રેવડી સરકારનું દિલ્હી મોડલ પાણીમાં, જનતા ત્રાહિમામ

ગુજરાતમાં દિલ્હી મોડલની મોટી મોટી વાતો કરનારા અરવિંદ કેજરીવાલની રેવડી સરકારનું સત્ય જાણીને ચોંકી જવાય તેવી સ્થિતિ છે. ગુજરાત ફર્સ્ટની ટીમે દિલ્હીના જ કાલીવાડી વિસ્તારમાં જઇને હકીકત જાણી તો ચોંકાવનારી માહિતી બહાર આવી હતી. કેજરીવાલના વિસ્તારમાં જ રહિશોની સ્થિતી દયનીય છે. પ્રસ્તુત છે ગુજરાત ફર્સ્ટનો ગ્રાઉન્ડ ઝીરો રીપોર્ટ

દિલ્હીની રેવડી સરકારની પોલમપોલનો પર્દાફાશ થયો છે અને તેમના જ મતવિસ્તારની જનતા ત્રાહિમામ પોકારી ઉઠી છે.  દિલ્હી સરકારની અંતર્ગત આવતા વિસ્તારોમાં બીજા કોઈ નહીં પરંતુ ખુદ કેજરીવાલના મતવિસ્તારની સ્થિતિ જાણશો તો તમે પણ ચોંકી જશો. અહીં કેજરીવાલના મતવિસ્તારમાં જ જનતા રીતસરની ત્રાહિમામ પોકારી ગઇ છે. દિલ્હીમાં પડી રહેલાં સતત વરસાદને લીધે અહીંના 500 જેટલાં પરિવારો નર્ક જેવી સ્થિતિમાં જીવવા મજબૂર છે. કેજરીવાલના દિલ્હી મોડલની અહીં પોલ ખુલી ગઇ છે. કેજરીવાલની કથની અને કરણીમાં મોટો ફર્ક છે તે તેમના જ વિસ્તારમાં જોવા મળે છે.

ગુજરાતમાં પ્રચારમાં રેવડીઓ વહેંચવાની ગુલબાંગો પોકારતાં કેજરીવાલને પોતાના જ મતવિસ્તારમાં જનતાની ખબર લેવાની ફૂરસત નથી. કેજરીવાલ જનતાના નાણાં વાપરીને ગુજરાત અને પંજાબમાં શાહી પ્રચાર કરી રહ્યાં છે તેવો આરોપ ખુદ દિલ્હીની જનતા કહી રહી છે. કેજરીવાલે દિલ્હીમાં લોકોને ઘર આપવાનો વાયદો કર્યો હતો પણ હકીકત સાવ જૂદી જ છે. જનતા અહીં એ હદે પરેશાન છે કે મીડિયા સમક્ષ તેમનું દર્દ આંખમાં આંસુ બનીને ઉભરી આવ્યું છે.

કેજરીવાલ પહેલાં પંજાબ અને હવે ગુજરાતમાં રેવડી વહેંચી રહ્યા છે અને લોકોને દિવાસ્વપ્ન બતાવી રહ્યા છે. દિલ્હીની જનતા જ કેજરીવાલથી પરેશાન છે. સમસ્યાઓ સામે ઝઝૂમી રહેલી દિલ્હીની જનતાની હાલત ખરાબ થઇ ગઇ છે. કેજરીવાલે દિલ્હીની જનતાને અઢળક વાયદા આપ્યા છે પણ વાસ્તવીક્તા કંઇક અલગ જ જોવા મળી રહી છે. કેજરીવાલના નઘરોળ વહીવટના કારણે દેશની રાજધાનીના હાલ બેહાલ થઇ ગયા છે. 

ચૂંટણી આવતાં જ ગુજરાતમાં લોકોને લલચાવવા આવતા કેજરીવાલને પોતાના જ મતવિસ્તારમાં જવાની ફુરસત નથી અને તેથી જનતાની સ્થિતી કફોડી બની રહી છે. દિલ્હીની બહાર મોટી મોટી વાતો કરતા કેજરીવાલથી જનતા એટલી હદે ત્રાસી ગઇ છે કે મીડિયા સાથે વાત કરતાં પણ લોકો રડી પડે છે. 

આ પણ વાંચો--જાણો, યુવતીની હત્યા કેસમાં ઉત્તરાખંડ પોલીસે શું કર્યું