Gati Shakti Vishwavidyalaya : India's 1st Transportation & Logistics University. જાણો GSV ના લેટેસ્ટ કોર્સ, AI ટેક્નોલોજી, અને 91 % પ્લેસમેન્ટ રેશિયો વિશે વિગતવાર જાણીએ અને જાણવું જરૂરી ય છે કારણ દેશભરમાં આ Skill Development માટે આ નવતર પ્રયોગ છે. 

ભારત આજે વિશ્વની સૌથી ઝડપથી વિકસતી અર્થવ્યવસ્થાઓમાં અગ્રેસર છે. દેશમાં આધુનિક ઇન્ફ્રાસ્ટ્રક્ચર, મલ્ટીમોડલ કનેક્ટિવિટી અને લોજિસ્ટિક્સ ક્ષેત્રમાં ક્રાંતિકારી પરિવર્તનો આવી રહ્યા છે. આ ઝડપી વિકાસને પહોંચી વળવા માટે સૌથી મોટી જરૂરિયાત છે: કુશળ માનવસંસાધન. આ જ ઉદ્દેશ્યની પૂર્તિ માટે કેન્દ્ર સરકારના માર્ગદર્શન અને ગુજરાત સરકારના સહયોગથી ૦6 ડિસેમ્બર 2022 ના રોજ વડોદરા ખાતે દેશની પ્રથમ અને એકમાત્ર ટ્રાન્સપોર્ટેશન અને લોજિસ્ટિક્સ કેન્દ્રિત સેન્ટ્રલ યુનિવર્સિટી, 'ગતિ શક્તિ વિશ્વવિદ્યાલય (GSV)' ની સ્થાપના કરવામાં આવી છે, જે રાષ્ટ્રના વિકાસમાં એક સીમાચિહ્નરૂપ કદમ સાબિત થઈ રહી છે.

Gati Shakti Vishwavidyalaya : વડોદરા-રોકાણ, ઇનોવેશન અને ઈન્ફ્રાસ્ટ્રક્ચરનું પાવરહાઉસ

ગુજરાત સરકારે ઉદ્યોગ, શિક્ષણ/Education અને ઇન્ફ્રાસ્ટ્રક્ચર ક્ષેત્રે કરેલા સતત વિકાસને કારણે વડોદરા/Vadodara આજે નવી સંભાવનાઓનું કેન્દ્ર બની ગયું છે.

• આગામી સમયમાં મધ્ય ગુજરાત માટે યોજાનારી વાઇબ્રન્ટ ગુજરાત રિજનલ કોન્ફરન્સ (VGRC) રાજ્યમાં રોકાણની તકો, નવીન આયામો અને ટેક્નોલોજી આધારિત વિકાસને જબરદસ્ત પ્રોત્સાહન આપશે.

• આ કોન્ફરન્સ વડોદરા અને સમગ્ર રાજ્યની ઔદ્યોગિક તથા શૈક્ષણિક ક્ષમતાને વૈશ્વિક સ્તરે રજૂ કરવા માટેનો એક મહત્વપૂર્ણ મંચ બની રહેશે.

Gati Shakti Vishwavidyalaya : શૈક્ષણિક માળખું અને ભવિષ્યલક્ષી અભ્યાસક્રમો

વડોદરાના લાલબાગ વિસ્તારમાં સ્થિત ગતિ શક્તિ વિશ્વવિદ્યાલય માત્ર પરંપરાગત શિક્ષણ પૂરતું સીમિત નથી. તે “ઇન્ડસ્ટ્રી ડ્રિવન એન્ડ ઇનોવેશન લેડ” (ઉદ્યોગ-સંચાલિત અને નવીનીકરણ આધારિત) મોડેલ પર કાર્ય કરે છે.

• અભ્યાસક્રમો: અહીં B.Tech, M.Tech, MBA અને Ph.D. કક્ષાના કોર્સ ઓફર કરવામાં આવે છે. જેમાં AI, ડેટા સાયન્સ, એવિએશન એન્જિનિયરિંગ અને મેરિટાઇમ એન્જિનિયરિંગ પર વિશેષ ભાર મૂકવામાં આવે છે.

• વિદ્યાર્થીઓ અને કેમ્પસ: હાલમાં સમગ્ર ભારતના ૨૩ થી વધુ રાજ્યોમાંથી ૧,૦૦૦ થી વધુ વિદ્યાર્થીઓ અહીં અભ્યાસ કરી રહ્યા છે. લાલબાગ ઉપરાંત વાઘોડિયા ખાતે પણ નવું કેમ્પસ આકાર લઈ રહ્યું છે.

• એક્ઝિક્યુટિવ તાલીમ: દર વર્ષે ભારતીય રેલવે, સંરક્ષણ દળો અને મિત્ર દેશોના ૧૧૦૦થી વધુ અધિકારીઓને વિશેષ તાલીમ આપવામાં આવે છે.

ઔદ્યોગિક જોડાણ અને ઇનોવેશન (Industry-Academia Collaboration)

GSV ની સૌથી મોટી વિશેષતા તેનું પ્રાયોગિક અને ઇન્ડસ્ટ્રી સાથે જોડાયેલું શિક્ષણ છે.

• વિશ્વવિદ્યાલયે એરબસ, L&T, DGCA, સિમેન્સ, એમેઝોન, DRDO, ભારતીય સેના, વાયુસેના, નૌકાદળ અને મોનાશ યુનિવર્સિટી જેવી વૈશ્વિક સંસ્થાઓ સાથે સહયોગ કર્યો છે.

• 'એરબસ સેન્ટર ઓફ એક્સેલન્સ' દ્વારા સસ્ટેનેબલ એવિએશન ફ્યુલ અને AI આધારિત ટ્રાન્સપોર્ટ સિસ્ટમ જેવા પ્રોજેક્ટ્સ પર કામ ચાલી રહ્યું છે.

• યુનિવર્સિટીના એસોસિએટ પ્રોફેસર ડૉ. વેંકટ ચિંતલાને સસ્ટેનેબિલિટી ક્ષેત્રે નવી ટેકનોલોજીના વિકાસ માટે ભારતના રાષ્ટ્રપતિ દ્વારા સન્માનિત કરવામાં આવ્યા છે.

ઉત્કૃષ્ટ પ્લેસમેન્ટ અને કારકિર્દી નિર્માણ

ગતિશક્તિ વિશ્વવિદ્યાલયે રોજગાર સર્જનમાં અસાધારણ પ્રગતિ કરી છે. યુનિવર્સિટીના કારકિર્દી વિકાસ કેન્દ્ર મારફતે ૬૦ થી વધુ પ્રતિષ્ઠિત કંપનીઓ પ્લેસમેન્ટ ડ્રાઇવમાં ભાગ લઈ ચૂકી છે.

• ટોચની કંપનીઓ: સિમેન્સ, અલ્સ્ટોમ, ટાટા કન્સલ્ટન્સી એન્જીનિયરિંગ, L&T, મેર્સ્ક (Maersk), JSW, DFCCIL અને હિન્દુસ્તાન યુનિલિવર વગેરે.

• પ્લેસમેન્ટ દર: વર્ષ 2025 માં 91 % અને વર્ષ 2026 માં 89% જેટલો ઉત્તમ પ્લેસમેન્ટ રેશિયો પ્રાપ્ત કર્યો છે.

ટૂંકમાં કહીએ તો, પીએમ ગતિ શક્તિ નેશનલ માસ્ટર પ્લાન અને નેશનલ લોજિસ્ટિક પોલિસી સાથે સંકળાયેલ ગતિ શક્તિ વિશ્વવિદ્યાલય એ માત્ર એક શૈક્ષણિક સંસ્થા નથી, પરંતુ ભારતના ભવિષ્યની ઇકોસિસ્ટમનું નિર્માણ કરતું કેન્દ્ર છે. અહીંથી તૈયાર થયેલા યુવાનો અને સંશોધનો દેશને ટ્રાન્સપોર્ટેશન અને લોજિસ્ટિક્સ ક્ષેત્રે સ્વનિર્ભર બનાવી રહ્યા છે. ઉદ્યોગ અને શિક્ષણના આ અદભૂત સમન્વય થકી સંસ્થા "આત્મનિર્ભર ભારત" અને "વિકસિત ભારત @ 2047" Viksit Bharat 2047 ના રાષ્ટ્રીય સ્વપ્નને સાકાર કરવામાં પોતાનું અમૂલ્ય યોગદાન આપી રહી છે.

આ પણ વાંચો Gujarat Police Humanity : કાયદો કડક, દિલ નરમ: નવજાત શિશુ અને મજબૂર મા માટે પોલીસ બની ‘દેવદૂત’