Congress Rajya Sabha Candidates: 7 ઉમેદવારો જાહેર કર્યા, યાદીમાં ગુજરાતના એક પણ નેતાને સ્થાન નહીં

આ યાદીમાં સૌથી મોટું નામ કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે (Mallikarjun Kharge)નું છે, જેઓ કર્ણાટકથી રાજ્યસભાની ચૂંટણી લડવાના છે. તેમની સાથે કોંગ્રેસના ફાયરબ્રાન્ડ પ્રવક્તા પવન ખેરા (Pawan Khera) પણ કર્ણાટકથી જ રાજ્યસભાની ચૂંટણીના મેદાનમાં ઉતરશે.

ગુજરાતની 4 બેઠકો પર સસ્પેન્સ: ભાજપ માટે બિનહરીફ જીતનો માર્ગ મોકળો?

ગુજરાતમાં આગામી સમયમાં રાજ્યસભાની 4 બેઠકો પર ચૂંટણી યોજાવાની છે. ભાજપે અગાઉથી જ પોતાના ચારેય મજબૂત ઉમેદવારોના નામ જાહેર કરી દીધા છે, જ્યારે બીજી તરફ કોંગ્રેસે ગુજરાતમાંથી કોઈ ઉમેદવાર ઊભો ન રાખતા રાજકીય પંડિતોમાં ભારે આશ્ચર્ય જોવા મળી રહ્યું છે. ગુજરાતમાં ઉમેદવાર જાહેર ન કરવા પાછળ કોંગ્રેસની શું રણનીતિ છે અથવા તો સંખ્યાબળનો અભાવ છે, તેને લઈને રાજકીય વર્તુળોમાં ચર્ચાઓએ જોર પકડ્યું છે. જો કોંગ્રેસ ગુજરાતની આ બેઠકો પર પોતાના ઉમેદવારો જાહેર નહીં કરે, તો ભાજપ (BJP)ના તમામ ચારેય ઉમેદવારો બિનહરીફ (Unopposed) વિજેતા જાહેર થાય તેવી પૂરેપૂરી સંભાવનાઓ સેવાઈ રહી છે.

આ પણ વાંચો: BJP Rajya Sabha Candidates: એન્જિનિયર, વકીલ અને યુવા ચહેરાઓને સ્થાન, ભાજપે જ્ઞાતિના સમીકરણો સાધી ચોંકાવ્યા