CM Bhupendrabhai Patel : ખ્યાતનામ સંગીતકાર ગૌરાંગ વ્યાસનું અવસાન થવાથી ગુજરાતના કલા, સિનેમા અને સંગીત જગતમાં ઘેરા શોકની લાગણી છવાઈ ગઈ છે. આ અત્યંત દુઃખદ સમાચાર મળતા જ ગુજરાતના મુખ્યમંત્રી ભૂપેન્દ્રભાઈ પટેલે ઊંડો શોક વ્યક્ત કરીને દિવંગત સંગીતકારને ભાવભીની શ્રદ્ધાંજલિ પાઠવી છે.
CM Bhupendrabhai Patel : ખ્યાતનામ સંગીતકાર ગૌરાંગ વ્યાસનું અવસાન થવાથી ગુજરાતના કલા, સિનેમા અને સંગીત જગતમાં ઘેરા શોકની લાગણી છવાઈ ગઈ છે. આ અત્યંત દુઃખદ સમાચાર મળતા જ ગુજરાતના મુખ્યમંત્રી ભૂપેન્દ્રભાઈ પટેલે ઊંડો શોક વ્યક્ત કરીને દિવંગત સંગીતકારને ભાવભીની શ્રદ્ધાંજલિ પાઠવી છે.
CM ભૂપેન્દ્રભાઈ પટેલે પાઠવી શ્રદ્ધાંજલિ
મુખ્યમંત્રી ભૂપેન્દ્રભાઈ પટેલે પોતાના શોક સંદેશમાં જણાવ્યું હતું કે જાણીતા સંગીતકાર ગૌરાંગ વ્યાસનું નિધન ખૂબ જ આઘાતજનક છે. ગુજરાતી સિનેમા અને સુગમ સંગીત ક્ષેત્રે તેમનું યોગદાન હંમેશાં અમૂલ્ય અને અદભુત રહ્યું છે. આ ઉપરાંત લોકસંગીત ક્ષેત્રે તેમણે આપેલું પ્રદાન ક્યારેય ભૂલી શકાય તેમ નથી અને તેમનું આ કાર્ય સદાય સ્મરણીય રહેશે. તેમણે સંગીતના સમૃદ્ધ વારસાને ખૂબ જ નિષ્ઠાપૂર્વક આગળ ધપાવ્યો હતો. તેમની કર્ણપ્રિય સુરાવલીઓ હંમેશાં સંગીત પ્રેમીઓના હૃદયમાં અમર રહેશે અને જીવંત રહેશે.
ગુજરાતી સંગીત જગતને મોટી ખોટ
તેમના જવાથી ગુજરાતના કલા-સંગીત જગતને ક્યારેય ન પુરાય તેવી મોટી ખોટ પડી છે. મુખ્યમંત્રી ભૂપેન્દ્રભાઈ પટેલે દિવંગત આત્માની શાંતિ માટે ઈશ્વરને પ્રાર્થના કરી છે અને તેમના પરિવારજનો તથા અસંખ્ય પ્રશંસકોને આ આઘાત સહન કરવાની શક્તિ મળે તેવી સદ્ગતની આત્માર્થે કામના કરી છે. આ સંગીતકારના યોગદાનને ક્યારેય નહીં વિસરાય.
આ પણ વાંચો : Surat Accident : ઇચ્છાપોરમાં બે કન્ટેનર વચ્ચે અકસ્માત, ડ્રાઈવરનો ચમત્કારીક બચાવ
