માર્ચ 2026 સુધીમાં 111 અબજ ડોલરની એસેટ્સ, ગિફ્ટ સિટીએ રચ્યો નવો ઈતિહાસ

ફિનટેક, ડિજિટલ ઇનોવેશન અને સંયુક્ત સંશોધન પર અપાશે ભાર

આ વ્યૂહાત્મક ભાગીદારી હેઠળ બંને દેશો નાણાંકીય સેવાઓ, ફિનટેક (Fintech), ડિજિટલ ઇનોવેશન અને ક્ષમતા નિર્માણ જેવા ક્ષેત્રોમાં સાથે મળીને કામ કરશે. ભારત અને વિયેતનામ વચ્ચે વિદેશમાં રોકાણ અને વ્યાપારિક સંબંધોને મજબૂત બનાવવા માટેની નવી તકો શોધવામાં આવશે. ગિફ્ટ સિટીના મેનેજિંગ ડિરેક્ટર (Managing Director) અને ગ્રૂપ સીઈઓ (Group CEO) સંજય કૌલે (Sanjay Kaul) આ અંગે જણાવ્યું હતું કે, ગિફ્ટ સિટીના વિકાસ દરમિયાન મેળવેલા જ્ઞાન અને સંસ્થાકીય અનુભવને શેર કરવાથી બંને દેશોના આર્થિક સંબંધો વધુ સુદ્રઢ બનશે.

ઇકોસિસ્ટમને મજબૂત કરવા ટાટા કમ્યુનિકેશન્સ અને સેપ્ટ સાથે પણ જોડાણ

ગિફ્ટ સિટીએ તેની સમગ્ર ઇકોસિસ્ટમને વધુ શક્તિશાળી બનાવવા માટે અન્ય બે મહત્વના એમઓયુ કર્યા છે. ટાટા કમ્યુનિકેશન્સ સાથે આ ભાગીદારીનો હેતુ ગિફ્ટ સિટીને ગ્લોબલ કેપેબિલિટી સેન્ટર્સ (GCC), ટ્રેઝરી સેન્ટર્સ અને ટેક્નોલોજી કંપનીઓ માટે પસંદગીના વૈશ્વિક સ્થળ તરીકે વિકસાવવાનો છે. સેપ્ટ યુનિવર્સિટી (CEPT University) સાથે આ કરાર હેઠળ યુનિવર્સિટીની આર્કિટેક્ચર, પ્લાનિંગ અને અર્બન મેનેજમેન્ટ ક્ષેત્રની નિપુણતાનો ઉપયોગ કરીને ટકાઉ શહેરી વિકાસ, સંશોધન અને જ્ઞાનની આપ-લે કરવામાં આવશે.

ગિફ્ટ સિટીનો ભવ્ય બિઝનેસ ગ્રોથ: આંકડા બોલે છે

હાલમાં ગિફ્ટ સિટી ખાતે 1,500થી વધુ પ્રતિષ્ઠિત સંસ્થાઓ કાર્યરત છે. માર્ચ 2026 સુધીમાં ગિફ્ટ સિટીના IFSC માં બેન્કિંગ એસેટ્સનું કુલ મૂલ્ય 111 અબજ યુએસ ડોલર સુધી પહોંચી ગયું છે. આ ઉપરાંત, અહીંની ફંડ મેનેજમેન્ટ ઇકોસિસ્ટમમાં 217 સંસ્થાઓ દ્વારા 360 સ્કીમ્સનું સફળ સંચાલન કરવામાં આવી રહ્યું છે, જેમાં કુલ મૂડી પ્રતિબદ્ધતા 39 (39) અબજ યુએસ ડોલરને પાર થઈ ગઈ છે.