CM ભૂપેન્દ્રભાઈ પટેલ અમેરિકાના પ્રવાસે: વોશિંગ્ટન DC સ્થિત વિશ્વ બેંક મુખ્યાલયમાં યોજી રાઉન્ડટેબલ બેઠક

ગુજરાતનું નાણાકીય વ્યવસ્થાપન અને આર્થિક શિસ્તની પ્રશંસા

પ્રધાનમંત્રી નરેન્દ્રભાઈ મોદી (Prime Minister Narendra Modi)ના નેતૃત્વ અને વિઝનનો ઉલ્લેખ કરતાં મુખ્યમંત્રીએ જણાવ્યું હતું કે, ગુજરાતે વર્ષોથી ઉત્કૃષ્ટ નાણાકીય વ્યવસ્થાપન, કડક નાણાકીય શિસ્ત અને મજબૂત આર્થિક શાસનનો વારસો જાળવી રાખ્યો છે. વિશ્વ બેંકના અધિકારીઓ સમક્ષ ગુજરાતની ઝડપથી વિકસતી અર્થવ્યવસ્થા અને રોકાણ અનુકૂળ વાતાવરણની વિસ્તૃત રૂપરેખા રજૂ કરવામાં આવી હતી.

Advertisement

ગિફ્ટ સિટીને વૈશ્વિક ફિનટેક હબ તરીકે દર્શાવ્યું

આ ઉચ્ચસ્તરીય બેઠકમાં મુખ્યમંત્રીએ ગુજરાત ઇન્ટરનેશનલ ફાઇનાન્સ ટેક-સિટી (GIFT City)ને વિશ્વ કક્ષાના આંતરરાષ્ટ્રીય નાણાકીય સેવા કેન્દ્ર (IFSC) અને ફિનટેક હબ (Global Fintech Hub) તરીકે વિશેષ રૂપે રજૂ કર્યું હતું. તેમણે ગિફ્ટ સિટીમાં કાર્યરત આધુનિક નાણાકીય ઇકોસિસ્ટમ, ડિજિટલ બેંકિંગ, ટેક્નોલોજીકલ ઇનોવેશન અને ગ્લોબલ ઇન્વેસ્ટમેન્ટની વ્યાપક તકો અંગે વિસ્તૃત ચર્ચા કરી હતી તેમજ વૈશ્વિક નાણાકીય સંસ્થાઓને ગુજરાત સાથે જોડાવા આહવાન કર્યું હતું.

મુખ્યમંત્રી ભૂપેન્દ્રભાઇ પટેલ અમેરિકાના પ્રવાસે
વોશિગ્ટન DCમાં વિશ્વ બેંકના અધિકારીઓ સાથે કરી બેઠક
ભૂપેન્દ્રભાઇ પટેલે ગિફ્ટ સિટીને ફિનટેક હબ તરીકે દર્શાવ્યું
ગિફ્ટ સિટીમાં નાણાંકીય વ્યવસ્થાપન અંગે ચર્ચા કરી@CMOGuj @Bhupendrapbjp #Gandhinagar #GujaratCM #BhupendraPatel #USVisit… pic.twitter.com/wt6XQNvxw3

— Gujarat First (@GujaratFirst) August 20, 2026

મેગા ઇન્ફ્રાસ્ટ્રક્ચર પ્રોજેક્ટ્સ માટે વિશ્વ બેંક સાથે ભાગીદારી

બેઠક દરમિયાન ગુજરાતમાં આકાર લઈ રહેલા આગામી મેગા ઇન્ફ્રાસ્ટ્રક્ચર પ્રોજેક્ટ્સના ફાઇનાન્સિંગ અને અમલીકરણ માટે વિશ્વ બેંક સાથે વ્યૂહાત્મક સહયોગ સાધવા અંગે પણ વિચાર-વિમર્શ કરવામાં આવ્યો હતો. ગ્રીન એનર્જી, અર્બન ટ્રાન્સપોર્ટ અને ટકાઉ વિકાસ ક્ષેત્રે વિશ્વ બેંક સાથેની સંભવિત ભાગીદારી અંગે વિસ્તૃત ચર્ચાઓ થઈ હતી, જેનાથી રાજ્યના આંતરમાળખાકીય વિકાસને નવી ગતિ મળશે.

આ પણ વાંચો: ભાવનગર નકલી દારૂકાંડમાં મૃતાંક 8 પર પહોંચ્યો: 31 નાગરિકો સારવાર હેઠળ