Gandhinagar News: શાળાના કેમ્પસમાંથી વૃક્ષ સાથે લટકતો યુવકનો મૃતદેહ મળ્યો

યુવક મૂળ મહેસાણા જિલ્લાનો વતની

મૃતક યુવકની ઓળખ મહેસાણા જિલ્લાના વતની રાજેશ સોલંકી તરીકે કરવામાં આવી છે. પોલીસ પાસેથી મળતી પ્રાથમિક માહિતી મુજબ, રાજેશ સોલંકી છેલ્લા કેટલાક સમયથી ગાંધીનગરમાં પોતાની બહેનના ઘરે રહેતો હતો અને અહીં રહીને છૂટક મજૂરીકામ કરીને પોતાનું ગુજરાન ચલાવતો હતો. યુવકનું મૃતદેહ શાળાના કેમ્પસમાં આવેલા વૃક્ષ સાથે લટકતું હોવાથી આ ઘટના આત્મહત્યા છે કે હત્યા, તે અંગે અનેક તર્ક-વિતર્ક સર્જાયા છે.

FSl ની મદદ

ઘટનાની ગંભીરતાને ધ્યાનમાં રાખીને સેક્ટર-6 પોલીસ તાત્કાલિક ઘટનાસ્થળે પહોંચી ગઈ હતી.  આ ઘટના અંગે પોલીસે સઘન તપાસ શરૂ કરી છે. પોલીસે ફોરેન્સિક સાયન્સ લેબોરેટરી (FSL)ની ટીમની મદદ લેવાનું નક્કી કર્યું છે. FSLની ટીમ દ્વારા ઘટનાસ્થળેથી પુરાવા એકત્ર કરવામાં આવશે અને રિપોર્ટના આધારે મૃત્યુનું ચોક્કસ કારણ જાણી શકાશે.

આ પણ વાંચોઃ Kalol News: માતા, પુત્રી અને દોહિત્રીનો આપઘાત, શું ભાભી ત્રાસ આપતી હતી?