રાષ્ટ્રીય શોકને પગલે ગૃહમંત્રી અમિતભાઇ શાહનો NFSU નો કાર્યક્રમ મોકૂફ, દહેગામ APMC નું લોકાર્પણ યથાવત રહેશે

NFSU ખાતે ઇન્ટરપોલની બેઠકનું ઉદ્ઘાટન ટળ્યું

રાષ્ટ્રીય શોકની જાહેરાત થવાના કારણે નેશનલ ફોરેન્સિક સાયન્સીસ યુનિવર્સિટી, ગાંધીનગર (NFSU, Gandhinagar) ખાતે આયોજિત ગૃહમંત્રીનો મુખ્ય કાર્યક્રમ સ્થગિત કરાયો છે. અહીં અમિતભાઇ શાહ (Amit Shah) દ્વારા ઇન્ટરપોલની 11મી ડિજિટલ ફોરેન્સિક એક્સપર્ટ ગૃપની બેઠકનું ભવ્ય ઉદ્ઘાટન કરવામાં આવનાર હતું. આ આંતરરાષ્ટ્રીય સ્તરની બેઠક ડિજિટલ ક્રાઈમ અને ફોરેન્સિક તપાસના ક્ષેત્રે ખૂબ જ મહત્વની માનવામાં આવી રહી હતી, જે હવે આગામી જાહેરાત સુધી મોકૂફ રહેશે.

દહેગામ APMC નો કાર્યક્રમ પૂર્વવત રહેશે

બીજી તરફ, ગાંધીનગર (Gandhinagar) જિલ્લાના દહેગામ (Dahegam) ખાતે આયોજિત સ્થાનિક કાર્યક્રમોના આયોજનમાં કોઈ ફેરફાર કરવામાં આવ્યો નથી. દહેગામ એપીએમસી (Dahegam APMC) દ્વારા નવનિર્મિત આધુનિક શાક માર્કેટનું લોકાર્પણ (Inauguration of Vegetable Market) તેમજ સંસ્થાના અમૃત મહોત્સવ (Amrut Mahotsav) ની ઉજવણીનો જે કાર્યક્રમ નક્કી કરવામાં આવ્યો હતો, તે પોતાના નિયત સમયપત્રક અનુસાર યથાવત રાખવામાં આવ્યો છે. આ કાર્યક્રમને લઈને સ્થાનિક સહકારી આગેવાનો અને ખેડૂતોમાં ભારે ઉત્સાહ જોવા મળી રહ્યો છે.

આ પણ વાંચો: સુરતમાં ખાડીપૂર બાદ યુદ્ધના ધોરણે સહાયની કામગીરી: 20,745 અસરગ્રસ્તોને 4.68 કરોડની આર્થિક મદદ ચૂકવાઈ