂમી વર્ધનની આસપાસ ફરે છે. 3 મિનિટ અને 21 સેકન્ડનો ટ્રેલરનો આ વીડિયો બંને પર કેન્દ્રિત છે. કરણ જોહરના ધર્મા પ્રોડક્શન્સ બેનર હેઠળ નિર્મિત આ રોમેન્ટિક કોમેડી ફિલ્મનું નિર્દેશન સમીર વિદ્વાંસ દ્વારા કરવામાં આવ્યું છે.
"તુ મેરી મેં તેરા મેં તેરા તુ મેરી" ની કહાની શું છે ?
ટ્રેલર મુજબ, કહાની રેહાનની આસપાસ ફરે છે, જેને રે (કાર્તિક આર્યન) તરીકે પણ ઓળખવામાં આવે છે, જે લોસ એન્જલસમાં રહે છે, અને વર્તમાનમાં જીવવામાં માને છે. બીજું પાત્ર રૂમી વર્ધન (અનન્યા પાંડે) છે, જે એક બેસ્ટ સેલિંગ લેખક છે. બંનેની મુલાકાત નાટકીય વળાંક લાવે છે. જ્યારે રેહાન બેફિકર જીવન જીવે છે, ત્યારે રૂમી તેના દૃષ્ટિકોણને પડકારતી હોય તેવું લાગે છે. બંનેની મુલાકાત થાય છે, પછી રૂમીની રેહાન સાથે યાટ પર જબરદસ્તીથી મુસાફરી, તેમનો હોટલનો રૂમ, અને ત્યારબાદ તેમની મિત્રતામાંથી પ્રેમમાં ફેરવાયેલી કહાની, સ્ક્રિન પર આ બધું રમુજી છે. એક તબક્કે રેહાન સ્વીકારે છે કે, તેણે ઘણા સંબંધો બનાવ્યા છે અને ક્યારેય "આઈ લવ યુ" કહ્યું નથી, રૂમી એક ગંભીર સંબંધ શોધી રહી છે. આ સંબંધ કેવી રીતે આગળ વધે છે તે જાણવા માટે, તમારે ફિલ્મની રિલીઝની રાહ જોવી પડશે.
ટ્રેલરમાં ચાર સ્ટાર્સ દેખાય છે
"તુ મેરી મેં તેરા મેં તેરા તુ મેરી" ના ટ્રેલરમાં ચાર સ્ટાર્સ દેખાય છે. જો કે, મોટાભાગે ટ્રેલરમાં કાર્તિક આર્યન અને અનન્યા પાંડે પર ધ્યાન કેન્દ્રિત કરવામાં આવ્યું છે. ટ્રેલરમાં જેકી શ્રોફ લગભગ ચાર જેટવા દ્રશ્યોમાં દેખાય છે, તેનો કુલ સમયગાળો 5-6 સેકન્ડથી વધુ નથી. નીના ગુપ્તા ફક્ત એક સેકન્ડ માટે જ જોવા મળે છે. આ ફિલ્મ 25 ડિસેમ્બર, 2025 ના રોજ સિનેમાઘરોમાં રિલીઝ થશે.
આ પણ વાંચો ------ ધૂરંધર ફિલ્મની લોકપ્રિયતાની સૂનામીના કારણે અન્ય રિલીઝ પાછળ ઠેલાઇ