Gandhinagar NEWS : 5 વર્ષનો રિપોર્ટ કાર્ડ: આંકડા જે માફિયાઓની ઊંઘ હરામ કરે છે
રાજ્યના પોલીસ વડા (DGP) જી. એસ. મલિકના જણાવ્યા અનુસાર, છેલ્લા પાંચ વર્ષમાં ગુજરાતે આંતરરાષ્ટ્રીય સ્મગલિંગ નેટવર્કને વેરવિખેર કરી નાખ્યું છે.
1.જંગી જપ્તી: કુલ રૂ. 13600 કરોડથી વધુ કિંમતનો 1.36 લાખ કિલોગ્રામ ડ્રગ્સનો જથ્થો જપ્ત.
2.ગુનેગારો જેલહવાલે: ૩,૭૦૦થી વધુ ગુના નોંધીને કુલ ૫,૩૪૬ આરોપીઓને જેલના સળિયા પાછળ ધકેલ્યા.
3.પોલીસની વધતી સક્રિયતા: વર્ષ ૨૦૨૦માં નાર્કોટિક્સના ૩૧૫ કેસ નોંધાયા હતા, જ્યારે ચાલુ વર્ષે માત્ર પાંચ જ મહિનામાં ૫૮૪ કેસ નોંધાયા છે. આ વધારો ડ્રગ્સના વધતા વ્યાપનો નહીં, પરંતુ પોલીસની સર્વેલન્સ અને રેડ કરવાની આક્રમક ક્ષમતાનો પુરાવો છે.
પ્રોત્સાહન અને પ્રહાર: ગુજરાતની ડબલ-એન્જિન વ્યૂહરચના
કોઈપણ યુદ્ધ સૈનિકોના જુસ્સા વિના જીતી શકાતું નથી. આ લડાઈમાં ગુજરાત દેશે બે ક્રાંતિકારી નીતિઓ અમલી બનાવીને સમગ્ર દેશને રસ્તો બતાવ્યો છે:
ડ્રગ રિવોર્ડ પોલિસી: ડ્રગ્સના મોટા નેટવર્કનો પર્દાફાશ કરનારા પોલીસ અધિકારીઓ, કર્મચારીઓ અને સચોટ બાતમી આપનાર સામાન્ય નાગરિકોને આર્થિક પ્રોત્સાહન આપનાર ગુજરાત દેશનું પ્રથમ રાજ્ય બન્યું છે.
આઉટ-ઓફ-ટર્ન પ્રમોશન: જીવના જોખમે આંતરરાષ્ટ્રીય ડ્રગ રેકેટ ખુલ્લા પાડનાર પોલીસકર્મીઓને પરંપરાગત મર્યાદાઓથી ઉપર ઉઠીને સીધું પ્રમોશન આપવાની ઐતિહાસિક નીતિ અમલમાં મુકાઈ છે.
આધુનિક માફિયાઓ સામે હાઈટેક હથિયાર: 'NARIT' સોફ્ટવેર
આજના ડ્રગ માફિયાઓ ડાર્ક વેબ અને ક્રિપ્ટોકરન્સીનો ઉપયોગ કરે છે, ત્યારે તેમની સામે જીતવા માટે ગુજરાત પોલીસે આર્ટિફિશિયલ ઇન્ટેલિજન્સ (AI) આધારિત દેશનું પ્રથમ ‘NARIT’ સોફ્ટવેર વિકસાવ્યું છે.
ટૂ બોટમ એપ્રોચ: આ સોફ્ટવેર સેકન્ડોમાં ગુનેગારોના ભૂતકાળના રેકોર્ડ્સ, આંતરરાષ્ટ્રીય કનેક્શન્સ અને નાણાકીય વ્યવહારો સ્કેન કરી ઇન્ટેલિજન્સ ડેટાબેઝ તૈયાર કરે છે.
કન્વિક્શન રેટમાં વધારો: NDPS એક્ટ હેઠળ સાયન્ટિફિક પુરાવાઓનું વિશ્લેષણ કરી ગુનેગારોને કોર્ટમાં કડકમાં કડક સજા અપાવવામાં આ સોફ્ટવેર ગેમ-ચેન્જર સાબિત થઈ રહ્યું છે.
વ્યુહાત્મક એક્શન પ્લાન: છેવાડાના ગામડાથી લઈને આંતરરાષ્ટ્રીય બોર્ડર સુધી
ગુજરાત પોલીસે ડ્રગ્સના સપ્લાય ચેઈનને કાપવા ત્રિ-સ્તરીય વ્યુહરચના અપનાવી છે:
ANTF ની સ્થાપના: આંતરરાષ્ટ્રીય સ્મગલિંગ રોકવા ખાસ 'એન્ટી નાર્કોટિક્સ ટાસ્ક ફોર્સ' કાર્યરત.
સ્થાનિક પોલીસને સત્તા: હવે માત્ર SOG કે ATS જ નહીં, પરંતુ સ્થાનિક પોલીસ સ્ટેશનો પણ નાર્કોટિક્સના કેસો નોંધીને સીધી તપાસ કરી રહ્યા છે.
માઇક્રો-લેવલ સેલ: ગ્રામ્ય અને શહેરી વિસ્તારોમાં નશાનો વ્યાપ રોકવા દરેક જિલ્લામાં ડેડિકેટેડ એન્ટી-નાર્કોટિક્સ સેલની રચના કરાઈ છે.
કડકાઈ સાથે કરુણા: સરકારનો માનવીય અભિગમ
ગૃહ રાજ્યમંત્રી હર્ષ સંઘવી સ્પષ્ટપણે માને છે કે, "આ લડાઈ માત્ર ગુનેગારોને પકડવા પૂરતી સીમિત નથી, પરંતુ નશાના દલદલમાં ધકેલાઈ ગયેલા રાજ્યના યુવાધનને સુરક્ષિત બહાર કાઢવાની પણ છે."
ગુનેગારો સામે વજ્ર જેવી કડક દેખાતી સરકાર નશાના ભોગ બનેલા યુવાનો માટે અત્યંત સંવેદનશીલ છે. રાજ્યમાં વ્યસનમુક્તિ કેન્દ્રોને વધુ આધુનિક બનાવાયા છે અને યુવાનો ફરીથી સમાજની મુખ્ય ધારામાં સન્માનભેર જોડાઈ શકે તે માટે તેમને ઉચ્ચ કક્ષાનું કાઉન્સિલિંગ અને તબીબી સારવાર પૂરી પાડવામાં આવી રહી છે.
આંતરરાષ્ટ્રીય ડ્રગ વિરોધી દિવસના અવસરે, ગુજરાત પોલીસની આક્રમક નીતિઓ, ટેકનોલોજીનો ઉપયોગ અને સરકારની સંવેદનશીલતા અન્ય રાજ્યો માટે એક 'રોલ મોડેલ' બની ગઈ છે. ડ્રગ માફિયાઓ ગુજરાતના માર્ગે પોતાનો માલ લઈ જતા આજે ધ્રૂજી રહ્યા છે, જે દર્શાવે છે કે ગુજરાત ‘ડ્રગ-ફ્રી સ્ટેટ’ બનવાની દિશામાં અવિરત આગળ વધી રહ્યું છે.
આ પણ વાંચો : Vande Bharatam: ગ્રામ્ય પ્રતિભાઓને મળશે વૈશ્વિક મંચ, ગૌતમભાઈ અદાણીની વંદે ભારતમ પહેલ
