Jay Bhanushali - Mahhi Vij Divorce : લગ્નના 14 વર્ષ બાદ સેલિબ્રીટી કપલ છુટ્ટા પડશે

• લાંબા સમયથી ચાલતી આવતી અટકળોનો અંત
• 14 વર્ષ બાદ જય ભાનુશાલી અને માહી વિજ અલગ થશે
• સોશિયલ મીડિયા સ્ટોરીથી લોકોને જાણ કરી

Jay Bhanushali - Mahhi Vij Divorce : ટીવી અભિનેત્રીઓ માહી વિજ અને જય ભાનુશાલીએ તેમના અલગ થવાના સમાચાર ચાહકો સાથે શેર કર્યા છે. છેલ્લા કેટલાક દિવસોથી, એવા અહેવાલો હતા કે આ દંપતી છૂટાછેડા લઈ રહ્યું છે. જો કે તેઓ આ બાબતે મૌન રહ્યા હતા, પરંતુ હવે તેમણે ઇન્સ્ટાગ્રામ સ્ટોરીઝ પર એક પોસ્ટ શેર કરીને ચાહકોને આ સમાચારની પુષ્ટિ કરી છે. તેમણે એ પણ જાહેર કર્યું કે તેઓ 14 વર્ષના લગ્નજીવન પછી અલગ થઈ રહ્યા છે. આ સમાચારથી ચાહકોને આઘાત લાગ્યો છે.

અમે શ્રેષ્ઠ માતાપિતા, શ્રેષ્ઠ મિત્રો બનીશું

પોસ્ટમાં, દંપતીએ લખ્યું છે, "આજે અમે જીવન નામની સફર શરૂ કરવા માટે અલગ થવાનો નિર્ણય લીધો છે. પરંતુ આજે પણ, અમે એકબીજા માટે ઉપલબ્ધ રહીશું. શાંતિ, વિકાસ, દયા અને માનવતા હંમેશા અમારા મૂલ્યો રહ્યા છે." અમારા બાળકો - તારા, ખુશી અને રણવીર - ને અમે શ્રેષ્ઠ માતાપિતા, શ્રેષ્ઠ મિત્રો બનવાનું, અને તેમના માટે જે યોગ્ય છે, તે કરવા માટે જે કંઈ કરવું પડે તે કરવાનું વચન આપીએ છીએ."

એકબીજાને ટેકો આપીશું

તેઓએ આગળ લખ્યું, "જોકે અમે અલગ થઈ રહ્યા છીએ, આ વાર્તામાં કોઈ ખલનાયક નથી, અને આ નિર્ણય પાછળ કોઈ નકારાત્મકતા નથી. કોઈપણ નિષ્કર્ષ પર પહોંચતા પહેલા, કૃપા કરીને જાણી લો કે અમે નાટક કરતાં શાંતિ અને સમજણને સૌથી ઉપર પસંદ કરી છે. અમે એકબીજાનો આદર કરતા રહીશું, એકબીજાને ટેકો આપીશું અને હંમેશાની જેમ મિત્રો રહીશું. પરસ્પર આદર સાથે, અમે આગળ વધતાં તમારા આદર, પ્રેમ અને દયાની અપેક્ષા રાખીએ છીએ."

બે સંતાનો દત્તક લીધા, એકના જેૈવિક માતા-પિતા બન્યા

નોંધનીય છે કે, શરૂઆતમાં માહી વિજ અને જય ભાનુશાલી થોડા સમય માટે એકબીજાની નિકટ સંબંધમાં રહ્યા હતા, ત્યારબાદ બંનેએ વર્ષ 2011 માં લગ્ન કર્યા હતા. વર્ષ 2017 માં, તેઓએ રાજવીર અને ખુશીને દત્તક લીધા હતા. અને વર્ષ 2019 માં, દંપતી તેમની જૈવિક પુત્રી તારાના માતાપિતા બન્યા હતા.

આ પણ વાંચો -------  Toxic ફિલ્મમાં Tara Sutaria દમદાર પાત્ર ભજવશે, First Look સામે આવ્યો