Gandhinagar: DyCM હર્ષભાઈ સંઘવીની કોમનવેલ્થ અને ઓલિમ્પિકના આયોજનને લઈને મહત્વની બેઠક

નાયબ મુખ્યમંત્રીની અધ્યક્ષતામાં સમીક્ષા બેઠક

ગાંધીનગર ખાતે યોજાયેલી બેઠકમાં નાયબ મુખ્યમંત્રી હર્ષભાઈ સંઘવી ઉપરાંત યુવક અને સાંસ્કૃતિક બાબતોના મંત્રી જયરામ ગામીત પણ ઉપસ્થિત રહ્યા હતા. આ ઉપરાંત શહેરી વિકાસ, રમતગમત, યુવા અને સાંસ્કૃતિક બાબતો સહિતના સંબંધિત વિભાગોના ઉચ્ચ અધિકારીઓ પણ બેઠકમાં હાજર રહ્યા હતા. વિવિધ વિભાગો દ્વારા અત્યાર સુધી કરવામાં આવેલી કામગીરી અને આગામી આયોજન અંગે અધિકારીઓ પાસેથી માહિતી મેળવવામાં આવી હતી.

Meeting chaired by DyCM Harshbhai Sanghavi regarding the organization of Commonwealth and Olympics in Gandhinagar

Gandhinagar : કોમનવેલ્થ અને ઓલિમ્પિકના આયોજનને લઈ DyCM Harshbhai Sanghavi ની અધ્યક્ષતામાં બેઠક | Gujarat First

ગાંધીનગરમાં DyCM હર્ષભાઈ સંઘવીની અધ્યક્ષતામાં બેઠક… pic.twitter.com/QfchAS72D3

— Gujarat First (@GujaratFirst) August 19, 2026

દિલ્હી મુલાકાત બાદ મહત્વની બેઠક

મહત્વનું છે કે નાયબ મુખ્યમંત્રી હર્ષભાઈ સંઘવીની ગઈકાલની દિલ્હી મુલાકાત બાદ આજે ગાંધીનગરમાં આ મહત્વપૂર્ણ સમીક્ષા બેઠક યોજવામાં આવી છે. બેઠકમાં આંતરરાષ્ટ્રીય કક્ષાની રમતગમતની સ્પર્ધાઓનું આયોજન કરવા માટે જરૂરી માળખાકીય સુવિધાઓ, વિવિધ વિભાગો વચ્ચે સંકલન અને અન્ય તૈયારીઓ અંગે ચર્ચા કરવામાં આવી હોવાનું સામે આવ્યું છે.

2030 માં કોમનવેલ્થ અને 2036માં ઓલિમ્પિકનું આયોજન

ગુજરાત માટે આગામી વર્ષોમાં કોમનવેલ્થ અને ઓલિમ્પિક જેવી વૈશ્વિક કક્ષાની રમતગમત સ્પર્ધાઓનું આયોજન મહત્વપૂર્ણ ગણાઈ રહ્યું છે. વર્ષ 2030 માં કોમનવેલ્થ ગેમ્સ અને વર્ષ 2036 માં ઓલિમ્પિક ગેમ્સના આયોજનને લઈને રાજ્ય સરકાર તરફથી તૈયારીઓ પર ભાર મૂકવામાં આવી રહ્યો છે. આ પ્રકારના મોટા આંતરરાષ્ટ્રીય રમતોત્સવોના આયોજન માટે રમતગમત ક્ષેત્રની સાથે શહેરી વિકાસ, યુવા અને સાંસ્કૃતિક વિભાગ સહિત અનેક સરકારી વિભાગોની ભૂમિકા મહત્વપૂર્ણ રહેશે. તેથી વિવિધ વિભાગો વચ્ચે સંકલન સાથે આયોજન આગળ વધારવા માટે સમીક્ષા બેઠકો યોજાઈ રહી છે. આગામી સમયમાં આયોજનને લઈને વધુ મહત્વપૂર્ણ નિર્ણયો અને તૈયારીઓની વિગતો સામે આવી શકે છે.

આ પણ વાંચોઃ DyCM Delhi visit: નાયબ મુખ્યમંત્રી હર્ષભાઈ સંઘવી ફરી દિલ્હીમાં, 10 દિવસમાં ત્રીજી મુલાકાત