Gandhinagar NEWS : સંજીવની સમાન 108 અને 112 :ગુજરાતની અજેય ઇમરજન્સી સેવાઓની 19 વર્ષની યાત્રા

Gandhinagar NEWS :  કોઈપણ રાજ્ય અથવા રાષ્ટ્રની પ્રગતિનો સાચો માપદંડ તેના નાગરિકોની સુરક્ષા, સ્વાસ્થ્ય અને આપાતકાલીન સ્થિતિમાં મળતી ત્વરિત સહાય પર આધારિત છે. વડાપ્રધાન  નરેન્દ્રભાઈ મોદી(PM Narendra Modi)ના દુરંદેશી વિઝનથી શરૂ થયેલી '108 ઈમરજન્સી મેડિકલ સર્વિસ' આજે ગુજરાતના નાગરિકો માટે માત્ર એક એમ્બ્યુલન્સ સેવા નહીં, પરંતુ સંકટ સમયની સાચી 'જીવાદોરી' સાબિત થઈ છે. અવિરત અને ઉત્કૃષ્ટ સેવાની 19 વર્ષની સફળ યાત્રા પૂર્ણ કરીને આ સેવા હવે 20 મા વર્ષમાં મંગળ પ્રવેશ કરી ચૂકી છે.

Gandhinagar NEWS : 19 વર્ષની ગૌરવવંતી સફર અને અદભુત આંકડાકીય સિદ્ધિઓ

તા. 29 ઓગસ્ટ 2007ના રોજ રોપાયેલો આ નાનો છોડ આજે વિશાળ વટવૃક્ષ બની ચૂક્યો છે. આપત્તિગ્રસ્ત અને આપાતકાલીન સ્થિતિ( Emergency)માં કોઈપણ સમયે અને કોઈપણ સ્થળે નાગરિકો માટે આશીર્વાદરૂપ બનેલી 108 સેવા દ્વારા અત્યાર સુધીમાં અભૂતપૂર્વ સિદ્ધિઓ હાંસલ કરવામાં આવી છે:

• 19.96 Crore+ (૧૯.૯૬ કરોડથી વધુ) નાગરિકોને આપાતકાલીન સમયે મદદ પહોંચાડાઈ છે.

• 19.66 Lakh+ (૧૯.૬૬ લાખથી વધુ) ગંભીર સ્થિતિમાં મુકાયેલી અમૂલ્ય માનવ જિંદગીઓ બચાવાઈ છે.

• કુલ કેસોમાં 19,642,000+ મેડિકલ ઇમરજન્સી કેસો, 255,000+ પોલીસ સંબંધી કેસો અને 8,300+ ફાયર સંબંધિત ઘટનાઓમાં સમયસર મદદ કરવામાં આવી છે.

• એમ્બ્યુલન્સ-Ambulance વાહનો દ્વારા 620 Million+ (૬૨ કરોડથી વધુ) કિલોમીટરનું સફળ સંચાલન કરવામાં આવ્યું છે.

માતા અને બાળ સુરક્ષા તેમજ વિશેષ મેડિકલ સેવામાં યોગદાન

ગુજરાતમાં માતા અને બાળ મૃત્યુદર ઘટાડવામાં ૧૦૮ સેવાનો સિંહફાળો રહ્યો છે.

• ૧૯ વર્ષના સમયગાળા દરમિયાન 6,297,000+ (૬૨.૯૭ લાખથી વધુ) ગર્ભાવસ્થા અને પ્રસૂતિ સંબંધિત કેસોમાં કટોકટીના સમયે મદદ પહોંચાડાઈ છે.

• એમ્બ્યુલન્સના તાલીમબદ્ધ સ્ટાફ દ્વારા ઘટનાસ્થળે કે રસ્તામાં 164,715+ પ્રસૂતિઓ સફળતાપૂર્વક કરાવવામાં આવી છે.

• આ ઉપરાંત 2,418,000+ માર્ગ અકસ્માતના કેસો, 1,177,000+ શ્વાસ સંબંધિત ગંભીર કેસો અને 987,000+ હૃદયરોગના હુમલા સંબંધી કેસોમાં દર્દીઓને 'ગોલ્ડન અવર' (Golden hour)માં હોસ્પિટલ પહોંચાડી પ્રી-હોસ્પિટલ કેર પૂરી પાડવામાં આવી છે.

• રાજ્ય સરકારે GUJSAIL અને GVK EMRI ના સંકલનમાં ભારતભરમાં પ્રથમ વખત સંકલિત એર એમ્બ્યુલન્સ સેવા તથા પોરબંદર અને ઓખા ખાતે વિશેષ બોટ એમ્બ્યુલન્સ સેવા શરૂ કરી છે.

• દરરોજ સરેરાશ 4,780 દર્દીઓને હોસ્પિટલ પહોંચાડતી આ નિઃશુલ્ક સેવા આજે રાજ્યના દરેક છેવાડાના નાગરિક માટે આશીર્વાદરૂપ છે.

'112' ઇમરજન્સી સેવાનું સફળ પ્રથમ વર્ષ

રાજ્યમાં કોઈપણ આપાતકાલીન પરિસ્થિતિમાં નાગરિકોને તાત્કાલિક મદદ મળી રહે તે માટે કેન્દ્રીય ગૃહમંત્રી શ્રી અમિત શાહના હસ્તે શરૂ થયેલી એકીકૃત ઇમરજન્સી હેલ્પલાઇન ‘૧૧૨’ની સેવાને સફળતાપૂર્વક એક વર્ષ પૂર્ણ થયું છે.

• આ એક વર્ષના સમયગાળા દરમિયાન '૧૧૨' હેલ્પલાઇન દ્વારા 1,000,000+ (૧૦ લાખથી વધુ) ઇમરજન્સી કોલ્સ એટેન્ડ કરવામાં આવ્યા છે.

• કંટ્રોલ રૂમ દ્વારા પ્રતિ મિનિટ સરેરાશ 10 કોલ એટેન્ડ કરીને ગણતરીની મિનિટોમાં પોલીસ કે સંબંધિત મદદ પહોંચાડવામાં આવી છે.

24 કલાક અને 365  દિવસ રજા વગર કામ કરતા આ બંને સેવાઓના કોલ સેન્ટર એજન્ટ્સ, એમ્બ્યુલન્સ સ્ટાફ, ડ્રાઇવરો અને પોલીસ કર્મચારીઓ ગુજરાતના સાચા અને અદ્રશ્ય 'હીરો' છે.

108 અને 112 જેવી અત્યાધુનિક ઇમરજન્સી સેવાઓ માત્ર ટેકનોલોજી કે વાહનોનું નેટવર્ક નથી, પરંતુ તે ગુજરાત સરકારની સંવેદનશીલતા, અદ્યતન આયોજન અને પ્રજા કલ્યાણની ભાવનાનું ઉત્તમ પ્રતીક છે. આ સેવાઓએ સાબિત કરી દીધું છે કે જ્યારે ઉત્તમ નેતૃત્વ અને પ્રજાકીય સેવાભાવ એકસાથે મળે, ત્યારે કરોડો નાગરિકોના જીવનમાં સુરક્ષા અને સમૃદ્ધિનો નવો પ્રકાશ રેડાય છે. ગુજરાતની આ 'જીવાદોરી' સદાય નાગરિકોના રક્ષણ માટે અગ્રેસર રહેશે.

આ પણ વાંચો : Gandhinagar NEWS : સ્વાસ્થ્ય સાથે ચેડાં નહીં ચાલે! ગુજરાતમાં નકલી દવાઓ અને ભેળસેળ સામે સરકારની મોટી કાર્યવાહી