ગાંધીનગરમાં મોટી દુર્ઘટના: કુડાસણમાં મહાકાય ક્રેન તૂટી પડી, 10-15 શ્રમિકો દટાયાની આશંકા, હર્ષભાઈ સંઘવી ઘટનાસ્થળે

10 થી 15 શ્રમિકો કાટમાળ નીચે દબાયાની આશંકા

પ્રાથમિક અહેવાલો અનુસાર, જે સમયે ક્રેન તૂટી અને સ્લેબ પટકાયો ત્યારે નીચે ગ્રાઉન્ડ લેવલ તેમજ આસપાસના ભાગમાં અનેક શ્રમિકો કામ કરી રહ્યા હતા. આ અણધારી આપત્તિમાં આશરે 10 થી 15 જેટલા શ્રમિકો સિમેન્ટ, કોંક્રિટ અને લોખંડના કાટમાળ નીચે દબાઈ ગયા હોવાની આશંકા વ્યક્ત કરવામાં આવી રહી છે. ધડાકાભેર સ્લેબ તૂટી પડતાં સમગ્ર સાઇટ પર ધૂળની ડમરીઓ ઊડી હતી અને અફરાતફરી સાથે ચીસાચીસ મચી ગઈ હતી.

Advertisement

ગાંધીનગરના કુડાસણમાં નિર્માણાધીન બિલ્ડિંગની સાઇટ પર દુર્ઘટના
કન્સ્ટ્રક્શન સાઈટ પર અચાનક મહાકાય ક્રેન ધડાકાભેર નીચે પટકાઈ
નીચે કામ કરી રહેલા 10-15 જેટલા શ્રમિકો દબાયા હોવાની આશંકા
ઘટનાની જાણ થતાં પોલીસ અને ફાયર બ્રિગેડની 4 ગાડીઓ ઘટનાસ્થળે
દબાયેલા લોકોને બહાર કાઢવા માટે યુદ્ધના… pic.twitter.com/u35AqrWD7w

— Gujarat First (@GujaratFirst) September 9, 2026

પોલીસ અને ફાયર બ્રિગેડ દ્વારા યુદ્ધના ધોરણે બચાવ કામગીરી

દુર્ઘટનાની જાણ થતાં જ સ્થાનિક પોલીસ કાફલો અને ફાયર બ્રિગેડની 4 ગાડીઓ સાયરન વગાડતી તાત્કાલિક ઘટનાસ્થળે દોડી આવી હતી. કાટમાળ નીચે ફસાયેલા લોકોને સુરક્ષિત બહાર કાઢવા માટે રેસ્ક્યુ ટીમો (Rescue Teams) દ્વારા યુદ્ધના ધોરણે ઓપરેશન હાથ ધરવામાં આવ્યું છે. ભારે કોંક્રિટ સ્લેબ અને લોખંડના સળિયા હટાવવા માટે વધારાની હાઇડ્રોલિક ક્રેનની મદદ લેવામાં આવી રહી છે. ઈજાગ્રસ્તોને ત્વરિત પ્રાથમિક ઉપચાર મળી રહે તે માટે એમ્બ્યુલન્સ (Ambulance) ની ટુકડીઓ પણ સાઇટ પર સ્ટેન્ડબાય રાખવામાં આવી છે.

Gandhinagar Kudasan Crane Accident: Gandhinagar ના કુડાસણમાં નિર્માણાધીન બિલ્ડિંગની સાઇટ પર દુર્ઘટના | Gujarat First

નાયબ મુખ્યમંત્રી હર્ષભાઈ સંઘવી ઘટનાસ્થળે પહોંચ્યા
કાટમાળ હટાવવા માટે ક્રેનની મદદ લેવામાં આવી
શ્રમિકોને બહાર કાઢવા રેસ્ક્યુ ટીમો દ્વારા કામગીરી તેજ કરાઈ… pic.twitter.com/lBUgFTpo1F

— Gujarat First (@GujaratFirst) September 9, 2026

નાયબ મુખ્યમંત્રી અને આરોગ્યમંત્રી તાબડતોબ ઘટનાસ્થળે પહોંચ્યા

આ ગંભીર હોનારતની માહિતી મળતાં જ નાયબ મુખ્યમંત્રી હર્ષભાઈ સંઘવી (Harsh Sanghavi) તેમજ આરોગ્યમંત્રી પ્રફૂલભાઈ પાનસેરિયા (Praful Pansheriya) તાત્કાલિક અસરથી કુડાસણ ખાતે ઘટનાસ્થળે પહોંચી ગયા હતા. બંને મંત્રીઓએ સ્થળ પર હાજર રહીને સમગ્ર બચાવ કામગીરીની જાતમાહિતી મેળવી હતી અને વહીવટી તંત્રને કાટમાળ નીચે ફસાયેલા તમામ લોકોને પ્રાથમિકતાના ધોરણે સુરક્ષિત બહાર કાઢવા કડક આદેશ આપ્યા હતા.

ઈજાગ્રસ્તો ગાંધીનગર સિવિલ હોસ્પિટલ ખસેડાયા, સત્તાવાર તપાસની ખાતરી

રેસ્ક્યુ ઓપરેશન દરમિયાન કાટમાળમાંથી બહાર કઢાયેલા કેટલાક ઈજાગ્રસ્ત શ્રમિકોને તાત્કાલિક સારવાર અર્થે ગાંધીનગર સિવિલ હોસ્પિટલ ખાતે ખસેડવામાં આવ્યા છે, જ્યાં તબીબોની વિશેષ ટીમ તૈનાત કરવામાં આવી છે. આ ગંભીર દુર્ઘટના કઈ ક્ષતિના કારણે બની અને તેમાં કોની બેદરકારી હતી તે અંગે વહીવટી તંત્ર દ્વારા સ્પષ્ટતા કરવામાં આવી છે કે સમગ્ર બનાવની ઊંડાણપૂર્વકની સત્તાવાર તપાસ બાદ જ સાચી હકીકત અને જવાબદારી નક્કી કરવામાં આવશે.