• Anti Terrorism Day :આતંકવાદ વિરોધી દિવસ નિમિત્તે, ગુજરાતના રાજ્યપાલ  આચાર્ય દેવવ્રતજીએ લોકભવન ખાતે અધિકારીઓને અહિંસા અને સામાજિક સદભાવના શક્તિશાળી શપથ લેવડાવ્યા.

Anti Terrorism Day : "અહિંસા પરમો ધર્મ:" – આ માત્ર ભારતીય સંસ્કૃતિનું સૂત્ર નથી, પણ આપણી નસોમાં વહેતું લોહી છે. પરંતુ જ્યારે પણ કોઈ વિઘટનકારી શક્તિ આ શાંતિને ડહોળવાનો પ્રયાસ કરે, ત્યારે આખો દેશ એક થઈને તેની સામે અડીખમ ઊભો રહી જાય છે. આજે ૨૧મી મે એટલે કે 'આતંકવાદ વિરોધી દિવસ' (Anti-Terrorism Day) નિમિત્તે ગાંધીનગરના લોકભવનમાં આવો જ એક રાષ્ટ્રપ્રેમનો માહોલ જોવા મળ્યો. જ્યાં દેશની અખંડિતતા અને સદભાવના રક્ષણ માટે સત્તાવાર પરિપત્રોથી ઉપર ઊઠીને, હૃદયપૂર્વકના શપથ લેવામાં આવ્યા.

Anti Terrorism Day : લોકભવનમાં ગુંજ્યો અહિંસા અને સદભાવનો સંકલ્પ

ગાંધીનગર સ્થિત લોકભવન-Lok Bhavan આજે માત્ર એક વહીવટી વડું મથક નહોતું રહ્યું, પણ રાષ્ટ્રીય સંકલ્પનું એક પવિત્ર કેન્દ્ર બન્યું હતું. નિમિત્ત હતું – દેશને આતંકવાદ અને હિંસાના ભરડામાંથી મુક્ત રાખવાના દ્રઢ સંકલ્પનું.

ગુજરાતના રાજ્યપાલ  આચાર્ય દેવવ્રતજી(Governor Acharya Devvratji)ની પ્રેરણાદાયી ઉપસ્થિતિમાં લોકભવનના તમામ નાના-મોટા અધિકારીઓ અને કર્મચારીઓ એકઠા થયા હતા. રાજ્યપાલએ સ્વયં આગળ આવીને સૌને દેશની રક્ષા અને સામાજિક સમરસતાના શપથ(pledge) લેવડાવ્યા હતા.

આ શપથ ગ્રહણ માત્ર શબ્દોની ઔપચારિકતા નહોતી, પણ તેમાં ભારતીય સંસ્કૃતિના મૂળભૂત સિદ્ધાંતોનો રણકો હતો. શપથ દરમિયાન મુખ્ય ત્રણ બાબતો પર વિશેષ ભાર મૂકવામાં આવ્યો:

• અહિંસા આપણી તાકાત: આપણે ભારતવાસીઓ સદીઓથી અહિંસા અને સહનશીલતાની પરંપરામાં અતૂટ વિશ્વાસ ધરાવીએ છીએ અને આ જ આપણી સાચી ઓળખ છે.

• આતંકવાદ સામે કડક વલણ: દેશની શાંતિ હણવા માંગતા આતંકવાદ અને હિંસાના કોઈપણ સ્વરૂપનો સખત શબ્દોમાં અને જોરદાર વિરોધ કરવાની પ્રતિબદ્ધતા વ્યક્ત કરાઈ.

• આંતરિક એકતાની રક્ષા: માનવ મૂલ્યોને નુકસાન પહોંચાડતી અને સમાજને તોડતી વિઘટનકારી શક્તિઓ સામે લડવા તેમજ વિવિધ વર્ગો વચ્ચે શાંતિ, સામાજિક સદભાવ અને પરસ્પર સમજણ જાળવી રાખવાનો દ્રઢ સંકલ્પ લેવાયો.

રાજ્યપાલની ગંભીર અને પ્રભાવશાળી વાણીએ લોકભવનના વાતાવરણમાં એક નવી જ રાષ્ટ્રીય ચેતનાનો સંચાર કર્યો હતો.

બંધૂક અને નફરતની રાજનીતિ સામે જ્યારે અહિંસા અને એકતાના શપથ લેવાય છે, ત્યારે આતંકના આકાઓ આપોઆપ નબળા પડી જાય છે. લોકભવનમાં રાજ્યપાલ આચાર્ય દેવવ્રતજીના નેતૃત્વમાં લેવાયેલા આ શપથ એ વાતની સાબિતી છે કે ભારતનો સામાન્ય નાગરિક કે સરકારી કર્મચારી દેશની આંતરિક શાંતિ અને ભાઈચારો જાળવવા માટે કેટલો કટિબદ્ધ છે. જ્યાં સુધી આપણી અહિંસાની આ પરંપરા મજબૂત છે, ત્યાં સુધી કોઈપણ વિઘટનકારી શક્તિ ભારતની એકતાને આંચ લાવી શકશે નહીં. 

આ પણ વાંચો : One Nation One Election :સંસદીય સમિતિની ગુજરાત મુલાકાત