World Book Day: અભિનય બાદ કલમથી કમાલ કરી રહી છે બોલિવૂડની આ હસીનાઓ!
- World Book Day નિમિત્તે સેલિબ્રિટીઝના પુસ્તકોની ચર્ચા
- પ્રિયંકા ચોપરાએ 'Unfinished' માં ખોલ્યા જીવનના રાઝ
- ટ્વિન્કલ ખન્નાની કલમે વાચકોને કર્યા મંત્રમુગ્ધ
- નીના ગુપ્તાએ 'સચ કહું તો' માં વ્યક્ત કરી હૈયા વરાળ
- ફિટનેસ માટે શિલ્પા શેટ્ટીનું પુસ્તક બન્યું બેસ્ટ સેલર
દર વર્ષે 'વિશ્વ પુસ્તક દિવસ' (World Book Day) નિમિત્તે પુસ્તકો અને લેખકોનું સન્માન કરવામાં આવે છે. વિશ્વ પુસ્તક દિવસ [World Book Day] ના અવસરે, ગ્લેમરની દુનિયાથી દૂર સાહિત્યના આંગણે પોતાની કલમનો જાદુ પાથરનાર બોલિવૂડની અભિનેત્રીઓ વિશે વાત કરવી અનિવાર્ય છે. આ અભિનેત્રીઓએ માત્ર પડદા પર જ નહીં, પરંતુ પુસ્તકો દ્વારા વાચકોના હૃદયમાં પણ એક અલગ ઓળખ બનાવી છે. તેમના શબ્દોમાં આપણને તેમની જિંદગીની સાચી, અંગત અને બેબાક ઝલક જોવા મળે છે.
1. પ્રિયંકા ચોપરા જોનસ -Unfinished
ગ્લોબલ આઈકોન પ્રિયંકા ચોપરા જોનસની આ આત્મકથા અત્યંત પ્રેરણાદાયી છે. આ પુસ્તકમાં તેણે પોતાના બાળપણથી લઈને હોલીવુડ સુધીની સંઘર્ષગાથા રજૂ કરી છે. તેણે પોતાની નિષ્ફળતાઓ અને સફળતાઓને અત્યંત પ્રામાણિકતાથી રજૂ કરી છે.
2. ટ્વિન્કલ ખન્ના - Mrs Funnybones
પોતાની હળવી શૈલી અને હાજરજવાબી માટે જાણીતી ટ્વિન્કલ ખન્નાનું આ પુસ્તક વાચકોને હસાવવાની સાથે જીવન પ્રત્યે નવો દ્રષ્ટિકોણ આપે છે. તેમાં તેના રોજિંદા જીવનના રમુજી કિસ્સાઓ અને કટાક્ષ જોવા મળે છે.
3. શિલ્પા શેટ્ટી - The Great Indian Diet
શિલ્પા શેટ્ટીએ આ પુસ્તક દ્વારા ભારતીય ખોરાક અને ફિટનેસના રહસ્યો સમજાવ્યા છે. આ પુસ્તક હેલ્ધી લાઈફસ્ટાઈલ અને સંતુલિત આહાર પર ભાર મૂકે છે.
4. નીના ગુપ્તા - Sach Kahun Toh
નીના ગુપ્તાની આ આત્મકથા તેમના અંગત જીવનના ઉતાર-ચઢાવ અને સંઘર્ષની બેબાક કહાની છે. તેમણે પોતાના નિર્ણયો અને સંબંધો વિશે કોઈ પણ જાતના ડર વગર વાત કરી છે.
5. કલ્કી કોચલિન - A Play in Madness
આ પુસ્તક માનસિકતા, સંબંધો અને સમાજ સાથે જોડાયેલા જટિલ પાસાઓને સંવેદનશીલ રીતે રજૂ કરે છે. કલ્કીની લેખન શૈલી સાહસિક અને અલગ વિચારસરણી દર્શાવે છે.
6. કુબ્રા સૈત - Open Book
કુબ્રાએ પોતાની જિંદગીના કઠિન અનુભવો અને આત્મખોજની યાત્રા આ પુસ્તકમાં શેર કરી છે. તે પોતાની નબળાઈઓને સ્વીકારવાની તાકાત આપે છે.
7. સોહા અલી ખાન - The Perils of Being Moderately Famous
આ એક રમુજી અને આત્મચિંતનથી ભરેલી આત્મકથા છે, જેમાં સોહાએ તેના પરિવાર અને કરિયરના અનુભવો હળવા અંદાજમાં શેર કર્યા છે.
આ પણ વાંચો : 30 વર્ષની ઉંમરે હાર્ટ એટેક? હરિયાણવી એક્ટ્રેસ Divyanka Sirohi ના મોતે સૌને ચોંકાવ્યા