Gandhinagar news: ગાંધીનગરમાં આજે વિશ્વ પર્યાવરણ દિવસ નિમિત્તે આયોજિત મુખ્યમંત્રીના કાર્યક્રમ સ્થળે અચાનક એક સાપ નીકળી આવ્યો હતો જેના કારણે ભારે અફરાતફરી અને દોડાદોડી મચી ગઈ હતી.
Gandhinagar news: ગાંધીનગરમાં આજે વિશ્વ પર્યાવરણ દિવસ નિમિત્તે આયોજિત મુખ્યમંત્રીના કાર્યક્રમ સ્થળે અચાનક એક સાપ નીકળી આવ્યો હતો જેના કારણે ભારે અફરાતફરી અને દોડાદોડી મચી ગઈ હતી. મુખ્યમંત્રી ભૂપેન્દ્રભાઈ પટેલ (CM Bhupendra Patel) 'એક પેડ મા કે નામ 3.0' (Ek Ped Maa Ke Naam) મહાઅભિયાનનો પ્રારંભ કરાવવા માટે કાર્યક્રમ સ્થળે પહોંચે તે પહેલાં જ આ ઘટના બની હતી.
Gandhinagar માં CMના કાર્યક્રમ સ્થળે નીકળ્યો સાપ
વ્હીઆઈપી (VIP) મૂવમેન્ટ પહેલાં જ અચાનક સાપ દેખાતાં સુરક્ષાકર્મીઓ અને સ્ટાફમાં દોડધામ મચી ગઈ હતી, જો કે સ્થાનિક કામદારો અને વન વિભાગના કર્મચારીઓએ સમયસૂચકતા વાપરીને તાત્કાલિક સાપને સુરક્ષિત રીતે પકડી પાડ્યો હતો, જેના કારણે મોટી રાહત થઈ હતી.
'એક પેડ મા કે નામ' અભિયાનના ત્રીજા તબક્કાનો પ્રારંભ
સાપ પકડાયા બાદ મામલો શાંત પડ્યો હતો અને ત્યારબાદ મુખ્યમંત્રી ભૂપેન્દ્રભાઈ પટેલના હસ્તે 'એક પેડ મા કે નામ' અભિયાનના ત્રીજા તબક્કાનો વિધિવત પ્રારંભ કરાવવામાં આવ્યો હતો. સીએમએ પોતે વૃક્ષારોપણ કરીને આ મહાઅભિયાનની શરૂઆત કરાવી હતી. આ અંતર્ગત ગાંધીનગર ખાતે ૫ હજાર વૃક્ષો અને સમગ્ર ગાંધીનગર લોકસભા ક્ષેત્રમાં કુલ 50 લાખ વૃક્ષોનું વાવેતર કરવાનો મોટો લક્ષ્યાંક રાખવામાં આવ્યો છે.
આ પણ વાંચો: Banaskantha Dhanera News: ધાનેરામાં માત્ર 10 જ દિવસમાં 11 ઘરમાં ચિરાગ ઓલવાઈ જતાં આક્રંદ
