Gandhinagar Independence Day: "દેશની આઝાદી માટે ઘણાના લોહી રેડાયા" પ્રદેશ પ્રમુખ જગદીશભાઈ વિશ્વકર્માએ દેશના વીરોને કર્યા યાદ

Gandhinagar  કમલમ ખાતે ઉજવણીની બદલાયેલી પદ્ધતિ અને વિશેષ કાર્યક્રમો

આ વર્ષે કમલમ ખાતે ધ્વજવંદન માટેના કાર્યક્રમનું સ્થળ પણ બદલવામાં આવ્યું હતું. એટલું જ નહીં, માત્ર ધ્વજારોહણ પૂરતી મર્યાદિત રહેવાને બદલે ઉજવણીના સમગ્ર સ્વરૂપમાં નવા અનેક પ્રોગ્રામો ઉમેરવામાં આવ્યા હતા. પરંપરાગત કાર્યક્રમોથી આગળ વધીને પ્રદેશ પ્રમુખના વિશેષ સંબોધન ઉપરાંત એક મુખ્ય મહેમાન તરીકે આમંત્રિત વિશેષ તજજ્ઞ દ્વારા દેશની સુરક્ષા અને નક્સલવાદ જેવા ગંભીર તથા મહત્ત્વના વિષય પર પ્રેરણાદાયી ભાષણ પણ રાખવામાં આવ્યું હતું. આ અનોખા આયોજનમાં ભાજપના અગ્રણી નેતાઓ અને મોટી સંખ્યામાં કાર્યકરો ઉત્સાહભેર ઉપસ્થિત રહ્યા હતા.

Gandhinagar Kamalam Independence Day 2026: BJP Gujarat Celebrates 80th Independence Day

Gandhinagar Kamalam Independence Day 2026: ગાંધીનગરના કોબામાં કમલમ ખાતે ભાજપે કરી ઉજવણી
કોબામાં ભાજપના કાર્યાલય ખાતે સ્વતંત્ર પર્વની ઉજવણી
પ્રદેશ ભાજપ પ્રમુખ જગદીશ વિશ્વકર્માએ કર્યુ ધ્વજવંદન… pic.twitter.com/41kOL99znv

— Gujarat First (@GujaratFirst) August 15, 2026

પ્રદેશ પ્રમુખ જગદીશભાઈ વિશ્વકર્માનું સંબોધન

ધ્વજવંદન બાદ ઉપસ્થિત સૌને સંબોધતા પ્રદેશ ભાજપ પ્રમુખ જગદીશ વિશ્વકર્માએ જણાવ્યું હતું કે, સૌ ભારતીયોને સ્વાતંત્ર્ય પર્વની હાર્દિક શુભેચ્છાઓ પાઠવું છું. દેશને આઝાદ કરવા માટે પોતાના પ્રાણની આહુતિ આપનારા તમામ લડવૈયાઓને હું શત શત સલામ કરું છું તેમજ દેશની સરહદોની રક્ષા કરતા વીર જવાનોને વિશેષ પ્રણામ કરું છું. તેમણે ઉમેર્યું હતું કે, આપણને મળેલી આ આઝાદી કોઈ એક દિવસમાં મળી નથી, પરંતુ તેના માટે અનેક દેશભક્તોનું લોહી રેડાયું છે. વિશ્વભરમાં ભારત એકમાત્ર એવો અદ્ભુત દેશ છે જેને આદરપૂર્વક 'ભારત માતા' તરીકે સંબોધવામાં આવે છે અને પૂજવામાં આવે છે.

આ પણ વાંચો: Independence Day: Vadodara માં સ્વાતંત્ર્ય પર્વની ઉજવણી, હર્ષભાઈ સંઘવીએ કર્યું ધ્વજારોહણ