Gandhinagar NEWS : માટીથી મશરૂ સુધી કમાલ: 15 શિલ્પીઓને રાજ્ય કક્ષાનો તાજ!
ગુજરાત સરકાર દ્વારા હાથશાળ-હસ્તકલા પુરસ્કાર 2025 ની જાહેરાત. પટોળા, ભરતકામ અને રોગાન આર્ટ ક્ષેત્રના ઉત્કૃષ્ટ 15 કારીગરોને અપાશે એવોર્ડ. જુઓ વિજેતાઓનું લિસ્ટ.
Advertisement
Gandhinagar NEWS : ગુજરાત સરકાર દ્વારા હાથશાળ-હસ્તકલા પુરસ્કાર 2025 ની જાહેરાત. પટોળા, ભરતકામ અને રોગાન આર્ટ ક્ષેત્રના ઉત્કૃષ્ટ 15 કારીગરોને અપાશે એવોર્ડ. જુઓ વિજેતાઓનું લિસ્ટ.
Gandhinagar NEWS : ગુજરાતની ભાતીગળ સંસ્કૃતિ અને પરંપરાગત હસ્તકળા સદીઓથી વિશ્વભરમાં રાજ્યની આગવી ઓળખ રહી છે. આ અમૂલ્ય વારસાને આધુનિક સમયમાં પણ ધબકતો રાખનારા કારીગરોની મહેનત અને સર્જનાત્મકતાને બિરદાવવા માટે રાજ્ય સરકારની ‘કુટીર અને ગ્રામોદ્યોગ નીતિ-2016’ (Cottage and Village Industries Policy-2016)હેઠળ વર્ષ 2025ના ‘હાથશાળ-હસ્તકલા પુરસ્કારો’ની જાહેરાત કરવામાં આવી છે.
આ સન્માન માત્ર કલાકારોની કુશળતાની કદર નથી, પરંતુ સ્થાનિક ગ્રામીણ અર્થતંત્ર, મહિલા સ્વાવલંબન અને લુપ્ત થતી કળાઓના સંરક્ષણ તરફનું એક આશાસ્પદ પગલું છે. રાજ્ય કક્ષાની પસંદગી સમિતિ દ્વારા ટેક્ષ્ટાઈલ, ભરતકામ, કાષ્ઠકળા અને રોગાન આર્ટ જેવા વૈવિધ્યસભર ક્ષેત્રોમાંથી કુલ 15 તેજસ્વી કારીગરોની પસંદગી કરવામાં આવી છે.
Gandhinagar NEWS : રાજ્ય કક્ષાના પુરસ્કાર વિજેતાઓ (11 એવોર્ડ)
| ક્રમ | કેટેગરી / ક્ષેત્ર | વિજેતાનું નામ | જિલ્લો | કળા / કૃતિનું નામ |
| ૧ | ટેક્ષ્ટાઈલ (પ્રથમ) | સુનીલ દિનેશ મંગરિયા | કચ્છ | હાથવણાટ ક્રાફ્ટ/Handicraft (સ્ટોલ) |
| ૨ | ટેક્ષ્ટાઈલ (દ્વિતીય) | સુનીલકુમાર વીરૂપ્રસાદ સોની | પાટણ | ડબલ ઇક્કત પટોળા ક્રાફ્ટ/Double Ikkat Patola Craft (દુપટ્ટો) |
| ૩ | ભરતકામ (પ્રથમ) | આનંદબા જેસુભા ચૌહાણ | બનાસકાંઠા | એપ્લીકવર્ક ક્રાફ્ટ (વોલપીસ) |
| ૪ | ભરતકામ Embroidery(દ્વિતીય) | પ્રિયા મંગલ સંજોટ | કચ્છ | કચ્છી એમ્બ્રોઇડરી ક્રાફ્ટ (Wall piece-વોલપીસ) |
| ૫ | મોતી/ચર્મ/અર્થન/વુડ/મેટલ (પ્રથમ) | પુજા નવીનભાઈ ચૌહાણ | કચ્છ | મડમીરર વર્ક ('સર્જન ધ ક્રીએશન') |
| ૬ | મોતી/ચર્મ/અર્થન/વુડ/મેટલ (દ્વિતીય) | કોમલબેન મનીષભાઈ દીયોરા | ભાવનગર | બીડવર્ક ક્રાફ્ટ ('મારૂ ગામ') |
| ૭ | અન્ય ક્રાફ્ટ (પ્રથમ) | અશોકભાઇ કંચનભાઈ ચિતારા | અમદાવાદ | કલમકારી ક્રાફ્ટ ('માતાની પછેડી પાવાની દેવી') |
| ૮ | અન્ય ક્રાફ્ટ (દ્વિતીય) | મુકેશભાઇ શંકરભાઇ પંડયા | અમદાવાદ | પેપરમશી ક્રાફ્ટ ('સીદી સૈયદની જાળી') |
| ૯ | મહિલા કેટેગરી (વિશેષ) | પુજા શંકર ધોરીયા | કચ્છ | મશરૂ વણાટ ક્રાફ્ટ (સ્ટોલ) |
| ૧૦ | યુવા કારીગર કેટેગરી (વિશેષ) | વિજય જેમલ મારવાડા | કચ્છ | લુડીયા વુડ કાર્વિગ ('હાથકોતરણી ઝરૂખો') |
| ૧૧ | લુપ્ત થતી કલા કેટેગરી (વિશેષ) | જીતેન્દ્ર મગનભાઇ ધૈયડા | કચ્છ | ટાંગલીયા ક્રાફ્ટ ('કચ્છી ટાંગલીયા શાલ') |
ઝોન વાઇઝ પુરસ્કાર વિજેતાઓ (4 એવોર્ડ)
| ઝોન | વિજેતાનું નામ | જિલ્લો | કળા / કૃતિનું નામ |
| ઉત્તર ઝોન | ચંદ્રાબેન સગાળાભાઈ ડોહટ | બનાસકાંઠા | સુફ ભરત ક્રાફ્ટ ('સુફ ભરત શર્ટ') |
| મધ્ય ઝોન | રોહન જયંતીભાઇ ચિતારા | અમદાવાદ | કલમકારી ક્રાફ્ટ ('માતાની પછેડી દેવીના અવતાર') |
| કચ્છ-સૌરાષ્ટ્ર ઝોન | અબ્દુલહમીદ આરબ ખત્રી | કચ્છ | રોગાન આર્ટ ક્રાફ્ટ ('ટ્રી ઓફ લાઇફ') |
| દક્ષિણ ઝોન | અલકાબેન ચીનુભાઇ પરમાર | સુરત | એમ્બ્રોઇડરી-જરી જરદોશી ('આરીભરત વોલપીસ') |
આ પુરસ્કારો રાજ્યની પારંપરિક વિરાસતને નવી પેઢી સાથે જોડતો એક મજબૂત સેતુ સાબિત થશે. યુવા અને મહિલા કારીગરોની નોંધપાત્ર ઉપસ્થિતિ એ વાતની પ્રતીતિ કરાવે છે કે આપણી પ્રાચીન હસ્તકળાઓ લુપ્ત થવાને બદલે નવી ઊર્જા સાથે આગળ વધી રહી છે. માતાની પછેડી, પાટણના પટોળા, રોગાન આર્ટ અને ટાંગલીયા વણાટ જેવી કળાઓને મળેલું આ સન્માન ‘વોકલ ફોર લોકલ’(Vocal for Local )ના સંકલ્પને વેગ આપશે અને સ્થાનિક કારીગરોને આત્મનિર્ભર બનાવી ગુજરાતની ઓળખને વૈશ્વિક બજારમાં વધુ ઊંચાઈ પર લઈ જશે.