Chandipura Virus: ગુજરાતમાં ચાંદીપુરા વાયરસનો કહેર, 17 શંકાસ્પદ દર્દી અને 3 ના મોત, આરોગ્ય મંત્રી પ્રફુલભાઈ પાનસેરીયાએ આપ્યું નિવેદન

17 શંકાસ્પદ કેસ, 3 ના મોત

આરોગ્ય મંત્રીના જણાવ્યા અનુસાર, અત્યાર સુધીમાં કુલ 17શંકાસ્પદ બાળકોના રિપોર્ટ (Medical Reports) તપાસવામાં આવ્યા હતા. જેમાંથી 10 બાળકોના રિપોર્ટ નેગેટિવ આવ્યા છે, જ્યારે 6 બાળકોના રિપોર્ટ પોઝિટિવ આવ્યા છે. કમનસીબે, આ વાયરસને કારણે અત્યાર સુધીમાં  3 બાળકોના મૃત્યુ (Deaths) નીપજ્યા છે.

સેન્ટપ્લાય માખીનો ઉપદ્રવ અને નિયંત્રણ

આરોગ્ય મંત્રીએ માહિતી આપી હતી કે, જ્યાં કેસ પોઝિટિવ આવ્યા છે, ત્યાં 'સેન્ટપ્લાય' (Sandfly) નામની માખીઓ જોવા મળી છે. આ માખીઓ દ્વારા જ વાયરસનો ફેલાવો થતો હોવાનું માનવામાં આવે છે. વહીવટી તંત્ર દ્વારા આ માખીઓના નિકાલ માટે સઘન કામગીરી હાથ ધરવામાં આવી છે.

યુદ્ધના ધોરણે દવાનો છંટકાવ

વાયરસને નાથવા માટે આજે રાજ્યના ૬૧ જેટલા સ્થળો પર દવાના છંટકાવની કામગીરી પૂર્ણ કરવામાં આવી છે. મંત્રીએ આરોગ્યની ટીમોને (Health Teams) આક્રમક રીતે કામગીરી કરવા સૂચના આપી છે. જે વિસ્તારોમાં કેસ મળી આવ્યા છે, તે સ્થળો અને તેની આસપાસના તમામ વિસ્તારોમાં માખીઓનો નાશ કરવા માટે ખાસ ઝુંબેશ ચલાવવામાં આવી રહી છે.

તંત્રની સતર્કતા

આરોગ્ય વિભાગ દ્વારા શંકાસ્પદ લક્ષણો ધરાવતા દર્દીઓને તાત્કાલિક હોસ્પિટલમાં દાખલ કરવામાં આવી રહ્યા છે જેથી તેમને યોગ્ય સારવાર મળી રહે. મંત્રીએ સ્પષ્ટ કર્યું છે કે રાજ્યના તમામ સંવેદનશીલ વિસ્તારોમાં સર્વેલન્સ વધારી દેવામાં આવ્યું છે. નાગરિકોને પણ અપીલ કરવામાં આવે છે કે કોઈપણ પ્રકારના શંકાસ્પદ લક્ષણો જણાય તો તાત્કાલિક નજીકની સરકારી હોસ્પિટલમાં સંપર્ક કરવો.

 આ પણ વાંચોઃ Surat Breaking News: નાયબ મુખ્યમંત્રી હર્ષભાઈ સંઘવીનું મોટું નિવેદન, તમામ લોકોને ઘરવખરી અને કેશ ડોલ્સ આપવામાં આવશે