Gandhinagar News: ANTF એ ગાંજાની હેરાફેરી કર્યો પર્દાફાશ, નેપાળથી બિહાર થઈને ગુજરાત સુધીનું નેટવર્ક
Gandhinagar News: ગાંધીનગર એન્ટિ-નાર્કોટિક્સ ટાસ્ક ફોર્સ (ANTF) એ ડ્રગ્સ હેરાફેરીના નેટવર્ક સામે લાલ આંખ કરી છે. રાજ્યમાં નશીલા પદાર્થોના દૂષણને રોકવા માટે ANTF દ્વારા સઘન ઓપરેશન હાથ ધરવામાં આવ્યું છે. ત્યારે ચોક્કસ બાતમી મળતા જ પોલીસે જેઠલજ ગામના સીમ વિસ્તારમાં વોચ ગોઠવી હતી અને ગાંજાની હેરાફેરી કરતા નેટવર્કનો પર્દાફાશ કર્યો છે.
3 શખ્સની ધરપકડ
ઓપરેશન દરમિયાન પોલીસે ત્રણ શખ્સોને ગાંજાના જથ્થા સાથે રંગેહાથ ઝડપી લીધા હતા. તપાસ કરતા તેમની પાસેથી 4.6 કિલોગ્રામ શુદ્ધ ગાંજો મળી આવ્યો હતો. પોલીસે તરત જ આ મુદ્દામાલ જપ્ત કરી ત્રણેય આરોપીઓની ધરપકડ કરી છે. આ કાર્યવાહી સ્થાનિક પોલીસ માટે ડ્રગ્સ માફિયાઓ સામેની એક મોટી સફળતા માનવામાં આવે છે.
નેપાળથી બિહાર થઈને ગુજરાત સુધીનું નેટવર્ક
આરોપીઓની પ્રાથમિક પૂછપરછમાં ગાંજા સપ્લાયના ચોંકાવનારા રૂટની માહિતી સામે આવી છે. આ ગાંજો મૂળભૂત રીતે નેપાળથી લાવવામાં આવ્યો હતો અને બિહાર થઈને ગુજરાતના અલગ-અલગ શહેરોમાં સપ્લાય કરવાનો તેમનો ઈરાદો હતો.
આગળની તપાસ હાથ ધરાઈ
હાલમાં ANTF ની ટીમ ત્રણેય આરોપીઓની સઘન પૂછપરછ કરી રહી છે. આ ગાંજો કોને આપવાનો હતો અને આ નેટવર્કમાં અન્ય કેટલા લોકો સામેલ છે તે જાણવા માટે પોલીસ તપાસના ચક્રો ગતિમાન કર્યા છે.
આ પણ વાંચોઃ Bharuch News: મહિલાઓના વાળ ખરીદવાની આડમાં લાખોની ચોરી, 6 ઘરફોડ ચોરીના ગુનામાં 2 તસ્કરો ઝડપાયા